<p style="text-align: justify;">செங்கல்பட்டு மாவட்டத்தைச் சேர்ந்த படித்த மற்றும் வேலைவாய்ப்பற்ற இளைஞர்களுக்குப் புதிய வேலைவாய்ப்புகளை உருவாக்கித் தரும் நோக்கில், மாவட்ட நிர்வாகமும் மாவட்ட வேலைவாய்ப்பு மற்றும் தொழில்நெறி வழிகாட்டும் மையமும் இணைந்து சிறப்பு சிறிய அளவிலான தனியார் துறை வேலைவாய்ப்பு முகாம் ஒன்றை நடத்த ஏற்பாடு செய்துள்ளன. இந்த முகாமானது வரும் 2026-ஆம் ஆண்டு ஜூன் மாதத்தின் மூன்றாவது வெள்ளிக்கிழமையான 19.06.2026 அன்று செங்கல்பட்டில் உள்ள மாவட்ட ஆட்சியர் அலுவலக வளாகத்தில் மிகச் சிறப்பாக நடைபெற உள்ளது.</p>
<h3 style="text-align: justify;">முன்னனி நிறுவனங்கள் மற்றும் காலிப்பணியிடங்கள்</h3>
<p style="text-align: justify;">இம்முகாமில் தமிழகத்தின் பல்வேறு பகுதிகளில் இருந்து ஐம்பதுக்கும் மேற்பட்ட முன்னணி தனியார் துறை நிறுவனங்களும், இளைஞர்களுக்குப் பல்வேறு தொழிற்துறைகளில் பயிற்சி அளிக்கும் திறன் பயிற்சி நிறுவனங்களும் நேரடியாகப் பங்கேற்கவுள்ளன. இந்த நிறுவனங்கள் தங்களது நிறுவன வளர்ச்சி மற்றும் மனிதவளத் தேவைகளுக்காகச் சுமார் ஐந்தாயிரத்திற்கும் மேற்பட்ட காலிப்பணியிடங்களை நிரப்பத் திட்டமிட்டுள்ளன. முகாமிற்கு வரும் தகுதியான வேலைநாடுநர்களைத் தேர்ந்தெடுக்கும் பொருட்டு, அந்தந்த நிறுவனங்களின் பிரதிநிதிகள் மூலம் அங்கேயே நேர்முகத் தேர்வுகளும் நடத்தப்படவுள்ளன.</p>
<h3 style="text-align: justify;">முகாமில் பங்கேற்பதற்கான கல்வித் தகுதிகள் மற்றும் வயது வரம்பு</h3>
<p style="text-align: justify;">இந்த வேலைவாய்ப்பு முகாமில் அனைத்துத் தரப்பு இளைஞர்களும் பயன்பெறும் வகையில் கல்வித் தகுதிகள் நிர்ணயம் செய்யப்பட்டுள்ளன. அதன்படி எட்டாம் வகுப்பு, பத்தாம் வகுப்பு மற்றும் பன்னிரண்டாம் வகுப்பு தேர்ச்சி பெற்றவர்கள் இதில் கலந்து கொள்ளலாம். மேலும் ஏதேனும் ஒரு இளங்கலை அல்லது முதுகலை பட்டப்படிப்பு முடித்தவர்கள், பி.இ பட்டதாரிகள், ஐடிஐ மற்றும் டிப்ளமோ போன்ற தொழில்நுட்பக் கல்வி பயின்றவர்களும் பங்கேற்கலாம்.</p>
<p style="text-align: justify;">இவர்களுடன் மருத்துவத் துறை சார்ந்த தகுதியுடைய செவிலியர்கள், மருந்தாளுநர்கள் மற்றும் ஆய்வக உதவியாளர்கள் போன்ற வேலைநாடுநர்களும், மாற்றுத்திறனாளி இளைஞர்களும் இந்த முகாமில் கலந்துகொண்டு தங்களுக்குரிய வேலைவாய்ப்பினைப் பெற்றுக் கொள்ளலாம். இம்முகாமில் கலந்துகொள்ள விரும்பும் நபர்கள் பதினெட்டு வயது பூர்த்தியடைந்தவராகவும் நாற்பது வயதிற்கு மிகாதவராகவும் இருக்க வேண்டும்.</p>
<h3 style="text-align: justify;">முற்றிலும் இலவச அனுமதி மற்றும் ஆன்லைன் பதிவு விவரங்கள்</h3>
<p style="text-align: justify;">செங்கல்பட்டு மாவட்ட நிர்வாகத்தின் மூலம் நடத்தப்படும் இந்த வேலைவாய்ப்பு முகாமில் கலந்து கொள்வதற்கு வேலையளிக்கும் நிறுவனங்களுக்கும், வேலை தேடும் இளைஞர்களுக்கும் அனுமதி முற்றிலும் இலவசமாக்கப்பட்டுள்ளது. இந்த முகாமில் பங்கேற்க விரும்பும் நிறுவனங்களும், தகுதியான வேலைநாடுநர்களும் தமிழ்நாடு அரசின் தனியார் துறை வேலைவாய்ப்புக்கான அதிகாரப்பூர்வ இணையதளமான www.tnprivatejobs.tn.gov.in என்ற முகவரியில் தங்களது விவரங்களை முன்கூட்டியே பதிவு செய்து கொள்ளலாம் என மாவட்ட நிர்வாகம் தெரிவித்துள்ளது.</p>
<h3 style="text-align: justify;">முகாம் நடைபெறும் இடம் மற்றும் கொண்டு வர வேண்டிய ஆவணங்கள்</h3>
<p style="text-align: justify;">இந்தச் சிறப்பு வேலைவாய்ப்பு முகாம் வரும் ஜூன் 19-ஆம் தேதி வெள்ளிக்கிழமை அன்று காலை 09.00 மணிக்குத் தொடங்கி மதியம் 02.00 மணி வரை நடைபெற உள்ளது. செங்கல்பட்டு மாவட்ட ஆட்சியர் அலுவலக ஒருங்கிணைந்த கட்டிடத்தின் தரைத்தளத்தில், டி-பிளாக்கில் அமைந்துள்ள மாவட்ட வேலைவாய்ப்பு மற்றும் தொழில்நெறி வழிகாட்டும் மைய அலுவலகத்தில் இந்த முகாம் நடைபெறும். முகாமில் கலந்துகொள்ள விரும்பும் இளைஞர்கள் தங்களுடைய கல்விச் சான்றிதழ்களின் நகல்கள், தற்போதைய சுயவிவரக் குறிப்பு எனப்படும் பயோடேட்டா மற்றும் பாஸ்போர்ட் அளவிலான புகைப்படங்களுடன் குறித்த நேரத்திற்கு நேரில் வந்து கலந்து கொள்ள வேண்டும்.</p>
<h4 style="text-align: justify;">வேலைவாய்ப்பு அலுவலகப் பதிவு மற்றும் தொடர்பு எண்கள்</h4>
<p style="text-align: justify;">இந்தத் தனியார் துறை வேலைவாய்ப்பு முகாம் மூலம் தனியார் நிறுவனங்களில் பணி நியமனம் பெறும் இளைஞர்களுடைய அரசு வேலைவாய்ப்பு அலுவலகப் பதிவு எக்காரணம் கொண்டும் ரத்து செய்யப்பட மாட்டாது என்று செய்திக் குறிப்பில் மிகத் தெளிவாகக் குறிப்பிடப்பட்டுள்ளது. எனவே, இளைஞர்கள் எவ்விதத் தயக்கமுமின்றி இந்த முகாமில் பங்கேற்கலாம்.</p>
<p style="text-align: justify;">இந்த முகாம் தொடர்பாக ஏதேனும் சந்தேகங்கள் இருந்தாலோ அல்லது கூடுதல் விபரங்கள் தேவைப்பட்டாலோ வேலைநாடுநர்கள் 044-27426020 என்ற தொலைபேசி எண்ணிலோ அல்லது 9499055895, 9486870577, 8248185171 மற்றும் 8122140214 ஆகிய அலைபேசி எண்களிலோ தொடர்பு கொண்டு விவரங்களைப் பெற்றுக் கொள்ளலாம். எனவே, தகுதியும் ஆர்வமும் உள்ள செங்கல்பட்டு மாவட்ட இளைஞர்கள் இந்த நல்வாய்ப்பினைப் பயன்படுத்தித் தங்களுக்குரிய வேலைவாய்ப்பினைப் பெற்றுக் கொள்ளுமாறு செங்கல்பட்டு மாவட்ட ஆட்சித்தலைவர் மருத்துவர். மு. வீரப்பன், தனது செய்திக் குறிப்பில் அன்போடு கேட்டுக் கொண்டுள்ளார்.</p>
Source: Read Full Article
