<p class="p2">தமிழ்நாட்டில் தீபாவளி பண்டிகை கொண்டாடப்பட்ட நவம்பர்<span class="s1"> 8-</span>ம் தேதி ஒரே நாளில்<span class="s1"> 9 </span>கொலைச் சம்பவங்கள் நடந்துள்ளன<span class="s1">. </span>இதில் இரண்டு<span class="s1"> 17 </span>வயது சிறுவர்கள்<span class="s1">, </span>மூன்று ரவுடிகள்<span class="s1">, </span>ஒரு காவல்துறை சிறப்பு உதவி ஆய்வாளர்<span class="s1">, 24 </span>வயது இளம்பெண் உள்ளிட்டோர் உயிரிழந்துள்ளனர்<span class="s1">. </span>திருச்சி<span class="s1">, </span>கடலூர்<span class="s1">, </span>சிவகங்கை<span class="s1">, </span>தேனி<span class="s1">, </span>திருவள்ளூர் என வெவ்வேறு மாவட்டங்களில் நடந்த இந்தச் சம்பவங்கள் அதிர்ச்சியை ஏற்படுத்தியுள்ளன<span class="s1">.</span></p>
<h2 class="p2">திருச்சியில் அடுத்தடுத்து<span class="s1"> 3 </span>கொலைகள்</h2>
<p class="p2">தீபாவளி நாளில் திருச்சி மாவட்டத்தில் மட்டும் மூன்று கொலைச் சம்பவங்கள் நடந்துள்ளன<span class="s1">. </span>சமயபுரம் சுங்கச்சாவடி அருகே புள்ளம்பாடி வாய்க்கால் கரையில்<span class="s1"> 17 </span>வயதுடைய ராகுல் மற்றும் அவரது உறவினரான விஷால் ஆகிய இருவரும் மர்ம கும்பலால் வெட்டிக் கொலை செய்யப்பட்டனர்<span class="s1">. </span>இனாம் சமயபுரத்தைச் சேர்ந்த ராகுல்<span class="s1">, </span>பெற்றோரை இழந்த நிலையில் உறவினர் வீட்டில் தங்கி கூலி வேலை செய்து வந்துள்ளார்<span class="s1">. </span>விஷாலும் கூலி வேலை செய்து வந்துள்ளார்<span class="s1">.</span></p>
<p class="p2">நவம்பர்<span class="s1"> 8-</span>ம் தேதி இரவு இருவரும் வாய்க்கால் கரையோரமாக நடந்து சென்றபோது அங்கு வந்த கும்பல் அவர்களை பயங்கர ஆயுதங்களால் தாக்கியுள்ளது<span class="s1">. </span>இதில் விஷால் சம்பவ இடத்திலேயே உயிரிழந்தார்<span class="s1">. </span>பலத்த காயமடைந்த ராகுல் மருத்துவமனைக்கு அழைத்துச் செல்லும் வழியில் உயிரிழந்தார்<span class="s1">.</span></p>
<p class="p2">இந்தக் கொலை முன்விரோதம் அல்லது பழிக்குப் பழியாக நடந்ததா என்ற கோணத்தில் போலீசார் விசாரித்து வருகின்றனர்<span class="s1">. </span>கொலையாளிகளைப் பிடிக்க மூன்று தனிப்படைகள் அமைக்கப்பட்டுள்ளன<span class="s1">.</span></p>
<p class="p2">இதேபோல் திருச்சி புறத்தாக்குடியில் தகவல் தொழில்நுட்ப நிறுவனத்தில் பணிபுரிந்து வந்த கிறிஸ்டோபர் என்பவரும் கொலை செய்யப்பட்டுள்ளார்<span class="s1">. </span>இந்தச் சம்பவத்துக்கான காரணம் குறித்த முழுமையான விவரங்கள் இன்னும் வெளியாகவில்லை<span class="s1">.</span></p>
<h2 class="p2">கடலூரில் மது போதையில் நண்பர்களிடையே மோதல்</h2>
<p class="p2">கடலூர் மாவட்டம் பெரிய கட்டுப்பாளையம் பகுதியில் மது அருந்திக் கொண்டிருந்த நண்பர்களிடையே ஏற்பட்ட வாய்த்தகராறு கொலையில் முடிந்துள்ளது<span class="s1">. </span>இதில் ரவுடி பிரிதிவிராஜ் கொலை செய்யப்பட்டார்<span class="s1">. </span>இந்தக் கொலையில் ரவுடி அருளரசு மற்றும் அவரது தம்பி அன்பரசன் ஆகியோர் ஈடுபட்டதாகக் கூறப்படுகிறது<span class="s1">. </span>சம்பவத்துக்குப் பிறகு பதுங்கியிருந்த அருளரசை போலீசார் துப்பாக்கியால் சுட்டுப் பிடித்துள்ளனர்<span class="s1">.</span></p>
<h2 class="p2">சிவகங்கையில் இரண்டு ரவுடிகள் படுகொலை</h2>
<p class="p2">சிவகங்கை மாவட்டத்திலும் இரண்டு கொலைச் சம்பவங்கள் நடந்துள்ளன<span class="s1">. </span>மானாமதுரையில் கொலை வழக்கில் சிறையில் இருந்து ஜாமீனில் வெளியே வந்த ரவுடி விக்னேஷ் மர்ம நபர்களால் வெட்டிக் கொலை செய்யப்பட்டார்<span class="s1">. </span>அவருடன் இருந்த நண்பர் முனியாண்டியும் வெட்டுக் காயமடைந்து உயிருக்கு ஆபத்தான நிலையில் மருத்துவமனையில் அனுமதிக்கப்பட்டுள்ளார்<span class="s1">.</span></p>
<p class="p2">இதேபோல் கல்லல் அருகே ரவுடி நவீன் என்பவரும் கொலை செய்யப்பட்டுள்ளார்<span class="s1">. </span>இந்த இரண்டு கொலைச் சம்பவங்கள் குறித்தும் சிவகங்கை மாவட்ட போலீசார் விசாரணை மேற்கொண்டு வருகின்றனர்<span class="s1">.</span></p>
<h2 class="p2">தேனியில் போலீஸ் அதிகாரி அடித்துக் கொலை</h2>
<p class="p2">தீபாவளி நாளில் நடந்த மற்றொரு அதிர்ச்சிகரமான சம்பவம் தேனியில் அரங்கேறியுள்ளது<span class="s1">. </span>தேனி சமதர்மபுரம் அருகே காவல்துறை சிறப்பு உதவி ஆய்வாளர் செந்தில்குமார் அடித்துக் கொலை செய்யப்பட்டுள்ளார்<span class="s1">. </span>அப்பகுதியில் இளைஞர்கள் சிலர் மது போதையில் பொதுச்சாலையை மறித்து பட்டாசு வெடித்ததுடன்<span class="s1">, </span>அதனை வீடியோவாகப் பதிவு செய்து சமூக வலைதளங்களில் பதிவிட முயன்றுள்ளனர்<span class="s1">.</span></p>
<p class="p2">இதனால் போக்குவரத்துக்கு இடையூறு ஏற்பட்ட நிலையில்<span class="s1">, </span>அங்கு வந்த சிறப்பு உதவி ஆய்வாளர் செந்தில்குமார் இதனைத் தட்டிக் கேட்டுள்ளார்<span class="s1">. </span>இதனால் ஏற்பட்ட வாக்குவாதத்தில் ஆத்திரமடைந்த இளைஞர்கள் அவரைத் தாக்கியுள்ளனர்<span class="s1">. </span>இதில் பலத்த காயமடைந்த செந்தில்குமார் உயிரிழந்தார்<span class="s1">. </span>இந்தச் சம்பவத்தில் தொடர்புடைய நான்கு பேரை போலீசார் கைது செய்துள்ளனர்<span class="s1">.</span></p>
<h2 class="p2">திருவள்ளூரில்<span class="s1"> 24 </span>வயது இளம்பெண் கொலை</h2>
<p class="p2">திருவள்ளூர் மாவட்டம் சென்றான்பாளையம் அருகே ஆந்திர மாநிலத்தைச் சேர்ந்த மேகலா<span class="s1"> (24) </span>என்ற இளம்பெண் கத்தியால் குத்திக் கொலை செய்யப்பட்டுள்ளார்<span class="s1">. </span>இந்தக் கொலையில் பிரசாத் என்பவர் ஈடுபட்டதாகக் கூறப்படும் நிலையில்<span class="s1">, </span>அவரை பென்னலூர்பேட்டை போலீசார் கைது செய்து விசாரணை நடத்தி வருகின்றனர்<span class="s1">.</span></p>
<h2 class="p1">வியாசர்பாடியில் 18 வயது இளைஞர் கொலை</h2>
<p class="p2">சென்னை வியாசர்பாடியிலும் தீபாவளி நாளில் மற்றொரு கொலைச் சம்பவம் நடந்துள்ளது<span class="s1">. </span>முன்விரோதம் காரணமாக சிலம்பரசன் என்பவரைக் கொலை செய்ய வந்த கும்பல் நடத்திய தாக்குதலில்<span class="s1">, </span>அவரது தம்பி தனுஷ்<span class="s1"> (18) </span>உயிரிழந்தார்<span class="s1">. </span>நேற்று இரவு சூர்யா மற்றும் அவரது தந்தை உள்ளிட்ட<span class="s1"> 5 </span>பேர் கொண்ட கும்பல் தாக்குதல் நடத்தியுள்ளது<span class="s1">. </span>இதில் சிலம்பரசன் தப்பியோடிய நிலையில்<span class="s1">, </span>அவரது தம்பி தனுஷ் சம்பவ இடத்திலேயே உயிரிழந்தார்<span class="s1">.</span></p>
<h2 class="p2">ஒரே நாளில் 9 கொலைகள்</h2>
<p class="p2">இவ்வாறு தீபாவளி பண்டிகை கொண்டாடப்பட்ட நவம்பர்<span class="s1"> 8-</span>ம் தேதி தமிழ்நாட்டின் பல்வேறு மாவட்டங்களில் மொத்தம்<span class="s1"> 9 </span>கொலைச் சம்பவங்கள் நடந்துள்ளன<span class="s1">. </span>இதில் இரண்டு சிறுவர்கள்<span class="s1">, 18 </span>வயது இளைஞர்<span class="s1">, 24 </span>வயது இளம்பெண்<span class="s1">, </span>காவல்துறை சிறப்பு உதவி ஆய்வாளர் உள்ளிட்டோர் உயிரிழந்துள்ளனர்<span class="s1">. </span>முன்விரோதம்<span class="s1">, </span>மதுபோதையில் ஏற்பட்ட தகராறு உள்ளிட்ட வெவ்வேறு காரணங்களால் இந்தக் கொலைச் சம்பவங்கள் அரங்கேறியுள்ளன<span class="s1">. </span>ஒரே நாளில்<span class="s1"> 9 </span>பேர் கொலை செய்யப்பட்ட சம்பவம் தமிழ்நாட்டில் அதிர்ச்சியை ஏற்படுத்தியுள்ளது<span class="s1">.</span></p>
<p class="p1"> </p>
Source: Read Full Article
