நாளை டிசம்பர் 1, 2025 அன்று கல்வித்துறை வெளியிட்ட அதிகாரபூர்வ உத்தரவு!
புதுச்சேரி / காரைக்கால்: இந்தியப் பெருங்கடலில் உருவாகி வரும் 'டிட்வா' புயலின் அச்சுறுத்தல் காரணமாகவும், முன்னெச்சரிக்கை நடவடிக்கையாகவும், புதுச்சேரி மற்றும் காரைக்கால் பிராந்தியங்களில் உள்ள பள்ளிகளுக்கு மட்டும் நாளை ஒரு நாள் விடுமுறை அளிக்கப்பட்டு, அவசர அறிவிப்பு வெளியாகியுள்ளது.
புதுச்சேரி கல்வித்துறை சார்பில் வெளியிடப்பட்டுள்ள அதிகாரபூர்வ அறிக்கையின்படி, நாளை திங்கட்கிழமை, டிசம்பர் 1, 2025 அன்று புதுச்சேரி மற்றும் காரைக்கால் மாவட்டங்களில் உள்ள அனைத்துப் பள்ளிகளுக்கும் விடுமுறை அளிக்கப்படுவதாக அறிவிக்கப்பட்டுள்ளது. கனமழை மற்றும் புயல் தாக்கத்தின் அபாயத்தைக் கருத்தில் கொண்டு, மாணவர்களின் பாதுகாப்பைக் கருதி இந்த நடவடிக்கை எடுக்கப்பட்டுள்ளது.
இந்த உத்தரவு பள்ளிகளுக்கு மட்டுமே பொருந்தும் என்றும், கல்லூரிகளுக்கு இதுவரை விடுமுறை குறித்து எந்த அறிவிப்பும் வெளியாகவில்லை என்றும் தெரிவிக்கப்பட்டுள்ளது.
புதுச்சேரி மற்றும் காரைக்கால் மக்கள், புயல் குறித்த வானிலை ஆய்வு மையத்தின் அவசர அறிவிப்புகளைக் கேட்டு, உரிய முன்னெச்சரிக்கை நடவடிக்கைகளை மேற்கொள்ளுமாறு அரசு நிர்வாகம் கேட்டுக் கொண்டுள்ளது.
in
தமிழகம்
