தமிழக மாணவர்களுக்கு ரூ.2 லட்சம் கல்வி உதவித்தொகை: விண்ணப்பிப்பது எப்படி?

<p style="text-align: justify;"><strong>மயிலாடுதுறை: </strong>மத்திய அரசின் உயர் கல்வி நிறுவனங்களான ஐ.ஐ.டி, ஐ.ஐ.எம், ஐ.ஐ.ஐ.டி, என்.ஐ.டி மற்றும் மத்திய பல்கலைக்கழகங்களில் பயிலும் தமிழகத்தைச் சேர்ந்த பிற்படுத்தப்பட்டோர், மிகப்பிற்படுத்தப்பட்டோர் மற்றும் சீர்மரபின சமூகத்தைச் சேர்ந்த மாணவ, மாணவிகளுக்கு 2026-2027ஆம் கல்வி ஆண்டிற்கான புதிய மற்றும் புதுப்பித்தல் கல்வி உதவித்தொகை வழங்கப்படவுள்ளது. இது குறித்த விரிவான தகவல்களையும் விண்ணப்பிக்கும் நடைமுறைகளையும் மயிலாடுதுறை மாவட்ட ஆட்சியர் ஹெச்.எஸ். ஸ்ரீகாந்த், முக்கிய செய்திக் குறிப்பாக வெளியிட்டுள்ளார்.</p> <h3 style="text-align: justify;">திட்டத்தின் முக்கிய நோக்கம் மற்றும் தகுதிகள்</h3> <p style="text-align: justify;">தமிழகத்தைச் சேர்ந்த பிற்படுத்தப்பட்டோர், மிகப்பிற்படுத்தப்பட்டோர் மற்றும் சீர்மரபினர் சமூகத்தைச் சேர்ந்த மாணவர்கள் நிதி நெருக்கடியின்றி நாட்டின் புகழ்பெற்ற உயர் கல்வி நிறுவனங்களில் பயில வேண்டும் என்ற உயரிய நோக்கில் இக்கல்வி உதவித்தொகைத் திட்டம் செயல்படுத்தப்பட்டு வருகிறது. தமிழ்நாடு மற்றும் இந்தியாவின் பிற மாநிலங்களில் இயங்கி வரும் ஐ.ஐ.டி, ஐ.ஐ.எம், ஐ.ஐ.ஐ.டி, என்.ஐ.டி மற்றும் பல்வேறு மத்திய பல்கலைக்கழகங்களில் இளங்கலை பட்டப்படிப்பு (UG) மற்றும் முதுகலை பட்டப்படிப்பு (PG) பயிலும் மாணவ, மாணவிகள் இத்திட்டத்தின் மூலம் பயன்பெறத் தகுதியுடையவர்கள் ஆவர். இத்திட்டத்தின் கீழ் பயன்பெற விரும்பும் மாணவர்களின் குடும்ப ஆண்டு வருமானம் ரூபாய் 2.50 இலட்சத்திற்கு மிகாமல் இருக்க வேண்டும் என்பது முதன்மைத் தகுதியாக நிர்ணயிக்கப்பட்டுள்ளது.</p> <h3 style="text-align: justify;">வழங்கப்படும் உதவித்தொகை விபரம்</h3> <p style="text-align: justify;">இத்திட்டத்திற்குத் தகுதியான மாணவர்களுக்கு அவர்களின் படிப்பிற்கான கற்பிப்பு கட்டணம் (Tuition Fee), தேர்வு கட்டணம் (Exam Fee) மற்றும் கல்வி நிறுவனங்களால் வசூலிக்கப்படும் இதர கட்டாயக் கட்டணங்கள் ஆகியவை கல்வி உதவித்தொகையாக திரும்ப வழங்கப்படும். அல்லது ஆண்டிற்கு அதிகபட்சமாக ரூபாய் 2.00 இலட்சம் வரை நிதியுதவியாக மாணவர்களுக்குக் கிடைக்கும். அதேவேளையில், மத்திய அல்லது மாநில அரசின் பிற கல்வி உதவித்தொகைத் திட்டங்கள் மற்றும் நிதியுதவிகளைப் பெற்று வரும் மாணவர்கள் இத்திட்டத்தின் மூலம் பயன்பெறத் தகுதியற்றவர்கள் ஆவார்கள் எனத் தெரிவிக்கப்பட்டுள்ளது.</p> <h3 style="text-align: justify;">விண்ணப்பப் படிவங்கள் பெறும் வழிமுறைகள்</h3> <p style="text-align: justify;">கல்வி உதவித்தொகை பெற விரும்பும் மாணவர்கள் அதற்கான விண்ணப்பப் படிவங்களைச் நேரடியாகவோ அல்லது இணையதளம் வாயிலாகவோ பெற்றுக் கொள்ளலாம். விண்ணப்பங்களைச் சென்னை-05 இல் இயங்கி வரும் பிற்படுத்தப்பட்டோர் நல இயக்ககம், மிகப்பிற்படுத்தப்பட்டோர் மற்றும் சீர்மரபினர் நல இயக்ககம் அல்லது அந்தந்த மாவட்டங்களில் உள்ள மாவட்ட ஆட்சியர் அலுவலகத்தில் இயங்கும் பிற்படுத்தப்பட்டோர் மற்றும் சிறுபான்மையினர் நல அலுவலகத்திற்கு நேரடியாகச் சென்று பெற்றுக் கொள்ளலாம்.&zwnj; மேலும், மாணவர்கள் தங்களின் வசதிக்காக <a href="http://www.bcewd.tn.gov.in">www.bcewd.tn.gov.in </a>என்ற அதிகாரப்பூர்வ அரசு இணையதளப் பக்கத்திற்குச் சென்றும் விண்ணப்பங்களை எளிதாகப் பதிவிறக்கம் செய்து கொள்ள முடியும்.</p> <h3 style="text-align: justify;">பூர்த்தி செய்த விண்ணப்பங்களைச் சமர்ப்பிக்கும் முறை</h3> <p style="text-align: justify;">பதிவிறக்கம் செய்யப்பட்ட அல்லது பெறப்பட்ட விண்ணப்பப் படிவங்களை மாணவர்கள் முறையான சான்றிதழ்களுடன் முழுமையாகப் பூர்த்தி செய்ய வேண்டும். பூர்த்தி செய்யப்பட்ட விண்ணப்பங்களை மாணவர்கள் தாங்கள் பயிலும் கல்வி நிறுவனங்களிலேயே நேரடியாகச் சமர்ப்பிக்க வேண்டும். மாணவர்களிடமிருந்து பெறப்படும் விண்ணப்பங்களை அந்தந்த கல்வி நிறுவனங்கள் உடனடியாகப் பரிசீலித்து, உரிய பரிந்துரையுடன் சம்பந்தப்பட்ட நலத்துறை அலுவலகங்களுக்கு விரைந்து அனுப்பி வைக்க வேண்டும் என்று கேட்டுக் கொள்ளப்பட்டுள்ளனர்.</p> <h3 style="text-align: justify;">விண்ணப்பிக்க வேண்டிய கடைசி தேதிகள்</h3> <p style="text-align: justify;">2026-2027ஆம் கல்வி ஆண்டிற்கான கல்வி உதவித்தொகை விண்ணப்பங்களைச் சமர்ப்பிப்பதற்குக் குறிப்பிட்ட காலக்கெடு நிர்ணயிக்கப்பட்டுள்ளது. அதன்படி, ஏற்கனவே உதவித்தொகை பெற்று வரும் மாணவர்களுக்கான புதுப்பித்தல் (Renewal) விண்ணப்பங்கள் 31.10.2026-க்குள் சம்பந்தப்பட்ட துறைக்கு அனுப்பி வைக்கப்பட வேண்டும். முதன்முறையாக விண்ணப்பிக்கும் மாணவர்களுக்கான புதிய (Fresh) விண்ணப்பங்கள் 30.11.2026-க்குள் அனுப்பி வைக்கப்பட வேண்டும். மேலும், இரட்டைப் பருவ முறையில் பயிலும் மாணவர்களுக்கான Even Semester கட்டண இரசீதுகள் 15.01.2027-க்குள் சமர்ப்பிக்கப்பட வேண்டும் என்று மாவட்ட ஆட்சியர் தனது செய்திக் குறிப்பில் குறிப்பிட்டுள்ளார். தகுதியுடைய தமிழக மாணவர்கள் அனைவரும் இச்சலுகையைப் பயன்படுத்தி உரிய காலத்திற்குள் விண்ணப்பிக்குமாறு அறிவுறுத்தப்பட்டுள்ளனர்.</p>

Source: Read Full Article