<p><strong>WPL 2027 Auction:</strong> மகளிர் ப்ரீமியர் லீக் 2027ம் ஆண்டு எடிஷனுக்கான ஏலத்தில் 5 அணிகளில் உள்ள 27 காலியிடங்கள் நிரப்பப்பட உள்ளன.</p>
<h2><strong>மகளிர் ப்ரீமியர் லீக் - மினி ஏலம்:</strong></h2>
<p>வரும் 2027ம் ஆண்டு சீசனுக்கு முன்னதாக அணி நிர்வாகங்கள், தங்களது வீராங்கனைகளின் பட்டியலை வலுப்படுத்தும் வகையில் மகளிர் ப்ரீமியர் லீக் (WPL) தொடருக்கான ஏலம் இன்று நடைபெற உள்ளது. முந்தைய மெகா ஏலத்தைத் தொடர்ந்து பல மாற்றங்களைச் செய்த பிறகு, அணிகள் இப்போது தங்களிடம் காலியாக உள்ள இடங்களை நிரப்புவதில் கவனம் செலுத்துகின்றன. ஏலத்திற்காக மொத்தம் 150 வீரர்கள் தேர்வு செய்யப்பட்டுள்ளனர், ஆனால் ஐந்து அணிகளிலும் சேர்த்து 27 இடங்கள் மட்டுமே காலியாக உள்ளன என்பது குறிப்பிடத்தக்கது. ஏல அட்டவணை, நேரலை ஒளிபரப்பு மற்றும் அணி வாரியாக கைவசம் உள்ள தொகை உள்ளிட்ட விவரங்கள் அனைத்தும் கீழே பட்டியலிடப்பட்டுள்ளன.</p>
<p><iframe title="YouTube video player" src="https://www.youtube.com/embed/xNfoL9zoEpw?si=bRBTURefOt3Ncs0J" width="560" height="315" frameborder="0" allowfullscreen="allowfullscreen"></iframe></p>
<h2><strong>WPL 2027 ஏலம் எப்போது, எங்கே நடைபெறும்?</strong></h2>
<p>WPL 2027 மினி-ஏலம் அக்டோபர் 28, புதன்கிழமை அன்று நடைபெற உள்ளது. கேரளாவின் கொச்சியில் உள்ள கிராண்ட் ஹயாட் ஹோட்டலில் நடைபெறும் இந்த நிகழ்வில், ஐந்து அணிகளும் தங்களுக்கு விருப்பமான வீராங்கனைகளை தங்கள் வசப்படுத்த போட்டியிட உள்ளன.</p>
<h2><strong>WPL 2027 ஏலம் எத்தனை மணிக்குத் தொடங்கும்?</strong></h2>
<p>ஏல நடைமுறை இந்திய நேரப்படி மாலை 5:30 மணிக்குத் தொடங்க திட்டமிடப்பட்டுள்ளது. மாலை 4:30 மணிக்கு ஏலத்திற்கு முந்தைய நிகழ்ச்சி தொடங்கும், இது அணிகள் வீராங்கனைகளுக்கு ஏலம் கேட்கத் தொடங்குவதற்கு முன்பு, ரசிகர்கள் அதற்கான முன்னேற்பாடுகளைப் பின்தொடர ஒரு வாய்ப்பை வழங்கும்.</p>
<p><a title="Traffic e-Challan: ரூல்ஸ் மீறாட்டியும், ட்ராஃபிக் போலீஸ் FINE போட்டு இருக்காங்களா? ஆன்லைனில் ரத்து செய்வது எப்படி?" href="https://tamil.abplive.com/news/tamil-nadu/how-to-dispute-wrong-traffic-violation-e-challan-in-online-india-step-by-step-guidance-in-tamlil-278378" target="_self">இதையும் படியுங்கள்: Traffic e-Challan: ரூல்ஸ் மீறாட்டியும், ட்ராஃபிக் போலீஸ் FINE போட்டு இருக்காங்களா? ஆன்லைனில் ரத்து செய்வது எப்படி?</a></p>
<h2>WPL 2027 ஏலத்தை எங்கே நேரலையில் பார்க்கலாம்?</h2>
<p>இந்தியாவில் உள்ள கிரிக்கெட் ரசிகர்கள் பின்வரும் தளங்கள் மூலம் ஏலத்தைப் பின்தொடரலான்.</p>
<ul>
<li>தொலைக்காட்சி: ஸ்டார் ஸ்போர்ட்ஸ் நெட்வொர்க்</li>
<li>ஒடிடி தளம்: ஜியோஹாட்ஸ்டார்</li>
</ul>
<h2><strong>அணி வாரியாக மீதமுள்ள தொகை, காலியிடங்கள்</strong></h2>
<p>ஒவ்வொரு அணியும் அதிகபட்சமாக ஆறு வெளிநாட்டு வீராங்கனைகள் உட்பட, 18 பேரை அணியில் வைத்திருக்கலாம். ஏலத்திற்கு முன்னதாக, ஐந்து அணிகளும் 23 வெளிநாட்டு கிரிக்கெட் வீரர்கள் உட்பட 63 வீரர்களைத் தக்கவைத்துள்ளன. ஏலப் பட்டியலில் 150 வீரர்கள் இருப்பதாலும், அணியில் இன்னும் 27 இடங்கள் காலியாக இருப்பதாலும், அணிகள் தங்களின் மீதமுள்ள நிதிநிலைக்குள் வியூக ரீதியான முடிவுகளை எடுக்க வேண்டியிருக்கும்.</p>
<ul>
<li>மும்பை இந்தியன்ஸ்: மீதத்தொகை - ரூ.90 லட்சம், ஆறு இடங்கள் காலியாக உள்ளள்ளன, வெளிநாட்டு வீராங்கனைகளுக்கான இடங்கள் இல்லை</li>
<li>ராயல் சேலஞ்சர்ஸ் பெங்களூரு: மீதத்தொகை - ரூ.1.15 கோடி, ஐந்து இடங்கள் காலியாக உள்ளன, இரண்டு வெளிநாட்டு வீராங்கனைகளுக்கான இடங்கள் உள்ளன</li>
<li>யுபி வாரியர்ஸ்: மீதத்தொகை - ரூ3.15 கோடி, எட்டு இடங்கள் காலியாக உள்ளன, மூன்று வெளிநாட்டு வீராங்கனைகளுக்கான இடங்கள் அடங்கும்</li>
<li>டெல்லி கேப்பிட்டல்ஸ்: மீதத்தொகை ரூ.1.10 கோடி, ஐந்து இடங்கள் காலியாக உள்ளன, இதில் ஒரு வெளிநாட்டு வீராங்கனைக்கான இடமும் அடங்கும்</li>
<li>குஜராத் ஜெயண்ட்ஸ்: மீதத்தொகை - ரூ1.25 கோடி, மூன்று இடங்கள் காலியாக உள்ளன, இதில் ஒரு வெளிநாட்டு வீராங்கனைக்கான இடம் அடங்கும்.</li>
</ul>
<h2><strong>கவனத்தை ஈர்க்கக்கூடும் வீராங்கனைகள்</strong></h2>
<p>பல முன்னணி மற்றும் நட்சத்திர கிரிக்கெட் வீராங்கனைகள் இன்றைய ஏலத்தில் தாக்கத்தை ஏற்படுத்துவார்கள் என எதிர்பார்க்கப்படுகிறது. சோபியா டன்க்லி, ஜி. கமாலினி, கிரண் நவகிரே மற்றும் சோஃபி மோலினக்ஸ் ஆகியோர் கவனிக்கப்பட வேண்டிய பெயர்களில் அடங்குவர். ஐந்து அணிகளிலும் சேர்த்து மொத்தம் 27 இடங்கள் மட்டுமே உள்ளதால், ஒப்பந்தங்களுக்கான போட்டி கடுமையாக இருக்கலாம். WPL 2027 தொடருக்காகப் போட்டித்தன்மை வாய்ந்த அணிகளைக் கட்டமைக்க முற்படும் உரிமையாளர்கள், தங்களின் மீதமுள்ள நிதிநிலையை அணியின் தேவைகளுக்கேற்ப சமநிலைப்படுத்த வேண்டியிருக்கும்.</p>
Source: Read Full Article
