ஆசிரியர் தகுதித் தேர்வுக்கு 4.80 லட்சம் பேர் விண்ணப்பம்! 4.80 Lakh Candidates Apply for TET Exam

கடந்த ஆண்டுகளை விட விண்ணப்ப எண்ணிக்கை அதிகரிப்பு; நவம்பர் மாதம் தேர்வு!

இடைநிலை ஆசிரியர்கள் மற்றும் பட்டதாரி ஆசிரியர்களுக்கான ஆசிரியர் தகுதித் தேர்வு (டெட்) எழுத, சுமார் 4 லட்சத்து 80 ஆயிரம் பேர் விண்ணப்பித்துள்ளனர். இது, கடந்த ஆண்டுகளில் நடைபெற்ற தேர்வுகளுடன் ஒப்பிடும்போது அதிக விண்ணப்பப் பதிவாகும்.

மத்திய அரசின் இலவச கட்டாயக் கல்வி உரிமைச் சட்டத்தின் கீழ், 1-ஆம் வகுப்பு முதல் 8-ஆம் வகுப்பு வரை பணிபுரியும் ஆசிரியர்களுக்கு இந்தத் தேர்வு கட்டாயமாக்கப்பட்டுள்ளது.

ஆசிரியர் தேர்வு வாரியத்தின் இணையதளத்தில் இதற்கான விண்ணப்பப் பதிவு முடிவடைந்த நிலையில், இந்த ஆண்டு 4 லட்சத்து 80 ஆயிரம் பேர் விண்ணப்பித்துள்ளனர். கடந்த 2012-ஆம் ஆண்டு முதல் இதுவரை 6 முறை டெட் தேர்வு நடத்தப்பட்டுள்ளது. அதில், கடந்த 2014 மற்றும் 2013-ஆம் ஆண்டுகளில் அதிக அளவிலான விண்ணப்பங்கள் பெறப்பட்டன. ஆனால், மற்ற ஆண்டுகளில் விண்ணப்பப் பதிவு 4 லட்சத்தைத் தாண்டவில்லை. இந்த ஆண்டு, சமீபத்தில் உச்ச நீதிமன்றம் பிறப்பித்த உத்தரவைத் தொடர்ந்து, ஏற்கனவே பணியில் இருக்கும் ஆசிரியர்களும் விண்ணப்பித்ததால், இந்த எண்ணிக்கை அதிகரித்துள்ளதாகத் தகவல்கள் தெரிவிக்கின்றன.

டெட் தேர்வு, வரும் நவம்பர் மாதம் 15 மற்றும் 16-ஆம் தேதிகளில் நடைபெற உள்ளது.

Previous Post Next Post

Post Ads 1

Post Ads 2

The Chennai Silks - Let the Celebrations Begin!

Silk Sarees- Buy Pure Silk and Soft Silk Sarees at The SCM Silk