திமுகவிலிருந்து தாவி தவெகவிற்கு வந்த கவுன்சிலர் ரஜினி.. கட்சியில் இணைந்த 3 மாதத்தில் அதிரடி நீக்கம்!

<p style="text-align: justify;"><strong>மயிலாடுதுறை:&nbsp; </strong>மயிலாடுதுறை மாவட்டம் தரங்கம்பாடியில் நடைபெற்ற பனை விதை நடும் திட்டத் தொடக்க விழாவில், தமிழக வெற்றிக் கழக (தவெக) நிர்வாகிகளுக்கு இடையே ஏற்பட்ட உட்கட்சி மோதல் பெரும் பரபரப்பை ஏற்படுத்தியுள்ளது. இந்த மோதலின் எதிரொலியாக, திமுகவிலிருந்து விலகி சமீபத்தில் தவெகவில் இணைந்த மயிலாடுதுறை நகர்மன்ற உறுப்பினர் மா.ரஜினி கட்சியின் அடிப்படை உறுப்பினர் பதவிகளில் இருந்து அதிரடியாக நீக்கப்பட்டுள்ளார்.</p> <h3 style="text-align: justify;">தரங்கம்பாடியில் அரங்கேறிய பரபரப்பு சம்பவம்</h3> <p style="text-align: justify;">மயிலாடுதுறை மாவட்டம் தரங்கம்பாடி கடற்கரைப் பகுதியில், தனியார் அறக்கட்டளை மற்றும் சேவைச் சங்கம் சார்பில் 'கடலோர பனை அரண்' என்ற தலைப்பில் ஒரு கோடி பனை விதை நடவு செய்யும் பெருந்திட்டத்தின் தொடக்க விழா கடந்த அக்டோபர் 23-ஆம் தேதியன்று நடைபெற்றது.</p> <p style="text-align: justify;">இயற்கையைப் பாதுகாக்கும் இந்த நல்முயற்சி விழாவில், தமிழக உணவுத்துறை அமைச்சர் வெங்கடரமணன் சிறப்பு விருந்தினராகக் கலந்துகொண்டு திட்டத்தைத் தொடங்கி வைத்தார். அரசு மற்றும் பொதுமக்கள் கலந்துகொண்ட இந்த பொது மேடை நிகழ்வில், தவெகவைச் சேர்ந்த உள்ளூர் நிர்வாகிகளுக்கிடையே நீண்ட நாளாக புகைந்து வந்த உட்கட்சிப் பூசல் வெளிப்படையாக வெடித்தது.</p> <h3 style="text-align: justify;">விழாவில் மோதிக்கொண்ட தவெக நிர்வாகிகள்</h3> <p style="text-align: justify;">விழா நடைபெற்றுக் கொண்டிருந்தபோதே, மாவட்டச் செயலாளர் தரப்பைச் சேர்ந்த தரங்கம்பாடி பேரூர்க்கழகச் செயலாளர் சதீஸ்குமாருக்கும், திமுகவிலிருந்து விலகி தவெகவில் இணைந்த மயிலாடுதுறை நகர்மன்ற உறுப்பினர் மா.ரஜினியின் ஆதரவாளரான தரங்கம்பாடியைச் சேர்ந்த அன்புராஜ் என்பவருக்கும் இடையே திடீரென கடுமையான வாக்குவாதம் ஏற்பட்டது.</p> <p style="text-align: justify;">இந்த வாக்குவாதம் முற்றி கைகலப்பாக மாறியது. இரு தரப்பினரும் ஒருவரை ஒருவர் தாக்கி கொண்டதால் விழா நடைபெற்ற பகுதியில் பெரும் பதற்றமும் பரபரப்பும் ஏற்பட்டது. அங்கிருந்த கட்சினரும் பொதுமக்களும் இதனால் அதிர்ச்சி அடைந்தனர்.</p> <h3 style="text-align: justify;">அமைச்சரின் சமாதானமும் அறிவுரையும்</h3> <p style="text-align: justify;">விழாபோது கட்சியினர் கோதாவில் குதித்து சண்டையிட்டதைக் கண்டு அதிர்ந்துபோன அமைச்சர் வெங்கடரமணன், உடனடியாகத் தலையிட்டு இரு தரப்பினரையும் சமாதானம் செய்து அனுப்பி வைத்தார். இதனைத் தொடர்ந்து நடைபெற்ற கூட்டத்தில் பேசிய அவர், "கட்சி நிகழ்ச்சிகளில் இது போன்ற மோதல்களிலும், பிரச்சனைகளிலும் ஈடுபட்டால் அது ஒட்டுமொத்த அரசுக்கும், முதலமைச்சருக்கும் தான் கெட்ட பெயரை ஏற்படுத்தும். எனவே, அனைவரும் கட்சி கட்டுப்பாட்டைக் பேணி ஒற்றுமையாக இருக்க வேண்டும்" என்று கடுமையான எச்சரிக்கையும் அறிவுரையும் வழங்கிச் சென்றார்.</p> <h3 style="text-align: justify;">ரஜினி அதிரடி நீக்கம் - மாவட்ட செயலாளர் அறிக்கை</h3> <p style="text-align: justify;">அமைச்சரின் சமாதான முயற்சியைத் தொடர்ந்து அமைதி நிலவியது போலத் தோன்றினாலும், உட்கட்சி மோதலுக்குக் காரணமானவர்கள் மீது நடவடிக்கை எடுக்கப்பட வேண்டும் என்ற கோரிக்கை தவெக வட்டாரத்தில் வலுப்பெற்றது.</p> <p style="text-align: justify;">இந்நிலையில், மயிலாடுதுறை மாவட்ட தவெக சார்பில் மாவட்டச் செயலாளர் கோபிநாத் வெளியிட்டுள்ள அதிகாரப்பூர்வ அதிரடி அறிக்கையில் கூறப்பட்டுள்ளதாவது: மா.ரஜினி, கழகத்தின் கொள்கைகளுக்கும், கோட்பாடுகளுக்கும், கட்டுப்பாடுகளுக்கும் முரணான வகையில் தொடர்ச்சியாகச் செயல்பட்டு வந்துள்ளார். தவெக பொதுச்செயலாளர் ஆனந்த உத்தரவின் பேரில், இன்று முதல் ரஜினி கட்சியின் அடிப்படை உறுப்பினர் உள்ளிட்ட அனைத்துப் பொறுப்புகளிலிருந்தும் முழுமையாக நீக்கப்படுகிறார். எனவே, கட்சியினர் யாரும் அவருடன் நேரிடையாகவோ அல்லது மறைமுகமாகவோ இனி எந்தவிதத் தொடர்பும் வைத்துக்கொள்ள வேண்டாம் என கேட்டுக்கொள்ளப்படுகிறார்கள்." என தெரிவிக்கப்பட்டிருந்தது.</p> <h3 style="text-align: justify;">நீக்கத்திற்கான உண்மையான காரணங்கள் என்ன?</h3> <p style="text-align: justify;">நகர்மன்ற உறுப்பினர் ரஜினி கட்சியில் இருந்து நீக்கப்பட்டதற்கான பின்னணி குறித்து மாவட்டச் செயலாளர் கோபிநாத் விளக்கமளித்துள்ளார். ரஜினி தனது சொந்த முயற்சியில் பல நலத்திட்ட உதவிகள் வழங்கும் விழாக்களையும், பொது நிகழ்ச்சிகளையும் தொடர்ச்சியாக நடத்தி வந்துள்ளார். ஆனால், அப்படிப்பட்ட முக்கிய நிகழ்ச்சிகளுக்கு மாவட்டச் செயலாளர் மற்றும் சம்பந்தப்பட்ட பகுதி நிர்வாகிகளை முறையாக அழைக்காமல், கட்சி நெறிமுறைகளுக்கு முரணாகவும் தன்னிச்சையாகவும் செயல்பட்டு வந்ததே இந்த ஒழுங்கு நடவடிக்கைக்கு முக்கியக் காரணம் என்று அவர் தெரிவித்தார்.</p> <h3 style="text-align: justify;">மூன்று மாதங்களிலேயே நிகழ்ந்த விடைபெறுதல்</h3> <p style="text-align: justify;">திமுகவிலிருந்து பெருமளவு எதிர்பார்ப்புகளுடன் விலகி, புதிதாகத் தொடங்கப்பட்ட தமிழக வெற்றிக் கழகத்தில் மிகுந்த உற்சாகத்துடன் இணைந்த மயிலாடுதுறை நகர்மன்ற உறுப்பினர் மா. ரஜினி, கட்சியில் இணைந்து வெறும் மூன்று மாத காலத்திற்குள்ளேயே அடிப்படை உறுப்பினர் பதவியில் இருந்து நீக்கப்பட்டிருப்பது மயிலாடுதுறை அரசியல் வட்டாரத்தில் பெரும் விவாதப் பொருளாக மாறியுள்ளது.</p> <p style="text-align: justify;">தவெக கட்சியில் ஒழுக்கத்தைக் கடைப்பிடிக்கவும், உட்கட்சி மோதல்களைத் தவிர்க்கவும் தலைமை எடுத்துவரும் தொடர்ச்சியான நடவடிக்கைகளின் ஒரு பகுதியாகவே இந்த நீக்கம் பார்க்கப்படுகிறது. தொடக்க நிலையிலேயே இதுபோன்ற மோதல்களும் நடவடிக்கைகளும் அரங்கேறி வருவது <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> தொண்டர்கள் மத்தியில் சலசலப்பை ஏற்படுத்தியுள்ளது.</p>

Source: Read Full Article