கஞ்சா போதையில் ஆத்திரம்.. மனைவியை வெட்ட முயன்றபோது தடுத்த மாமியார் படுகாயம்! Pulianthope Rowdy Vetrichel Arrested: Mother-in-Law Injured While Stopping Attack on Wife

பேசின்பிரிட்ஜ் ரவுடியின் அட்டூழியம்: சென்னை புளியந்தோப்பில் பரபரப்பு – உஷா மருத்துவமனையில் அனுமதி!

சென்னை புளியந்தோப்பு பகுதியில்கஞ்சா போதையில் ஆத்திரமடைந்த பேசின்பிரிட்ஜ் காவல் நிலையத்தைச் சேர்ந்த 'பி' கேட்டகிரி ரவுடி ஒருவன், தனது மனைவியைக் கத்தியால் வெட்ட முயன்றபோது தடுக்க வந்த மாமியாரின் கை எலும்பை உடைத்து அட்டூழியம் செய்த சம்பவம் பெரும் பரபரப்பை ஏற்படுத்தியுள்ளது. தப்பி ஓடிய அந்த ரவுடியை இன்று அதிகாலையில் போலீசார் தீவிர தேடுதலுக்குப் பின்  கைது செய்துள்ளனர்.

புளியந்தோப்புப் பகுதியைச் சேர்ந்த வெற்றிவேல் என்ற ரவுடிக்கும் அவரது மனைவி ரோஜாவுக்கும் அடிக்கடி குடும்பத் தகராறுகள் ஏற்பட்டு வந்துள்ளன. இந்தச் சண்டைகளை ரோஜாவின் தாயார் உஷா தலையிட்டுச் சமாதானப்படுத்தி வந்துள்ளார். இந்தச் சூழலில், நேற்று இரவு ரவுடி வெற்றிவேல் கஞ்சா போதையில் வீட்டிற்கு வந்து மனைவி ரோஜாவுடன் மீண்டும் தகராறில் ஈடுபட்டுள்ளார்.

தகராறு முற்றவே, மறைத்து வைத்திருந்த கத்தியை எடுத்து ரோஜாவை வெட்ட முயன்றபோது, தாய் உஷா உடனடியாகத் தடுக்க வந்துள்ளார். அப்போது, ஆத்திரத்தில் வெற்றிவேல் உஷாவை வெட்டியதில், அவரது கை எலும்பு உடைந்து தொங்கியது. வலியால் உஷா அலற, அவரைக் காப்பாற்ற முயன்ற மனைவி ரோஜாவையும் வெற்றிவேல் தாக்கிவிட்டு, சம்பவ இடத்திலிருந்து தப்பி ஓடினார்.

தகவல் அறிந்த பேசின்பிரிட்ஜ் போலீசார் சம்பவ இடத்திற்கு  விரைந்து வந்து, காயமடைந்த உஷாவையும் ரோஜாவையும் சிகிச்சைக்காக ஸ்டான்லி அரசு மருத்துவமனையில் அனுமதித்தனர். உஷாவுக்குக் கையில் கடுமையான காயம்  ஏற்பட்டதால் அவருக்குத் தீவிர சிகிச்சை அளிக்கப்பட்டு வருகிறது. தப்பி ஓடிய ரவுடி வெற்றிவேலைக் கைது செய்வதற்காகப் போலீசார் அமைத்த சிறப்புப் படை, இன்று அதிகாலையில் அவரைக் கைது செய்து, தொடர்ந்து விசாரணை நடத்தி வருகிறது.