
<p style="text-align: justify;">சென்னை: காசி தமிழ் சங்கமம் விழாவில் பங்கேற்கவும், காசியின் ஆன்மிக மற்றும் பண்பாட்டு சிறப்புகளை அனுபவிக்கவும் தமிழகத்தில் இருந்து செல்லும் பயணிகளுக்கு தெற்கு ரெயில்வே முக்கிய அறிவிப்பை வெளியிட்டுள்ளது. விழாவையொட்டி சென்னை, கோவை, கன்னியாகுமரி ஆகிய நகரங்களில் இருந்து காசிக்கு சிறப்பு ரெயில்கள் இயக்கப்பட உள்ளன.</p>
<p style="text-align: justify;">இந்த ரெயில்களுக்கான முன்பதிவு இன்று (செவ்வாய்க்கிழமை) தொடங்குகிறது. இதனால் காசி செல்லத் திட்டமிட்டுள்ள பயணிகள் மகிழ்ச்சி அடைந்துள்ளனர். தமிழகத்துக்கும் காசிக்கும் இடையிலான தொன்மையான பண்பாட்டு, ஆன்மிக உறவை எடுத்துரைக்கும் வகையில் காசி தமிழ் சங்கமம் விழா நடத்தப்படுகிறது. இந்த விழாவில் பங்கேற்க தமிழகத்தின் பல்வேறு பகுதிகளில் இருந்தும் ஏராளமானோர் ஆர்வம் காட்டி வருகின்றனர். பயணிகளின் வசதியைக் கருத்தில் கொண்டு தெற்கு ரெயில்வே சிறப்பு ரெயில்களை அறிவித்துள்ளது. கன்னியாகுமரி, சென்னை சென்ட்ரல், கோவை ஆகிய இடங்களில் இருந்து பனாரஸ் ரெயில் நிலையத்துக்கு இந்த ரெயில்கள் இயக்கப்படுகின்றன.</p>
<p style="text-align: justify;"><br /><img src="https://feeds.abplive.com/onecms/images/uploaded-images/2026/11/17/3f060484fc62412edbcfcdab41993f201794878407501733_original.png" /></p>
<p style="text-align: justify;"><strong>கன்னியாகுமரி – பனாரஸ் சிறப்பு ரெயில்</strong></p>
<p style="text-align: justify;">கன்னியாகுமரியில் இருந்து வருகிற 25-ந்தேதி புதன்கிழமை மதியம் 2.30 மணிக்கு 06041 என்ற எண் கொண்ட சிறப்பு ரெயில் புறப்பட்டு, வெள்ளிக்கிழமை இரவு 8 மணிக்கு பனாரஸ் ரெயில் நிலையத்தைச் சென்றடையும். மறுமார்க்கத்தில் பனாரசில் இருந்து வருகிற 1-ந்தேதி செவ்வாய்க்கிழமை இரவு 10.30 மணிக்கு புறப்படும் 06042 என்ற எண் கொண்ட ரெயில், வெள்ளிக்கிழமை அதிகாலை 4.45 மணிக்கு கன்னியாகுமரியை வந்தடையும்.</p>
<p style="text-align: justify;"><strong>சென்னை – பனாரஸ் சிறப்பு ரெயில்</strong></p>
<p style="text-align: justify;">சென்னை சென்ட்ரலில் இருந்து வருகிற 28-ந்தேதி சனிக்கிழமை அதிகாலை 4.15 மணிக்கு 06043 என்ற எண் கொண்ட சிறப்பு ரெயில் புறப்பட்டு, ஞாயிற்றுக்கிழமை இரவு 8 மணிக்கு பனாரஸ் சென்றடையும். மறுமார்க்கத்தில் பனாரசில் இருந்து வருகிற 3-ந்தேதி வியாழக்கிழமை இரவு 10.30 மணிக்கு புறப்படும் ரெயில், சனிக்கிழமை மாலை 4.15 மணிக்கு சென்னை சென்ட்ரலை வந்தடையும்.</p>
<p style="text-align: justify;"><strong>கோவை – பனாரஸ் சிறப்பு ரெயில்</strong></p>
<p style="text-align: justify;">கோவையில் இருந்து வருகிற 29-ந்தேதி ஞாயிற்றுக்கிழமை மாலை 6 மணிக்கு 06047 என்ற எண் கொண்ட சிறப்பு ரெயில் புறப்பட்டு, செவ்வாய்க்கிழமை இரவு 8 மணிக்கு பனாரஸ் சென்றடையும். மறுமார்க்கத்தில் பனாரசில் இருந்து வருகிற 5-ந்தேதி சனிக்கிழமை இரவு 10.30 மணிக்கு புறப்படும் 06048 என்ற எண் கொண்ட ரெயில், திங்கட்கிழமை இரவு 11.55 மணிக்கு கோவையை வந்தடையும்.</p>
<p style="text-align: justify;">மேலும், சென்னை சென்ட்ரலில் இருந்து வருகிற 2-ந்தேதி புதன்கிழமை அதிகாலை 4.15 மணிக்கு 06049 என்ற எண் கொண்ட ரெயில் புறப்பட்டு, வியாழக்கிழமை இரவு 8 மணிக்கு பனாரஸ் சென்றடையும். மறுமார்க்கத்தில் பனாரசில் இருந்து வருகிற 7-ந்தேதி திங்கட்கிழமை இரவு 10.30 மணிக்கு புறப்படும் 06050 என்ற எண் கொண்ட ரெயில், புதன்கிழமை மாலை 4.15 மணிக்கு சென்னை சென்ட்ரலை வந்தடையும்.</p>
<p style="text-align: justify;"><strong>கன்னியாகுமரி – கோவை வழித்தடத்திலும் சிறப்பு ரெயில்</strong></p>
<p style="text-align: justify;">கன்னியாகுமரியில் இருந்து வருகிற 3-ந்தேதி வியாழக்கிழமை மதியம் 2.30 மணிக்கு 06051 என்ற எண் கொண்ட சிறப்பு ரெயில் புறப்பட்டு, சனிக்கிழமை இரவு 8 மணிக்கு பனாரஸ் சென்றடையும். மறுமார்க்கத்தில் பனாரசில் இருந்து 9-ந்தேதி புதன்கிழமை இரவு 10.30 மணிக்கு புறப்படும் 06052 என்ற எண் கொண்ட ரெயில், சனிக்கிழமை காலை 6.30 மணிக்கு கன்னியாகுமரியை வந்தடையும்.</p>
<p style="text-align: justify;">கோவையில் இருந்து 5-ந்தேதி சனிக்கிழமை மாலை 6 மணிக்கு 06053 என்ற எண் கொண்ட சிறப்பு ரெயில் புறப்பட்டு, திங்கட்கிழமை இரவு 8 மணிக்கு பனாரஸ் சென்றடையும். மறுமார்க்கத்தில் பனாரசில் இருந்து 11-ந்தேதி இரவு 10.30 மணிக்கு புறப்படும் 06054 என்ற எண் கொண்ட ரெயில், திங்கட்கிழமை நள்ளிரவு 1 மணிக்கு கோவையை வந்தடையும்.</p>
<p style="text-align: justify;"><strong>சென்னையில் இருந்து மேலும் ஒரு ரெயில்</strong></p>
<p style="text-align: justify;">சென்னை சென்ட்ரலில் இருந்து 8-ந்தேதி செவ்வாய்க்கிழமை அதிகாலை 4.15 மணிக்கு 06055 என்ற எண் கொண்ட சிறப்பு ரெயில் புறப்பட்டு, புதன்கிழமை இரவு 8 மணிக்கு பனாரஸ் சென்றடையும். மறுமார்க்கத்தில் பனாரசில் இருந்து 13-ந்தேதி ஞாயிற்றுக்கிழமை இரவு 10.30 மணிக்கு புறப்படும் 06056 என்ற எண் கொண்ட ரெயில், செவ்வாய்க்கிழமை மாலை 4.15 மணிக்கு சென்னை சென்ட்ரலை வந்தடையும்.</p>
<p style="text-align: justify;"><strong>முன்பதிவு இன்று தொடக்கம்</strong></p>
<p style="text-align: justify;">காசி தமிழ் சங்கமம் விழாவையொட்டி அறிவிக்கப்பட்டுள்ள இந்த சிறப்பு ரெயில்களில் பயணம் செய்ய விரும்புவோர் இன்று முதல் முன்பதிவு செய்து கொள்ளலாம் என்று தெற்கு ரெயில்வே தெரிவித்துள்ளது. விழாவில் பங்கேற்கும் பயணிகள் கடைசி நேர நெரிசலைத் தவிர்க்க முன்கூட்டியே பயணத் திட்டத்தை வகுத்து, தங்களுக்கான இருக்கைகளை முன்பதிவு செய்து கொள்ள வேண்டும். ரெயில் எண்கள், புறப்படும் நேரம், சென்றடையும் நேரம் ஆகியவற்றை சரிபார்த்து பயணத்தைத் திட்டமிடுவது அவசியம்.</p>
<p style="text-align: justify;">தமிழகத்தின் தென்கோடி முதல் மேற்கு மற்றும் வடக்கு பகுதிகள் வரை பல்வேறு நகரங்களில் இருந்து சிறப்பு ரெயில்கள் அறிவிக்கப்பட்டுள்ளதால், காசி செல்ல விரும்பும் பயணிகளுக்கு கூடுதல் வாய்ப்பு கிடைத்துள்ளது. ஆன்மிகப் பயணத்துடன் தமிழ் மரபையும் வடஇந்திய பண்பாட்டையும் இணைக்கும் காசி தமிழ் சங்கமம் விழாவுக்கான ரெயில் சேவை, பயணிகளிடையே எதிர்பார்ப்பை ஏற்படுத்தியுள்ளது.</p>
Source: Read Full Article