<p style="text-align: justify;">தமிழகத்தில் தூய்மையான நகரங்களின் பட்டியலில் தேனி அல்லிநகரம் நகராட்சி முதலிடம் பிடித்து சாதனை படைத்துள்ளது. இதற்கான தேசிய விருதை குடியரசுத் தலைவர் திரௌபதி முர்மு டெல்லியில் நடைபெற்ற விழாவில் வழங்கினார். இந்த அங்கீகாரம் தேனி மாவட்ட மக்களிடையே மகிழ்ச்சியை ஏற்படுத்தியுள்ளது.</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/11/12/7be62324c6f0915e9029a9565573e6fe1794457331184193_original.JPG" /></p>
<p style="text-align: justify;">தமிழகத்தில் தூய்மையான நகரமாக தேனி அல்லிநகரம் நகராட்சி தோ்வு செய்யப்பட்டு, இதற்கான விருதை குடியரசுத் தலைவா் திரெளபதி முா்மு டெல்லியில் நேற்று புதன்கிழமை வழங்கினாா்.</p>
<p style="text-align: justify;">மத்திய வீட்டு வசதி, நகா்ப்புற விவகாரங்கள் அமைச்சகம், நாடு முழுவதும் 4,751-க்கு மேற்பட்ட நகரங்களில் திடக்கழிவு மேலாண்மை, சுகாதாரம் உள்ளிட்ட 43 அளவுகோல்களின் அடிப்படையில் ஆய்வு நடத்தியது. நகரங்களின் சுகாதாரம், திடக்கழிவு மேலாண்மை, குப்பைகளைச் சேகரித்து அகற்றும் முறை உள்ளிட்ட 43 முக்கிய அளவுகோல்களின் அடிப்படையில் இந்த ஆய்வு நடத்தப்பட்டது. இந்த ஆய்வில் தேசிய அளவில் தூய்மையான நகரமாக நவிமும்பை முதலிடத்தைப் பிடித்தது. அதேபோல் தமிழக அளவில் தேனி அல்லிநகரம் நகராட்சி முதலிடத்தைப் பெற்று சிறப்பிடம் பிடித்துள்ளது.</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/11/12/5ceb34e4596d9dfec70c7562ba32dda91794457098383193_original.JPG" /></p>
<p style="text-align: justify;">இதற்கான விருது வழங்கும் விழா டெல்லியில் உள்ள விஞ்ஞான் பவனில் நேற்று நடைபெற்றது. இந்த விழாவில் குடியரசுத் தலைவர் திரௌபதி முர்மு சிறப்பு விருந்தினராகக் கலந்து கொண்டார். அப்போது தமிழகத்தில் தூய்மையான நகரமாகத் தேர்வு செய்யப்பட்ட தேனி அல்லிநகரம் நகராட்சிக்கான விருதை, நகராட்சி ஆணையர் பார்கவியிடம் குடியரசுத் தலைவர் வழங்கினார்.</p>
<p style="text-align: justify;">தமிழக அளவில் தூய்மையான நகரமாக தேனி அல்லிநகரம் நகராட்சி தேர்வு செய்யப்பட்டிருப்பது நகராட்சி நிர்வாகத்திற்கும், தூய்மைப் பணியாளர்களுக்கும், அப்பகுதி மக்களுக்கும் கிடைத்த பெருமையாகப் பார்க்கப்படுகிறது. தூய்மை மற்றும் சுகாதாரத்தைப் பேணுவதில் நகராட்சி மேற்கொண்ட நடவடிக்கைகளுக்கு இந்த விருது தேசிய அளவிலான அங்கீகாரமாக அமைந்துள்ளது.</p>
Source: Read Full Article
