இனி திருப்பதிக்கு 45 நிமிடத்தில் போகலாம்.. இறுதிக்கட்டத்தில் சென்னை - திருப்பதி தேசிய நெடுஞ்சாலைப் பணிகள்!
சென்னை - திருப்பதி தேசிய நெடுஞ்சாலையை நான்கு வழிச்சாலையாக விரிவுபடுத்தும் பணிகள் தற்போது இறுதிக்கட்டத்தை எட்டியுள்ளன. இன்னும் சில வாரங்களில் இந்தப் பணிகள் முடிவடையும் என எதிர்பார்க்கப்படுகிறது. இதன் மூலம், சென்னைக்கும் திருப்பதிக்கும் இடையேயான பயண நேரம் 45 நிமிடங்கள் குறையும் என நெடுஞ்சாலைத் துறை அதிகாரிகள் தெரிவித்துள்ளனர்.
ஆந்திரா மற்றும் தமிழ்நாடு மாநிலங்களுக்கு இடையேயான மிக முக்கிய வழித்தடமான இந்தத் தேசிய நெடுஞ்சாலை, திருப்பதிக்குச் செல்லும் பக்தர்களுக்கும், பொதுப் பயணிகளுக்கும் பெரும் பயனை அளிக்கிறது.
இந்தப் பணிகள் முழுமையாக நிறைவடைந்ததும், போக்குவரத்து நெரிசல் வெகுவாகக் குறைந்து, பயணத்தின் வேகம் அதிகரிக்கும். இதன் காரணமாக, பல மணிநேரப் பயணத்தால் ஏற்படும் சோர்வு குறையும் என்றும், வாகனங்களின் போக்குவரத்தும் பாதுகாப்பாக இருக்கும் என்றும் அதிகாரிகள் கூறியுள்ளனர்.
இந்த நான்கு வழிச்சாலைத் திட்டம், இரு மாநிலங்களுக்கு இடையேயான வணிகம் மற்றும் சுற்றுலாவையும் மேம்படுத்தும் எனப் பெரிதும் எதிர்பார்க்கப்படுகிறது.
