ஆரோவிலில் ஆன்மிக அனுபவம் பெற்ற குஜராத் துணை முதல்வர் ஹர்ஷ் சங்கவி - ஸ்வரம் இசைப் பூங்காவிலும் ஆய்வு!

ஆரோவிலில் ஆன்மிக அனுபவம் பெற்ற குஜராத் துணை முதல்வர் ஹர்ஷ் சங்கவி - ஸ்வரம் இசைப் பூங்காவிலும் ஆய்வு!
News Image
<p>ஆரோவில்: குஜராத் மாநில துணை முதலமைச்சர் ஹர்ஷ் சங்கவி ஆரோவிலுக்கு அரசுமுறைப் பயணம் மேற்கொண்டார். இந்தப் பயணத்தின்போது ஆரோவிலின் கலாச்சாரப் பாரம்பரியம், ஆன்மிகத் தத்துவங்கள், பாரம்பரிய இசை மற்றும் ஒலி சிகிச்சை முறைகள் குறித்து கேட்டறிந்ததுடன், மாத்ரிமந்திரில் தியானம் செய்து அங்கு நடைபெற்று வரும் வளர்ச்சிப் பணிகளையும் பார்வையிட்டார்.</p> <p>இந்தப் பயணத்தின்போது ஆரோவில் அறக்கட்டளையின் செயலாளரும், குஜராத் அரசின் கூடுதல் தலைமைச் செயலாளருமான டாக்டர் ஜெயந்தி எஸ். ரவி ஐ.ஏ.எஸ்., பாஜக மாநிலத் தலைவரும் முன்னாள் சட்டமன்ற உறுப்பினருமான வி.பி. ராமலிங்கம் மற்றும் அவரது குழுவினர் உடனிருந்தனர்.</p> <h2>யூனிட்டி பெவிலியனில் வரவேற்பு</h2> <p>தனது ஆரோவில் பயணத்தை ஹர்ஷ் சங்கவி யூனிட்டி பெவிலியனில் தொடங்கினார். அங்கு யூனிட்டி பெவிலியன் நிர்வாகியும், ஆரோவில் நகர மேம்பாட்டுக் குழு உறுப்பினருமான ஜெயா, அவருக்கு வரவேற்பு அளித்தார்.</p> <p>தொடர்ந்து, உலக ஒற்றுமையைப் பிரதிபலிக்கும் வகையில் அமைக்கப்பட்டுள்ள புகழ்பெற்ற அமைதி மேசையின் (Peace Table) முக்கியத்துவம் குறித்து விளக்கினார். மேலும், ஆரோவிலில் தயாரிக்கப்படும் உள்ளூர் கைவினைப் பொருட்களும் காட்சிப்படுத்தப்பட்டன.</p> <h2>சாவித்ரி பவனில் ஸ்ரீ அரவிந்தரின் தத்துவங்கள் குறித்து விளக்கம்</h2> <p>இதையடுத்து, துணை முதலமைச்சர் ஹர்ஷ் சங்கவி மற்றும் குழுவினர் சாவித்ரி பவனுக்குச் சென்றனர். அங்கு ஸ்ரீ அரவிந்தரின் தத்துவங்கள், ஆன்மிகச் சிந்தனைகள் மற்றும் தொலைநோக்குப் பார்வை குறித்து டாக்டர் ஜெயந்தி எஸ். ரவி மற்றும் மூத்த ஆரோவில்வாசிகள் விளக்கினர்.</p> <p>அப்போது குஜராத் மற்றும் தமிழ்நாடு இடையிலான வரலாற்றுச் சிறப்புமிக்க கலாச்சாரத் தொடர்புகள் குறித்தும் எடுத்துரைக்கப்பட்டது. குறிப்பாக, மகாகவி சுப்பிரமணிய பாரதியாருக்கும் ஸ்ரீ அரவிந்தருக்கும் இடையே நிலவிய நெருங்கிய நட்பு மற்றும் தமிழ் இலக்கியத்தின் புகழ்பெற்ற படைப்பான திருப்பாவையின் மீது ஸ்ரீ அரவிந்தர் கொண்டிருந்த ஈடுபாடு குறித்தும் நினைவுகூரப்பட்டது.</p> <h2>ஸ்வரம் இசைப் பூங்காவில் ஒலி சிகிச்சை முறைகளைப் பார்வையிட்டார்</h2> <p>இந்தப் பயணத்தின் முக்கிய நிகழ்வாக, ஆரோவிலில் உள்ள ஸ்வரம் இசைப் பூங்கா மற்றும் ஆராய்ச்சி மையத்திற்கு (SVARAM Musical Park and Research Centre) துணை முதலமைச்சர் வருகை தந்தார். அங்கு ஸ்வரம் நிர்வாகி ஆரேலியோ மற்றும் டாக்டர் ஜெயந்தி எஸ். ரவி ஆகியோர் தலைமையில் சரஸ்வதி மந்திரம் ஓதப்பட்டு, பாரம்பரிய இசைக்கருவிகளுடன் அவருக்கு சிறப்பான வரவேற்பு அளிக்கப்பட்டது.</p> <p>தொடர்ந்து, ஒலி ஆராய்ச்சி மையத்தைப் பார்வையிட்ட ஹர்ஷ் சங்கவி, அங்கு பணியாற்றும் கலைஞர்களுடன் கலந்துரையாடினார். பாரம்பரிய ஒலி சிகிச்சைக்காகப் பயன்படுத்தப்படும் இசைக்கருவிகளின் தனித்துவமான வடிவமைப்பு மற்றும் அவற்றின் பயன்பாடுகள் குறித்து கேட்டறிந்தார்.</p> <p>ஒலி சிகிச்சை முறைகளின் சாத்தியக்கூறுகளால் ஈர்க்கப்பட்ட அவர், ஆரோவிலில் மேற்கொள்ளப்படும் இந்தப் புதுமையான முயற்சியை குஜராத் மாநிலத்திலும் அறிமுகப்படுத்தி விரிவுபடுத்துவது குறித்து ஆக்கப்பூர்வமான ஆலோசனைகளை மேற்கொண்டார்.</p> <h2>ஆரோவில் பேக்கரிக்கு வருகை</h2> <p>தொடர்ந்து, ஆரோவிலின் புகழ்பெற்ற பேக்கரிக்குச் சென்ற துணை முதலமைச்சர் ஹர்ஷ் சங்கவி, அங்குள்ள செயல்பாடுகளைப் பார்வையிட்டார். ஆரோவிலின் தனித்துவமான உணவு தயாரிப்பு மற்றும் உள்ளூர் தொழில்முனைவு முயற்சிகள் குறித்தும் அறிந்துகொண்டார்.</p> <h2>மாத்ரிமந்திரில் தியானம் &ndash; வளர்ச்சிப் பணிகளுக்குப் பாராட்டு</h2> <p>பயணத்தின் இறுதியாக, ஆரோவிலின் அடையாளமாகவும் ஆன்மிக மையமாகவும் விளங்கும் மாத்ரிமந்திருக்கு துணை முதலமைச்சர் சென்றார். அங்கு அமைதியான சூழலில் மாத்ரிமந்திரின் உள்ளே தியானம் மேற்கொண்டார். தொடர்ந்து, மாத்ரிமந்திர் தோட்டங்களின் மேம்பாட்டுப் பணிகள் மற்றும் மாத்ரிமந்திர் ஏரித் திட்டத்தின் தற்போதைய முன்னேற்றம் குறித்து அதிகாரிகளிடம் கேட்டறிந்தார். மேலும், ஆரோவிலின் தொலைநோக்குப் பார்வையுடன் மேற்கொள்ளப்பட்டு வரும் உள்கட்டமைப்பு மற்றும் சுற்றுச்சூழல் மேம்பாட்டுப் பணிகளைப் பாராட்டினார்.</p> <p>குஜராத் துணை முதலமைச்சர் ஹர்ஷ் சங்கவியின் இந்த ஆரோவில் பயணம், குஜராத் மற்றும் தமிழ்நாடு இடையிலான கலாச்சாரப் பரிமாற்றம், பாரம்பரிய இசை, ஒலி சிகிச்சை மற்றும் ஆன்மிகச் சுற்றுலா சார்ந்த புதிய ஒத்துழைப்பு வாய்ப்புகளை முன்னெடுக்கும் வகையில் அமைந்தது.</p>

Source: Read Full Article

கருத்துரையிடுக

Please Select Embedded Mode To Show The Comment System.*

புதியது பழையவை

Post Ads 1

Post Ads 2

Whoever You Are, Whatever You Do, Wherever You May Be

When You Think of Refreshment Think of Ice Cold Coca-Cola

© IPD Tamil. All Rights Reserved. This material may not be published, transmitted, rewritten or redistributed.
Owned,Developed & Maintained by
IPD Media Networks