Russia Attack Kyiv Bridge Video: உக்ரைனின் கீவ் நகரில் நார்தர்ன் பிரிட்ஜை தாக்கிய ரஷ்யா; ட்ரோன் தாக்கி பாலம் புகை மண்டலமான வீடியோ வைரல்

<p><span dir="auto">ரஷ்யா மீண்டும் உக்ரைன் மீது தாக்குதல் நடத்தியுள்ளது. அது கீவ் நகரின் வடக்கு பாலத்தைத் தாக்கியுள்ளது. உக்ரைன் தலைநகர் மீதான மாஸ்கோவின் இந்த தாக்குதல், குறிப்பிடத்தக்க சேதத்தை ஏற்படுத்தியுள்ளது. பாலத்தின் மீது ஆளில்லா விமானம் வெடித்த காணொளி ஒன்று வெளியாகி, சமூக ஊடகங்களில் வைரலாகி வருகிறது.</span></p> <p><span dir="auto">வைரலான அந்த காணொளியில், ட்ரோன் மோதியதால் பாலம் தீப்பிடித்து எரிவதும், அதிலிருந்து கருப்புப் புகை எழுவதும் காணப்படுகிறது. அந்த நேரத்தில் பாலத்தின் மீது கார்களும் சென்று கொண்டிருந்தன. இந்த விபத்தில் இருவர் காயமடைந்ததாகக் கூறப்படுகிறது.&nbsp;</span></p> <blockquote class="twitter-tweet"> <p dir="ltr" lang="en">Footage of a Russian attack drone slamming into the busy Pivnichnyi Bridge in Ukraine&rsquo;s capital, Kyiv, today. https://t.co/HhZZArcHFH</p> &mdash; OSINTtechnical (@Osinttechnical) <a href="https://x.com/Osinttechnical/status/2106741203156787356?ref_src=twsrc%5Etfw">October 4, 2026</a></blockquote> <p><span dir="auto"><strong> <script src="https://platform.x.com/widgets.js" async="" charset="utf-8"></script> </strong></span></p> <p><span dir="auto">உக்ரைன் அதிபர் வொலோடிமிர் ஜெலென்ஸ்கியை சந்திப்பதற்காக ஜெர்மன் பிரதமர் ஃபிரெட்ரிக் மெர்ஸ் கீவ் நகரில் இருக்கும் வேளையில், இந்த ரஷ்ய ஆளில்லா விமானத் தாக்குதல் நடந்துள்ளது . அவர் வந்தடைந்ததும் நகரில் சிவப்பு எச்சரிக்கை ஒலிகள் ஒலித்தன. வெடிச்சத்தங்கள் கேட்கப்பட்டன. மேலும், வான்வழி அமைப்புகளும் செயல்படுத்தப்பட்டன.</span></p> <h2><span dir="auto">வடக்கு பாலத்தை ரஷ்யா குறிவைப்பது இது இரண்டாவது முறை</span></h2> <p><span dir="auto">முன்னதாக, வியாழன் மற்றும் வெள்ளிக் கிழமைகளில், 24 மணி நேரத்திற்கும் குறைவான நேரத்தில் கீவ்வின் தெற்கு பாலம் ஐந்து முறை தாக்கப்பட்டது. தெற்கு பாலம் மீதான தாக்குதலால் சாலைப் போக்குவரத்து பாதிக்கப்பட்டுள்ளது.</span></p> <p><span dir="auto">தலைநகரின் உள்கட்டமைப்பை குறிவைத்து, கீவ் நகரை இரண்டு பகுதிகளாகப் பிரிக்க ரஷ்ய தாக்குதல்கள் முயற்சிப்பதாக, உக்ரேனிய அதிகாரிகள் கூறுகின்றனர். கீவ், டினிப்பர் நதிக்கரையில் அமைந்துள்ளது. மேலும், உக்ரைன் மீதான ரஷ்யாவின் தாக்குதல்கள் அந்நகரின் போக்குவரத்து இணைப்பை பாதிக்கின்றன.</span></p> <p><span dir="auto">வடக்கு பாலம் மீதான தாக்குதலை ரஷ்ய பாதுகாப்பு அமைச்சகம் உறுதிப்படுத்தியதுடன், அது துருப்புகள் மற்றும் ராணுவ உபகரணங்களின் போக்குவரத்திற்காகப் பயன்படுத்தப்பட்டதால் குறிவைக்கப்பட்டதாக கூறியது. ஒடெசா துறைமுகத்திற்கு சென்றுகொண்டிருந்த இரண்டு சரக்குக் கப்பல்கள் தாக்கப்பட்டன.</span></p> <p>&nbsp;</p>

Source: Read Full Article