100% இட ஒதுக்கீட்டின் நூற்றாண்டு தொடக்கம்! சமூகநீதிப் போராட்டத்தை தீவிரப்படுத்துவோம் - அன்புமணி அதிரடி

<p>சென்னை: தமிழ்நாட்டில் 100 சதவீத வகுப்புவாரி பிரதிநிதித்துவ இட ஒதுக்கீடு நடைமுறைப்படுத்தப்பட்டதன் நூற்றாண்டு தொடங்கியுள்ள நிலையில், சாதிவாரி பிரதிநிதித்துவத்தை உறுதி செய்வதற்கான சமூகநீதிப் போராட்டத்தை மேலும் தீவிரப்படுத்த வேண்டும் என பா.ம.க. தலைவர் மருத்துவர் அன்புமணி ராமதாஸ் தெரிவித்துள்ளார்.</p> <p>இதுகுறித்து அவர் வெளியிட்டுள்ள அறிக்கையில் கூறியிருப்பதாவது:</p> <p>தமிழ்நாட்டின் சமூகநீதி வரலாற்றில் பொன்னெழுத்துகளால் &nbsp;பொறிக்கப்பட வேண்டிய நாள் இன்று... நவம்பர் 4.</p> <p>99-ஆம் ஆண்டுகளுக்கு முன் இதே நாளில் தான் அன்றைய சென்னை மாகாணத்தில் &nbsp;100% &nbsp;வகுப்புவாரி பிரதிநிதித்துவ &nbsp;இட ஒதுக்கீட்டை நடைமுறைப்படுத்துவதற்கான &nbsp;மூன்றாவது கம்யூனல் ஜி.ஓ எனப்படும் அரசாணை எண் 1071 நிறைவேற்றப்பட்டது. &nbsp;அதை சாத்தியமாக்கியவர்கள் &nbsp;அன்றைய முதலமைச்சர் ப.சுப்பராயனும், கல்வித்துறை அமைச்சரான &nbsp;கும்பகோணம் முத்தையா முதலியாரும்.</p> <p>அதன்பின் 1935-ஆம் ஆண்டில் சென்னை மாகாணத்தில் உள்ள மத்திய அரசு அலுவலகங்களுக்கும் நீட்டிக்கப்பட்ட &nbsp;100% இட ஒதுக்கீடு, &nbsp;1950-ஆம் ஆண்டு செண்பகம் துரைராஜன் வழக்கில் சென்னை உயர்நீதிமன்றம் தீர்ப்பளிக்கும் வரை நீடித்தது. அதன்பின் 1951-ஆம் ஆண்டில் &nbsp;இந்திய அரசியலமைப்புச் சட்டத்தில் செய்யப்பட்ட முதல் திருத்தத்தின் பயனாக பிற்படுத்தப்பட்ட வகுப்பினருக்கு 25%, பட்டியலினத்தவருக்கு 18% என மொத்தம் 41 விழுக்காட்டுடன் தொடங்கிய புதிய இட ஒதுக்கீடு இப்போது 69% ஆக உயர்ந்திருக்கிறது. &nbsp;ஆனால், இது முழுமையானதல்ல.</p> <p>கடந்த 100 ஆண்டுகளில் 1921, 1922 ஆகிய ஆண்டுகளில் முதல் இரு கம்யூனல் ஜி.ஓக்களை நிறைவேற்றிய பனகல் அரசர், &nbsp;மூன்றாம் கம்யூனல் ஜி.ஓ மூலம் 100% வகுப்புவாரி பிரதிநிதித்துவத்தை சாத்தியமாக்கிய &nbsp;ப.சுப்பராயன், கும்பகோணம் முத்தையா முதலியார், அதில் சீர்திருத்தங்களை செய்த ஓமந்தூர் இராமசாமி ரெட்டியார், சுதந்திர இந்தியாவில் இட ஒதுக்கீட்டின் அளவை உயர்த்திய, உள் இட ஒதுக்கீடும் அரசியலமைப்புச் சட்ட பாதுகாப்பும் வழங்கிய &nbsp;முதலமைச்சர்கள் கலைஞர், எம்.ஜி.ஆர், ஜெயலலிதா, எடப்பாடி பழனிச்சாமி ஆகியோருக்கும், &nbsp;பல்வேறு காலகட்டங்களில் சமூகநீதிக்காக போராடி இட ஒதுக்கீட்டை வென்றெடுத்த பொப்பிலி ராஜா, ஆற்காடு இராமசாமி முதலியார், தந்தை பெரியார், அறிஞர் அண்ணா, பெருந்தலைவர் காமராசர், தமிழ்நாட்டில் மட்டும் 4 இட ஒதுக்கீடுகளை வென்றெடுத்த சமூகநீதிக்காவலர் மருத்துவர் அய்யா ஆகியோர் போற்றத்தக்கவர்கள். சமூகநீதி வரலாற்றில் என்றென்றும் அவர்கள் &nbsp;பெயர் நிலைத்திருக்கும்.</p> <p>ஆனால், &nbsp;தமிழ்நாட்டில் இப்போது நிலவுவது முழுமையான சமூகநீதி அல்ல. ஒவ்வொரு சமூகத்திற்கும் அவர்களின் மக்கள்தொகைக்கு &nbsp;இணையான இடஓதுக்கீடு வழங்குவது தான் முழுமையான சமூகநீதி. அந்த இலக்கை அடைவதற்காக, பாட்டாளி மக்கள் கட்சியின் கோரிக்கையை ஏற்று தமிழ்நாட்டில் சமூகநீதி கணக்காய்வு நடத்தப்படும்; அதற்கான ஆணையம் விரைவில் அமைக்கப்படும் என்று முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> அவர்கள் தலைமையிலான அரசு அறிவித்திருப்பது &nbsp;பாராட்டத்தக்கது. அதற்கான அடுத்தடுத்த நடவடிக்கைகளும் உடனுக்குடன் மேற்கொள்ளப்பட வேண்டும்.</p> <p>தமிழ்நாட்டில் 100% வகுப்புவாரி இட ஒதுக்கீடு நடைமுறைப்படுத்தப்பட்டதன் நூற்றாண்டு தொடக்கத்தை &nbsp;கொண்டாடும் வேளையில், சமூகநீதிக்காக &nbsp;பங்களித்த, உயிர்தியாகம் &nbsp;செய்த &nbsp;அனைவரையும் வணங்குவோம். அதே வேளையில் 100% சாதிவாரி பிரதிநிதித்துவ இட ஒதுக்கீட்டை சாத்தியமாக்குவதற்கான போராட்டங்களை மேலும் கூர்மைப்படுத்த &nbsp;இந்த நாளில் உறுதியேற்றுக் கொள்வோம். இவ்வாறு அவர் தெரிவித்துள்ளார்.</p>

Source: Read Full Article