<p>தீபாவளி பண்டிகை தமிழகம் மட்டுமின்றி நாடு முழுவதும் நவம்பர் 8ம் தேதி ஞாயிற்றுக்கிழமை கொண்டாடப்படுகிறது. இப்பண்டிகையை கொண்டாட மக்கள் தங்கள் சொந்த ஊர்களுக்கு குடும்பத்தினருடன் செல்ல திட்டமிட்டுள்ளனர். பொதுவாக, தமிழகத்தில் தீபாவளிக்கு மட்டுமே அரசு விடுமுறை அறிவிக்கப்படுவது வழக்கம்.</p>
<h2>தீபாவளி பண்டிகை</h2>
<p>இந்நிலையில் தீபாவளி கொண்டாட சொந்த ஊர்களுக்கு செல்பவர்கள் திரும்புவதற்கு ஏதுவாக தீபாவளி மறுநாள் அதாவது நவம்பர் 9ம் தேதி திங்கள் கிழமை அரசு விடுமுறை அளிக்க வேண்டும் என அரசு ஊழியர்கள் மற்றும் ஆசிரியர்கள் முதல்வர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a>க்கு கோரிக்கை வைத்திருந்தனர். இதனையடுத்து தீபாவளிக்கு மறுநாள் திங்கட்கிழமை அரசு விடுமுறை தினமாக தமிழக அரசு அறிவிப்பை வெளியிட்டிருந்தது. அதேபோல் ரேஷன் கடை பணியாளர்களும் நவம்பர் 9ம் தேதி விடுமுறை அளிக்க வேண்டும் என்ற கோரிக்கை ஏற்கப்பட்டுள்ளது. </p>
<p>இதையும் படிங்க: <a href="https://tamil.abplive.com/news/tamil-nadu/heavy-rain-holiday-for-schools-in-cuddalore-taluk-only-278795" target="_blank" rel="noopener">School Leave: இடைவிடாமல் வெளுத்து வாங்கும் கனமழை.! பள்ளிகளுக்கு இன்று விடுமுறை அறிவிப்பு.!</a></p>
<h2>ரேஷன் கடை ஊழியர்கள்</h2>
<p>இதுதொடர்பாக தமிழ்நாடு உணவுப்பொருள் வழங்கல் மற்றும் நுகர்வோர் பாதுகாப்புத்துறை ஆணையர், கூட்டுறவு சங்கங்களின் பதிவாளருக்கு அனுப்பியுள்ள சுற்றறிக்கையில்: ஆயுத பூஜை, சரஸ்வதி பூஜை ஆகியவற்றுக்கான தொடர் விடுமுறை காரணமாக, பொது விநியோகத்திட்டத்தின் கீழ் வழங்கப்படும் அத்தியாவசிய பொருட்கள், ரேஷன் அட்டைதாரர்களை சென்றடைவதை உறுதி செய்வதற்காக அக்டோபர் 18ம் தேதியன்று அனைத்து ரேஷன் கடைகளுக்கும் வேலை நாளாக அறிவிக்கப்பட்டது. </p>
<p>இதையும் படிங்க: <a href="https://tamil.abplive.com/news/tamil-nadu/tamil-nadu-government-new-rules-for-tasmac-administration-278720" target="_blank" rel="noopener">TASMAC: குடிமகன்களுக்கு ஹேப்பி நியூஸ்...100 மீட்டருக்குள் பார்.. தமிழக அரசின் புது ரூல்ஸ்! முழு விவரம் இதோ!</a></p>
<h2>தீபாவளி மறுநாள் விடுமுறை</h2>
<p>அதை ஈடுசெய்யும் விதமாக நவம்பர் 21ம் தேதி அன்று விடுமுறை நாளாக அறிவிக்கப்பட்டு இருந்தது. இந்நிலையில் தீபாவளி பண்டிகை தினமான 8-ம் தேதிக்கு (ஞாயிற்றுக்கிழமை) அடுத்த நாளான 9-ம் தேதியை விடுமுறை நாளாக, அதாவது விடுமுறை நாளாக அறிவிக்கப்பட்ட 21.11.2026 தேதிக்கு மாற்றாக அறிவிக்க வேண்டும் என்று தமிழ்நாடு அரசு ரேஷன் கடை பணியாளர்கள் சங்கம் கோரிக்கை வைத்தது. அந்த கோரிக்கையை ஏற்று, வரும் 9-ம் தேதியை விடுமுறை நாளாகவும், 21-ம் தேதியை பணி நாளாகவும் அறிவித்து உத்தரவிடப்படுகிறது என தெரிவிக்கப்பட்டுள்ளது.</p>
Source: Read Full Article
