<p>வெஸ்ட் இண்டீஸ் அணி இந்தியாவிற்கு சுற்றுப்பயணம் மேற்கொண்டு கிரிக்கெட் தொடரில் ஆடி வருகிறது. 3 ஒருநாள் போட்டிகள் மற்றும் 5 டி20 ஒருநாள் கிரிக்கெட் தொடரில் ஆடி வருகிறது. இதில் இரு அணிகளும் மோதிய ஒருநாள் போட்டித் தொடரில் இந்தியா 2-1 என்ற கணக்கில் வென்றது.</p>
<p>இந்த நிலையில், வெஸ்ட் இண்டீஸ் மற்றும் இந்தியா மோதும் முதல் டி20 போட்டி இன்று நடக்கிறது. இந்திய அணி சமீபத்தில் ஆசிய விளையாட்டுப் போட்டியில் தங்கப்பதக்கம் வென்று அசத்தியிருந்தது. அதே வேகத்தில் தற்போது இந்த டி20 தொடரில் களமிறங்குகிறது. ஒருநாள் தொடரில் கடைசி போட்டியில் வெற்றி பெற்ற உத்வேகத்தில் வெஸ்ட் இண்டீஸ் களமிறங்குகிறது.</p>
<h2><strong>பேட்டிங் பலம்:</strong></h2>
<p>இரு அணிகளும் பலம் வாய்ந்த அணிகள் என்பதால் இந்த போட்டி மிகவும் விறுவிறுப்பாக இருக்கும் என்று கருதப்படுகிறது. இந்திய அணியைப் பொறுத்தமட்டில் பேட்டிங்கில் சாம்சன், சூர்யவன்ஷி, கேப்டன் ஸ்ரேயாஸ் ஐயர், அபிஷேக் சர்மா, திலக் வர்மா, இஷன் கிஷன், ஷிவம் துபே ஆகியோர் பேட்டிங்கில் பலமாக உள்ளனர்.</p>
<p>வெஸ்ட் இண்டீஸ் அணியைப் பொறுத்தமட்டில் கேப்டன் ஷாய் ஹோப், கமீல் பூரண், ஹெட்மயர், ரூதர்ஃபோர்ட், ரோமன் பவெல் ஆகியோர் உள்ளனர். </p>
<h2><strong>பந்துவீச்சு எப்படி?</strong></h2>
<p>டி20 போட்டியைப் பொறுத்தமட்டில் பந்துவீச்சு என்பது மிக மிக அவசியமானது ஆகும். இந்திய அணியின் பந்துவீச்சைப் பொறுத்தமட்டில் மயங்க் யாதவ், ப்ரின்ஸ் யாதவ், குல்தீப் யாதவ், அர்ஷ்தீப் சிங் ஆகியோர் உள்ளனர். சுழலும், வேகமும் கலந்த கலவையாக இந்திய அணி அணி பந்துவீச்சில் களமிறங்கும் என்று கருதப்படுகிறது.</p>
<p>வெஸ்ட் இண்டீஸ் அணியைப் பொறுத்தமட்டில் பந்துவீச்சில் ஃபோர்ட், கீமோ பால், அமீர் ஜாங்கோ, ஷமர் ஜோசப், அகீல் ஹொசைன் ஆகியோர் களமிறங்குவார்கள் என்று கருதப்படுகிறது. இந்திய அணியின் பேட்டிங்கிற்கு இவர்கள் சவால் அளித்தால் வெஸ்ட் இண்டீஸ் அணி வெற்றி எளிதாகும்.</p>
<h2><strong>ஆல்ரவுண்டர்கள்:</strong></h2>
<p>இரு அணியைப் பொறுத்தமட்டில் ஆல்ரவுண்டர்கள் மிகவும் முக்கிய பங்கு வகிப்பார்கள் என்று கருதப்படுகிறது. இந்திய அணியின் அக்ஷர் படேல், ஷிவம் துபே ஆகியோர் களமிறங்க உள்ளனர். வெஸ்ட் இண்டீஸ் அணியைப் பொறுத்தமட்டில் ஷெப்பர்ட், ரூதர்ஃபோர்ட் உள்ளனர்.</p>
<p>இந்த போட்டி இன்று இரவு 7 மணிக்கு லக்னோவில் நடக்கிறது. லக்னோ மைதானம் பேட்டிங்கிற்கு ஒத்துழைக்கும் என்பதால் இரு அணியிலும் பேட்டிங்கில் ரன் மழை பொழிய ஆர்வம் காட்டுவார்கள் என்று எதிர்பார்க்கலாம். மொத்தம் 5 போட்டிகள் கொண்டதாக இந்த டி20 தொடர் நடக்கிறது. </p>
<p><iframe class="vidfyVideo" style="border: 0px;" src="https://tamil.abplive.com/web-stories/food/should-you-eat-eggs-if-your-cholesterol-level-is-high-details-in-pics-276572" width="631" height="381" scrolling="no"></iframe></p>
<p> </p>
<p> </p>
Source: Read Full Article
