சமைக்கவே தேவையில்லை... பெரம்பலூரில் 2 ஏக்கரில் ‘மேஜிக் அரிசி’ சாகுபடி செய்து அசத்தும் வேளாண் மாணவர்கள்!

சமைக்கவே தேவையில்லை... பெரம்பலூரில் 2 ஏக்கரில் ‘மேஜிக் அரிசி’ சாகுபடி செய்து அசத்தும் வேளாண் மாணவர்கள்!
News Image
<p style="text-align: justify;">பெரம்பலூர்: &nbsp;சமையலுக்கு அடுப்பே தேவையில்லை... வெதுவெதுப்பான தண்ணீரில் 30 முதல் 40 நிமிடங்கள் ஊற வைத்தாலே சாப்பிடத் தயாராகிவிடும் அதிசய அரிசியை பெரம்பலூர் வேளாண் கல்லூரி மாணவர்கள் சாகுபடி செய்து சாதனை படைத்துள்ளனர்.</p> <p style="text-align: justify;">பெரம்பலூர் தனலட்சுமி சீனிவாசன் வேளாண்மைக் கல்லூரி மாணவர்கள், 50 ஏக்கர் நிலப்பரப்பில் 100 சதவீத இயற்கை முறையில் சீரக சம்பா நெல் சாகுபடி செய்து வருகின்றனர். இதில் ரசாயன உரங்களுக்கு முற்றிலும் தடை விதித்து, கல்லூரியிலேயே தயாரிக்கப்படும் இயற்கை உரங்களை மட்டுமே பயன்படுத்தி வருகின்றனர். விவசாயத்தின் ஒவ்வொரு கட்டத்தையும் நேரடியாகக் கற்றுக்கொள்ளும் வகையில் மாணவர்களே நிலத்தை உழுவது முதல் அறுவடை செய்வது வரை அனைத்து பணிகளையும் மேற்கொண்டு வருகின்றனர்.</p> <p style="text-align: justify;"><br /><img src="https://feeds.abplive.com/onecms/images/uploaded-images/2026/11/18/774481118bdd0904fcc8d196b75bec3a1794962611106733_original.jpg" /></p> <p style="text-align: justify;">இந்த முயற்சியின் மற்றொரு சிறப்பம்சமாக, 2 ஏக்கர் நிலத்தில் சமையல் செய்யத் தேவையில்லாத 'மேஜிக் அரிசி' எனப்படும் பாரம்பரிய கோமல் சால் நெல் ரகத்தை சாகுபடி செய்துள்ளனர். மாணவர்களின் இந்த வித்தியாசமான விவசாய முயற்சி வேளாண் ஆர்வலர்களின் கவனத்தை ஈர்த்துள்ளது.</p> <p style="text-align: justify;"><strong>50 ஏக்கரில் இயற்கை விவசாயம்... மாணவர்களே விவசாயிகள்!</strong></p> <p style="text-align: justify;">பெரம்பலூரில் செயல்பட்டு வரும் தனலட்சுமி சீனிவாசன் வேளாண்மைக் கல்லூரி மாணவர்கள், வகுப்பறைப் பாடங்களுடன் நின்றுவிடாமல் விவசாயத்தை நேரடியாக நிலத்தில் இறங்கி கற்றுக்கொள்ளும் முயற்சியில் ஈடுபட்டுள்ளனர். இதற்காக கல்லூரிக்கு சொந்தமான 50 ஏக்கர் நிலப்பரப்பில் இயற்கை முறையில் சீரக சம்பா நெல் சாகுபடி மேற்கொள்ளப்பட்டு வருகிறது. இந்த சாகுபடியில் ரசாயன உரங்கள் மற்றும் ரசாயன இடுபொருட்கள் முற்றிலும் தவிர்க்கப்பட்டுள்ளன.</p> <p style="text-align: justify;">அதற்கு பதிலாக கல்லூரியிலேயே தயாரிக்கப்படும் இயற்கை உரங்கள் மட்டுமே பயன்படுத்தப்படுகின்றன. இதன் மூலம் இயற்கை விவசாயத்தின் அடிப்படைகள், மண்ணின் வளத்தை பாதுகாப்பதன் அவசியம் மற்றும் பாரம்பரிய நெல் ரகங்களின் முக்கியத்துவம் ஆகியவற்றை மாணவர்கள் நேரடியாக அறிந்து வருகின்றனர். விவசாயத்தின் ஒவ்வொரு நிலையிலும் மாணவர்கள் பங்கேற்பதால், புத்தகத்தில் படிக்கும் வேளாண் தொழில்நுட்பங்களை நடைமுறையில் செயல்படுத்தும் அனுபவமும் அவர்களுக்கு கிடைத்து வருகிறது.</p> <p style="text-align: justify;"><strong>உழவு முதல் அறுவடை வரை... அனைத்தும் மாணவர்கள் கையில்!</strong></p> <p style="text-align: justify;">இந்த விவசாயத் திட்டத்தில் நிலத்தை உழுவது, நாற்றங்கால் அமைப்பது, நெல் நாற்றுகளை நடவு செய்வது, களை எடுப்பது, இயற்கை உரங்களைத் தயாரித்து தெளிப்பது உள்ளிட்ட அனைத்து பணிகளிலும் மாணவர்கள் நேரடியாக ஈடுபட்டு வருகின்றனர். குறிப்பாக, பயிர்களின் வளர்ச்சியை தொடர்ந்து கண்காணித்து தேவையான பராமரிப்புப் பணிகளையும் மேற்கொள்கின்றனர். பயிர்களுக்கு எந்த வகையான இயற்கை உரங்களை எந்தெந்த காலகட்டங்களில் பயன்படுத்த வேண்டும் என்பதையும் செயல்முறை வாயிலாக கற்றுக்கொள்கின்றனர்.</p> <p style="text-align: justify;">இறுதியில் அறுவடை செய்வது வரையிலான அனைத்து பணிகளையும் தங்களது பாடத்திட்டத்தின் ஒரு பகுதியாக மேற்கொண்டு வருகின்றனர். இதனால் வேளாண் பட்டப்படிப்பை முடித்து வெளியேறும் மாணவர்கள் எதிர்காலத்தில் விவசாயிகளுக்கு வழிகாட்டும் திறனைப் பெறுவதுடன், தாங்களும் நேரடியாக விவசாயத்தில் ஈடுபடுவதற்கான அனுபவத்தைப் பெறுகின்றனர். இந்த முயற்சியில் மற்றொரு முக்கிய அம்சமாக 2 ஏக்கர் பரப்பளவில் மேஜிக் அரிசி சாகுபடி மேற்கொள்ளப்பட்டுள்ளது.</p> <p style="text-align: justify;"><br /><img src="https://feeds.abplive.com/onecms/images/uploaded-images/2026/11/18/5fac04648ab721039b02b372fc0766861794962626720733_original.jpg" /></p> <p style="text-align: justify;"><strong>அடுப்பே தேவையில்லை... வெதுவெதுப்பான தண்ணீரில் ஊறினால் போதும்!</strong></p> <p style="text-align: justify;">மேஜிக் அரிசி என்று அழைக்கப்படும் இந்த சிறப்பு அரிசியின் உண்மையான பெயர் 'கோமல் சால்'. அசாம் மாநிலத்தில் பிரம்மபுத்திரா பள்ளத்தாக்கில் அமைந்துள்ள சிவசாகர் பகுதியில் பழங்குடியின மக்களால் பாரம்பரியமாக பயிரிடப்படும் நெல் ரகமாகும். மற்ற அரிசி வகைகளைப் போல இதனை அடுப்பில் வைத்து வேகவைக்க வேண்டிய அவசியமில்லை என்பதுதான் இதன் தனிச்சிறப்பு. வெதுவெதுப்பான தண்ணீரில் சுமார் 30 முதல் 40 நிமிடங்கள் ஊற வைத்தாலே அரிசி மென்மையாக மாறி சாப்பிடுவதற்குத் தயாராகிவிடும்.</p> <p style="text-align: justify;">சமையலுக்கு விறகு, எரிவாயு அல்லது மின்சாரம் என எதுவும் தேவையில்லை என்பதால், இதற்கு மேஜிக் அரிசி என்ற பெயர் பிரபலமாகியுள்ளது. குறிப்பாக, சமையல் செய்வதற்கு போதிய வசதிகள் இல்லாத சூழ்நிலைகளிலும், பயணங்களின்போதும் இந்த அரிசியை பயன்படுத்த முடியும் என்பது இதன் முக்கிய சிறப்பாகக் கருதப்படுகிறது. பாரம்பரிய உணவு முறையில் தலைமுறை தலைமுறையாகப் பயன்படுத்தப்பட்டு வரும் இந்த அரிசி தற்போது நவீன வேளாண் ஆராய்ச்சியாளர்கள் மற்றும் விவசாய ஆர்வலர்களின் கவனத்தையும் ஈர்த்து வருகிறது.</p> <p style="text-align: justify;"><strong>போர்வீரர்களின் உணவாக இருந்த பாரம்பரிய அரிசி!</strong></p> <p style="text-align: justify;">கோமல் சால் அரிசி அசாம் மாநிலத்தின் பாரம்பரிய உணவுப் பண்பாட்டுடன் நெருங்கிய தொடர்புடையது. முந்தைய காலங்களில் போர்வீரர்களின் முக்கிய உணவாக இந்த அரிசி பயன்படுத்தப்பட்டதாகக் கூறப்படுகிறது. நீண்ட தூரப் பயணம் மற்றும் போர் நடவடிக்கைகளின்போது உணவு சமைப்பதற்கான வசதிகள் இல்லாத சூழலில், எளிதாக ஊறவைத்து சாப்பிடக்கூடிய தன்மை கொண்ட இந்த அரிசி அவர்களுக்கு பயனுள்ளதாக இருந்துள்ளது. அதிக வெப்பத்தில் சமைக்க வேண்டிய அவசியம் இல்லாததால், இதில் உள்ள ஊட்டச்சத்துக்கள் வீணாகாமல் பாதுகாக்கப்படுவதாக மாணவர்கள் தெரிவித்துள்ளனர்.</p> <p style="text-align: justify;">தற்போது பெரம்பலூர் வேளாண்மைக் கல்லூரி மாணவர்கள் இந்த பாரம்பரிய அரிசி ரகத்தை 2 ஏக்கரில் சாகுபடி செய்து அதன் வளர்ச்சி மற்றும் பயன்பாட்டை அறிந்து வருகின்றனர். ஒருபுறம் 50 ஏக்கரில் இயற்கை முறையில் சீரக சம்பா சாகுபடி, மறுபுறம் சமையலே தேவையில்லாத கோமல் சால் அரிசி சாகுபடி என மாணவர்களின் முயற்சி தனித்துவம் பெற்றுள்ளது. பாரம்பரிய நெல் ரகங்களை மீட்டெடுப்பதுடன் இயற்கை விவசாயத்தையும் அடுத்த தலைமுறைக்கு எடுத்துச் செல்லும் இந்த முயற்சி விவசாயத் துறையில் புதிய ஆர்வத்தை ஏற்படுத்தியுள்ளது.</p>

Source: Read Full Article

கருத்துரையிடுக

Please Select Embedded Mode To Show The Comment System.*

புதியது பழையவை

Post Ads 1

Post Ads 2

Whoever You Are, Whatever You Do, Wherever You May Be

When You Think of Refreshment Think of Ice Cold Coca-Cola

© IPD Tamil. All Rights Reserved. This material may not be published, transmitted, rewritten or redistributed.
Owned,Developed & Maintained by
IPD Media Networks