<p style="text-align: justify;">பொதுத்துறை நிறுவனமான எண்ணெய் மற்றும் இயற்கை எரிவாயு கழகத்தில் (ONGC) காலியாக உள்ள அப்ரண்டிஸ் பயிற்சிப் பணியிடங்களை நிரப்புவதற்கான புதிய வேலைவாய்ப்பு அறிவிப்பு வெளியாகியுள்ளது. இதன் மூலம் நாடு முழுவதும் பல்வேறு பிரிவுகளில் மொத்தம் 3,047 பேருக்கு பயிற்சி வழங்கப்பட உள்ளது. அரசு பொதுத்துறை நிறுவனத்தில் பணிபுரியும் அனுபவத்தைப் பெற விரும்பும் இளைஞர்களுக்கு இந்த அறிவிப்பு ஒரு நல்ல வாய்ப்பாக அமைந்துள்ளது.</p>
<h3 style="text-align: justify;">10ஆம் வகுப்பு முதல் பட்டப்படிப்பு வரை விண்ணப்பிக்கலாம்</h3>
<p style="text-align: justify;">இந்த அப்ரண்டிஸ் பயிற்சிக்கு பல்வேறு கல்வித் தகுதிகள் நிர்ணயிக்கப்பட்டுள்ளன. அதன்படி, 10ஆம் வகுப்பு, பிளஸ் 2, ஐடிஐ (ITI), டிப்ளமோ மற்றும் பட்டப்படிப்பு முடித்தவர்கள் விண்ணப்பிக்கத் தகுதியுடையவர்கள் ஆவர். கல்வித் தகுதியின் அடிப்படையில் வெவ்வேறு பிரிவுகளுக்கான பயிற்சியாளர்கள் தேர்வு செய்யப்பட உள்ளனர். எனவே, விண்ணப்பதாரர்கள் தங்களுடைய கல்வித் தகுதிக்கு ஏற்ற பிரிவைத் தேர்வு செய்து விண்ணப்பிக்க வேண்டும்.</p>
<h3 style="text-align: justify;">பயிற்சி காலம் மற்றும் வயது வரம்பு என்ன?</h3>
<p style="text-align: justify;">தேர்வு செய்யப்படும் விண்ணப்பதாரர்களுக்கு மொத்தம் ஓராண்டு காலம் அப்ரண்டிஸ் பயிற்சி வழங்கப்படும். இந்தப் பணிக்கு விண்ணப்பிக்க விரும்புபவர்கள் குறைந்தபட்சம் 18 வயது முதல் அதிகபட்சம் 24 வயதுக்குள் இருக்க வேண்டும் என அறிவிக்கப்பட்டுள்ளது. வயது வரம்பு தொடர்பான கூடுதல் தளர்வுகள் மற்றும் நிபந்தனைகள் குறித்து அதிகாரப்பூர்வ வேலைவாய்ப்பு அறிவிப்பில் தெரிந்துகொள்ளலாம்.</p>
<h3 style="text-align: justify;">ஆன்லைன் தேர்வு மூலம் ஆட்கள் தேர்வு!</h3>
<p style="text-align: justify;">இந்த வேலைவாய்ப்புக்கு விண்ணப்பிக்கும் நபர்களில் தகுதியானவர்கள் ஆன்லைன் தேர்வு மூலம் தேர்வு செய்யப்படுவார்கள். விண்ணப்பதாரர்கள் ஆன்லைன் வழியாக மட்டுமே தங்களுடைய விண்ணப்பங்களைச் சமர்ப்பிக்க வேண்டும். நேரடி விண்ணப்பங்கள் ஏற்றுக்கொள்ளப்படாது என்பதால், அதிகாரப்பூர்வ இணையதளத்தின் மூலம் விண்ணப்பிப்பது அவசியமாகும்.</p>
<h3 style="text-align: justify;">விண்ணப்பிக்க கடைசி தேதி எப்போது?</h3>
<p style="text-align: justify;">ஓஎன்ஜிசி நிறுவனத்தின் இந்த 3,047 அப்ரண்டிஸ் பயிற்சிப் பணியிடங்களுக்கு விண்ணப்பிக்க 20.11.2026 கடைசி நாளாக அறிவிக்கப்பட்டுள்ளது. எனவே, ஆர்வமும் தகுதியும் உள்ளவர்கள் கடைசி நாள் வரை காத்திருக்காமல் முன்கூட்டியே விண்ணப்பிப்பது நல்லது.</p>
<p style="text-align: justify;">மேலும், கல்வித் தகுதி, பிரிவு வாரியான காலிப்பணியிடங்கள், பயிற்சிக்கான உதவித்தொகை, விண்ணப்பக் கட்டணம் மற்றும் தேர்வு தொடர்பான முழுமையான விவரங்களை அறிந்துகொள்ள ஓஎன்ஜிசி நிறுவனத்தின் அதிகாரப்பூர்வ இணையதளமான [www.ongcindia.com] என்ற முகவரியைப் பார்வையிடலாம்.</p>
Source: Read Full Article
