
<p>தமிழக சட்டமன்ற தேர்தலில் தேர்தல் வாக்குறுதியாக திருமணத்திற்காக 8 கிராம் தங்கமும், தரமான பட்டு சேலையும் தாய் வீட்டிலிருந்து அண்ணன் சீராக வழங்கப்படும் என தெரிவிக்கப்பட்டிருந்தது. இதனையடுத்து நடந்து முடிந்த சட்டமன்ற தேர்தலில் <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசு வெற்றி பெற்றதை அடுத்து முதல்வராக <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> பொறுப்பேற்றுக்கொண்டார். இந்நிலையில் தேர்தல் வாக்குறுதி அளித்தது போல முதல் பட்ஜெட் தாக்கலில் நிதி அமைச்சர் மரிய வில்சன் இது தொடர்பான அறிவிப்பை வெளியிட்டார்.</p>
<h2>அண்ணன் சீர் திட்டம்</h2>
<p>இந்த திட்டத்திற்காக முதற்கட்டமாக ரூ.812 கோடி நிதி ஒதுக்கீடு செய்து தமிழக அரசு உத்தரவிட்டிருந்தது. அதனைத் தொடர்ந்து நவம்பர் 4ம் தேதி அண்ணன் சீர் திட்டத்திற்கு 2026-27ம் ஆண்டிற்கு 60,000 தங்க நாணயம் மற்றும் பட்டுப் புடவையை கொள்முதல் செய்ய சமூக நலத்துறை டெண்டர் கோரியுள்ளது.<br />இந்நிலையில் அண்ணன் சீர் திட்டத்திற்கு யாரெல்லாம் விண்ணப்பிக்கலாம் என்பது தொடர்பாக வழிமுறைகள் தமிழக அரசு வெளியிடப்பட்டுள்ளது. </p>
<h2>அண்ணன் சீர் திட்டத்தில் எப்போது விண்ணப்பிக்க வேண்டும்?</h2>
<p>திருமணத் தேதிக்கு 60 நாட்களுக்கு முன்பிருந்து திருமண நாள் வரை விண்ணப்பிக்கலாம். 05.10.2026 முதல் 15.01.2027 வரையிலான திருமணங்களுக்கு, 15.01.2027 வரை விண்ணப்பிக்கலாம். அரசு இ-சேவை மையங்கள் அல்லது www.tnesevai.tn.gov.in இணையளம் மூலம் விண்ணப்பிக்கலாம். </p>
<h2>யாரெல்லாம் விண்ணப்பிக்கலாம்?</h2>
<p>* திருமணத்திற்கான மணமக்கள் குறைந்தபட்ச சட்டப்பூர்வ வயதை நிறைவு செய்திருக்க வேண்டும். </p>
<p>* மணப்பெண்ணின் குடும்ப ஆண்டு வருமானம் ரூ.2.50 இலட்சத்திற்கு மிகாமல் இருக்க வேண்டும். </p>
<p>* குடும்ப அட்டையில் மணப்பெண்ணின் பெயர் இடம் பெற்று இருக்க வேண்டும். </p>
<p>* திருமண நிதியுதவிக்கான பிற அரசுத் திட்டங்களில் பயன் பெறாதவராக இருக்க வேண்டும்.</p>
<h2>விண்ணப்பங்களுக்கான செயல்முறை </h2>
<p>* விண்ணப்பதாரரின் ஆதார் எண் மற்றும் குடும்ப அட்டை எண் தகுதி சரிபார்க்கப்படும். </p>
<p>* தகுதியுடைய விண்ணப்பதாரர் திருமணப் பத்திரிகையை பதிவேற்றம் செய்ய வேண்டும். </p>
<p>* தகுதியான ஒவ்வொரு விண்ணப்பத்திற்கும் தனித்துவ அடையாள எண் வழங்கப்படும்.</p>
<p>* விண்ணப்ப நிலை குறித்து குறுஞ்செய்தி, வாட்ஸ்அப் மற்றும் மின்னஞ்சல் மூலம் தெரிவிக்கப்படும்.</p>
<p>* திருமணம் நடைபெற்ற 15 நாட்களுக்குள், திருமணத்தைத் தமிழ்நாட்டில் பதிவு செய்ய வேண்டும். </p>
<p>* தகுதி இல்லாத காரணத்தால் விண்ணப்பங்கள் நிராகரிக்கப்பட்டால், அதற்குரிய காரணம் தெரிவிக்கப்படும். </p>
<p>* விண்ணப்பதாரர்கள் மேல்முறையீடு செய்யவும் வாய்ப்பு வழங்கப்படும்.</p>
Source: Read Full Article