<p><strong>TN Govt IAS Transfer:</strong> தமிழ்நாடு முழுவதும் 13 IAS அதிகாரிகளை பணியிடமாற்றம் செய்து உள்துறை செயலாளர் அதிரடி உத்தரவு பிறப்பித்துள்ளார்.</p>
<h2><strong>13 IAS அதிகாரிகள் பணியிடமாற்றம்</strong></h2>
<p>மாநிலத்தின் பல்வேறு பகுதிகளில் வெவ்வேறு பதவிகளை வகித்து வந்த 13 IAS அதிகாரிகளை பணியிடமாற்றம் செய்து தமிழ்நாடு அரசு உத்தரவிட்டுள்ளது. இதில் 3 மாவட்ட ஆட்சியர்கள், ஒரு மாநகராட்சி ஆணையர், 2 பெரிய நிறுவனங்களின் MD மற்றும் புதிதாக IAS ஆக பதவி உயர்வு பெற்ற 9 பேர் அடங்குவர். தென்காசி, திருப்பூர் மற்றும் கரூர் மாவட்டங்களுக்கு புதிய ஆட்சியர்கள் நியமிக்கப்பட்டுள்ளதோடு, சென்னை பெருநகர வளர்ச்சி குழுமத்தின் தலைமை செயல் அதிகாரியும் மாற்றப்பட்டுள்ளார்.</p>
<p><iframe title="YouTube video player" src="https://www.youtube.com/embed/RLqBdMxOzH8?si=3NbnOj6tN9Wli_69" width="560" height="315" frameborder="0" allowfullscreen="allowfullscreen"></iframe></p>
<h2><strong>3 மாவட்டங்களுக்கு புதிய ஆட்சியர்கள்:</strong></h2>
<ul>
<li>தென்காசி மாவட்டத்திற்கு புதிய ஆட்சியராக டாக்டர் மோனிகா ராணா நியமனம். திருநெல்வேலி மாநகர ஆணையராக இருந்த நிலையில் இவர் பணியிட மாற்றம் செய்யப்பட்டுள்ளார்.</li>
<li>கரூர் மாவட்ட ஆட்சியராக இருந்த த C.முத்துக்குமரன், திருப்பூர் மாவட்ட ஆட்சியராக நியமனம் செய்யப்பட்டுள்ளார். மாற்றப்பட்டுள்ளார்</li>
<li>புதிதாக IAS பணியில் இணைந்த S.பிரசன்னா ராமசாமி, (ஆளுநர் மாளிகையில் பல்கலைக்கழகங்களுக்கான துணை செயலாளராக இருந்தவர்) கரூர் மாவட்ட ஆட்சியராக நியமிக்கப்பட்டுள்ளார்</li>
</ul>
<h2><strong><a title="TN Govt: மாற்றுத்திறனாளிகளுக்காக தமிழ்நாடு அரசு அதிரடி அறிவிப்பு..! UDID அட்டை இருந்தா போதும் - முழு விவரம்" href="https://tamil.abplive.com/news/tamil-nadu/tn-govt-announced-free-bus-scheme-expansion-for-handicapped-people-udid-manditory-know-bus-typle-cm-vijay-tn-politics-278439" target="_self">இதையும் படியுங்கள்: TN Govt: மாற்றுத்திறனாளிகளுக்காக தமிழ்நாடு அரசு அதிரடி அறிவிப்பு..! UDID அட்டை இருந்தா போதும் - முழு விவரம்</a></strong></h2>
<h2><strong>9 பேருக்கு பதவி உயர்வு</strong></h2>
<p>மாநில பணியில் (State Service) இருந்து IAS பணிக்கு பதவி உயர்வு பெற்றவர்களுக்கு முக்கிய பொறுப்புகள் வழங்கப்பட்டுள்ளன.</p>
<ul>
<li>கோயம்பேடு மார்க்கெட் நிர்வாக குழுமத்தின் தலைமை நிர்வாக அதிகாரியாக இருந்த இந்துமதி போக்குவரத்து துறையில் அரசு துணை செயலாளராக நியமனம்</li>
<li>சென்னை மாநகராட்சி அம்மா உணவகத்தின் மாவட்ட வருவாய் அதிகாரியாக இருந்த சங்கீதா ஒருங்கிணைந்த குழந்தை வளர்ச்சி திட்டத்தின் (ICDS) இயக்குனர் மற்றும் மிஷன் இயக்குனராக நியமனம்</li>
<li>சென்னை மாநகராட்சி மண்டல அதிகாரி-10 ஆக இருந்த காளிதாஸ், ஊரக வளர்ச்சி மற்றும் பஞ்சாயத்து ராஜ் இயக்குனரகத்தில் கூடுதல் இயக்குனராக (பொது) நியமனம்</li>
<li>
<p>கரூர் துணை ஆட்சியராக இருந்த வெங்கடேஷ்வரன் கடலூர் மாவட்டம் சிதம்பரம் துணை ஆட்சியராக மாற்றம்</p>
</li>
<li>இ-ஆளுமை இயக்குனரகத்தில் இணை இயக்குனராக (தொழில்நுட்பம்) இருந்த பிரியா, திருநெல்வேலி மாநகராட்சி ஆணையராக நியமனம்</li>
<li>தமிழ்நாடு மின்னணு நிறுவனத்தில் (ELCOT) பொது மேலாளராக (கொள்முதல்) இருந்த ராஜாகிருபாகரன், ELCOT நிறுவனத்தின் செயல் இயக்குனராக நியமனம்</li>
</ul>
<h2><strong>CMDA-வில் வந்த மாற்றம்:</strong></h2>
<ul>
<li>மதுவிலக்கு மற்றும் ஆயத்தீர்வை ஆணையரகத்தில் இணை ஆணையராக இருந்த சாந்தி, சென்னை பெருநகர வளர்ச்சி குழுமத்தின் புதிய தலைமை செயல் அதிகாரியாக நியமனம்</li>
<li>சென்னை பெருநகர வளர்ச்சி குழுமத்தின் தலைமை செயல் அதிகாரியாக இருந்த கார்த்திகா, சமூக நலன் மற்றும் மகளிர் அதிகாரமளித்தல் துறையில் அரசு கூடுதல் செயலாளராக மாற்றம்</li>
<li>திருப்பூர் மாவட்ட ஆட்சியராக இருந்த மனிஷ் S. நர்னாவரே, தமிழ்நாடு ஃபைபர்நெட் கார்ப்பரேஷன் (TANFINET) நிறுவனத்தின் மேலாண் இயக்குனராக நியமனம்</li>
<li>சமூக நலத்துறை கூடுதல் செயலாளராக இருந்த வளர்மதி வெளிநாடு வாழ் தமிழர்கள் மறுவாழ்வு மற்றும் நலத்துறை இயக்குனராக நியமனம்<strong><br /></strong></li>
</ul>
Source: Read Full Article
