Job Opportunity: 500 பேருக்கு மின்வாரியத்தில் தொழிற்பயிற்சி வேலைவாய்ப்பு: டிப்ளமோ முடித்தவர்கள் உடனே விண்ணப்பிக்கலாம்!

<p style="text-align: justify;">தஞ்சாவூர்:&nbsp;தமிழகத்தில் அரசு நிறுவனத்தில் வேலைவாய்ப்பை எதிர்பார்த்து காத்திருக்கும் டிப்ளமோ படித்த இளைஞர்களுக்கு முக்கியமான வாய்ப்பு வெளியாகியுள்ளது. தமிழ்நாடு மின் பகிர்மானக் கழகம் (TNPDCL) சார்பில் 500 டிப்ளமோ தொழில்நுட்பப் பயிற்சியாளர் இடங்களுக்கு விண்ணப்பங்கள் வரவேற்கப்படுகின்றன.</p> <p style="text-align: justify;">2026-27ஆம் ஆண்டுக்கான இந்த அறிவிப்பில் மொத்தம் 500 பயிற்சி இடங்கள் ஒதுக்கப்பட்டுள்ளன. இதில் மின்சாரம் மற்றும் மின்னணுவியல் பொறியியல் பிரிவுக்கு 455 இடங்களும், மின்னணுவியல் மற்றும் தகவல் தொடர்புப் பொறியியல் பிரிவுக்கு 35 இடங்களும், கணினிப் பொறியியல் மற்றும் தகவல் தொழில்நுட்பப் பிரிவுக்கு 10 இடங்களும் அறிவிக்கப்பட்டுள்ளன.</p> <p style="text-align: justify;"><strong>கல்வித்தகுதி என்ன?</strong></p> <p style="text-align: justify;">சம்பந்தப்பட்ட பொறியியல் பிரிவில் முழுநேர டிப்ளமோ முடித்திருக்க வேண்டும். 2022, 2023, 2024, 2025 மற்றும் 2026 மே மாதத்தில் தேர்ச்சி பெற்றவர்கள் விண்ணப்பிக்கத் தகுதியுடையவர்கள். விண்ணப்பதாரர்கள் தமிழகத்தைச் சேர்ந்தவர்களாக இருக்க வேண்டும்.</p> <p style="text-align: justify;"><strong>சம்பளம் எவ்வளவு?</strong></p> <p style="text-align: justify;">தேர்வு செய்யப்படும் பயிற்சியாளர்களுக்கு மாதம் ரூ.10,900 உதவித்தொகையாக வழங்கப்படும். பயிற்சிக் காலம் ஓராண்டு ஆகும்.</p> <p style="text-align: justify;"><strong>தேர்வு முறை:</strong></p> <p style="text-align: justify;">எழுத்துத் தேர்வு அல்லது நேர்முகத் தேர்வு கிடையாது. டிப்ளமோ படிப்பில் பெற்ற மதிப்பெண்களின் அடிப்படையில் தகுதியானவர்கள் பட்டியலிடப்பட்டு, பின்னர் சான்றிதழ் சரிபார்ப்பு நடைபெறும்.</p> <p style="text-align: justify;">முன்னதாக NATS பயிற்சி பெற்றவர்கள் மற்றும் குறிப்பிட்ட தகுதி நிபந்தனைகளுக்குள் வராதவர்கள் விண்ணப்பிக்க முடியாது. எனவே அதிகாரப்பூர்வ அறிவிப்பில் உள்ள அனைத்து நிபந்தனைகளையும் கவனமாகப் படிக்க வேண்டும்.</p> <p style="text-align: justify;"><strong>விண்ணப்பிக்கும் முறை:</strong></p> <p style="text-align: justify;">NATS 2.0 இணையதளத்தில் மாணவர்களுக்கான பதிவு செய்து, தமிழ்நாடு மின் பகிர்மானக் கழகத்தின் பயிற்சி வாய்ப்பைத் தேர்வு செய்து விண்ணப்பிக்க வேண்டும்.<br /><strong>- விண்ணப்ப இணையதளம்: https://nats.education.gov.in/</strong><br /><strong>- கடைசி நாள்: 28.11.2026.</strong></p> <p style="text-align: justify;">இது நிரந்தரப் பணியிட நியமனம் அல்ல; ஓராண்டு தொழிற்பயிற்சி வாய்ப்பு என்பதை விண்ணப்பதாரர்கள் கவனத்தில் கொள்ள வேண்டும்.&nbsp;</p>

Source: Read Full Article