
<p>இந்திய அணி நியூசிலாந்து அணிக்கு எதிரான கடைசி ஒருநாள் போட்டியில் தன்னுடைய அபாரமான பந்துவீச்சு மூலமாக வெற்றி பெற்று அசத்தியுள்ளது. </p>
<h2><strong>கோலியை அவமதித்தாரா ஸ்ரேயாஸ்?</strong></h2>
<p>மவுண்ட் மாங்கனேயில் நடந்த இந்த போட்டியின்போது இந்திய அணி ஃபீல்டிங் செய்து கொண்டிருந்தபோது கேப்டன் ஸ்ரேயாஸ் ஐயர் விராட் கோலியை கண்டுகொள்ளாமல் அவமதித்தாக வீடியோ ஒன்று இணையத்தில் வைரலாகி வருகிறது. இதனால், ஸ்ரேயாஸ் ஐயரை ரசிகர்கள் கடுமையாக விமர்சித்து வருகின்றனர். </p>
<h2><strong>நடந்தது என்ன?</strong></h2>
<p>இந்த சம்பவத்தில் உண்மையில் என்ன நடந்தது? என்பதை முழு வீடியோவாக இந்த போட்டியை ஒளிபரப்பிய சோனி வீடியோவாக வெளியிட்டுள்ளது. </p>
<blockquote class="twitter-tweet">
<p dir="ltr" lang="en">The former captain, current captain and vice-captain deep in discussion as the action unfolds! 👀 Watch HERO VIDA India Tour of New Zealand, 5th ODI, LIVE NOW on Sony Sports Network TV channels, Sony Vizha &amp; Sony LIV. #SonySportsNetwork #SonyVizha #SonyLIV #NZvIND https://t.co/AvPEzpEG88</p>
— Sony Sports Network (@SonySportsNetwk) <a href="https://x.com/SonySportsNetwk/status/2121859913274286425?ref_src=twsrc%5Etfw">November 15, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>அதாவது, ஓவர் முடிவுக்கு பிறகு ஃபீல்டிங் மாறும்போது விக்கெட் கீப்பர் இஷான்கிஷன் ஓடி வந்து ஸ்ரேயாஸ் ஐயரிடம் பேசுகிறார். அப்போது, ஃபீல்டிங் செய்வதற்காக அந்த பக்கம் மாறும் ஸ்ரேயாஸ் நிற்காமல் பேசிக்கொண்டே செல்கிறார். அப்போது எதிர்திசையில் இருந்து விராட் கோலியும் வருகிறார். அவர் ஏதோ ஃபீல்டிங் தொடர்பாக பேசுகிறார். அதற்கு ஸ்ரேயாஸ் ஐயர் நடந்து கொண்டே விராட் காேலியிடம் பேசிச் செல்கிறார். விராட் கோலியின் முகபாவனை ஸ்ரேயாஸ் ஐயரின் கூறிய பதிலில் அதிருப்தி அடைந்ததுபோல இருக்கிறது.</p>
<p>இந்த சம்பவமே வீடியோவில் பதிவாகியுள்ளது.</p>
<h2><strong>ஸ்ரேயாஸ் செயல்பாடுகளில் அதிருப்தி:</strong></h2>
<p>இந்த வீடியோவைப் பாதியாக பார்த்த ரசிகர்கள் சிலரும், முழுவதும் பார்த்த ரசிகர்கள் சிலரும் ஸ்ரேயாஸ் ஐயரை கடுமையாக விமர்சித்து வருகின்றனர். ஸ்ரேயாஸ் ஐயர் சிறந்த வீரராக இருந்தபோதிலும் அவரது கேப்டன்சியில் இந்திய அணியின் செயல்பாடு சிறப்பாக அமையவில்லை. மேலும், கேப்டனாக அவர் அணிக்காக பெரிய இன்னிங்சை இதுவரை ஆடவில்லை.</p>
<p>நியூசிலாந்து அணிக்கு எதிரான இந்த தொடரிலும் அவர் பெரியளவில் சோபிக்கவில்லை. அடுத்த உலகக்கோப்பைத் தொடரில் இந்திய அணிின் துணை கேப்டனாக ஸ்ரேயாஸ் இருப்பார் என்று எதிர்பார்க்கப்படும் நிலையில், அவரது செயல்பாடுகள் பிசிசிஐ-க்கும் திருப்தியாக அமையவில்லை.</p>
<p>இதனால், இந்திய அணிக்காக ஸ்ரேயாஸ் தனது சிறப்பான பேட்டிங்கை வெளிப்படுத்த வேண்டிய கட்டாயத்திலும் உள்ளார். இல்லாவிட்டால் அவரது இடம் ப்ளேயிங் லெவனில் கேள்விக்குறியாகிவிடும். </p>
Source: Read Full Article