இந்தியக் குடியுரிமைக்கு முன் வாக்காளர் அட்டை பெற்றதாகக் குற்றச்சாட்டு; எஃப்ஐஆர் பதிவு செய்ய மறுப்பு!
காங்கிரஸ் கட்சியின் மூத்த தலைவர் சோனியா காந்திக்கு எதிராக, அவர் இந்தியக் குடியுரிமை பெறுவதற்கு முன்பே வாக்காளர் அடையாள அட்டை பெற்றதாகத் தொடரப்பட்ட மனுவை டெல்லி ரோஸ் அவென்யூ நீதிமன்றம் இன்று தள்ளுபடி செய்தது.
சோனியா காந்திக்கு எதிராக எஃப்ஐஆர் (FIR) பதிவு செய்ய உத்தரவிட வேண்டும் என்று கோரி ஒரு மனு தாக்கல் செய்யப்பட்டது. அதில், சோனியா காந்தி இந்தியக் குடியுரிமை பெறுவதற்கு முன்பே வாக்காளர் அடையாள அட்டையைப் பெற்றுள்ளார் என்றும், இது சட்டவிரோதமானது என்றும் குற்றம்சாட்டப்பட்டிருந்தது.
இந்த மனுவை விசாரித்த நீதிமன்றம், இந்த வழக்கில் சோனியா காந்திக்கு எதிராக எஃப்ஐஆர் பதிவு செய்ய உத்தரவிட மறுத்ததுடன், மனுவைத் தள்ளுபடி செய்து உத்தரவிட்டது. இந்தத் தீர்ப்பு, காங்கிரஸ் கட்சியினர் மத்தியில் நிம்மதியை ஏற்படுத்தியுள்ளது.
