<p>தமிழ்நாட்டில் தாராபுரம் மற்றும் மதுராந்தகம் ஆகிய இரு தொகுதிகளுக்கான இடைத்தேர்தல் வரும் 6ம் தேதி நடைபெற உள்ளது. தனிப்பெரும்பான்மை இல்லாமல் ஆட்சி நடத்தி வரும் தவெக இந்த இரு தொகுதிகளில் கட்டாய வெற்றி பெறும் நோக்கில் பணியாற்றி வருகிறது. </p>
<p>ஆட்சியைப் பறிகொடுத்த திமுக வெற்றி பெற்றே தீரும் நோக்கத்தில் களத்தில் இறங்கியுள்ளது. இந்த நிலையில், திமுக தனது எக்ஸ் பக்கத்தில் தவெக பொதுமக்களின் மனுக்களை வீதியில் வீசிச் சென்றுள்ளதாக குற்றச்சாட்டை முன்வைத்துள்ளது.</p>
<p>இதுதொடர்பாக அவர்கள் பதிவிட்டுள்ளதாவது, </p>
<h2><strong>காலில் மிதிப்பதற்கு சமம்:</strong></h2>
<p>தேர்தலுக்காக ஓடோடி வந்து ரீல்ஸ் எடுத்து ஓட்டுக் கேட்கத் தெரியும் விஜய்க்கு, மக்களின் அடிமட்டப் பிரச்சினைகளைத் தீர்க்கத் திராணியில்லையா? நம்பிக்கையுடன் மக்கள் கையில் கொடுத்த மனுக்களைத் தெருக்களில் வீசி எறிவது அப்பட்டமான துரோகம்; மக்களைக் காலில் போட்டு மிதிப்பதற்குச் சமம்.</p>
<blockquote class="twitter-tweet">
<p dir="ltr" lang="ta">தேர்தலுக்காக ஓடோடி வந்து ரீல்ஸ் எடுத்து ஓட்டுக் கேட்கத் தெரியும் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a>க்கு, மக்களின் அடிமட்டப் பிரச்சினைகளைத் தீர்க்கத் திராணியில்லையா? நம்பிக்கையுடன் மக்கள் கையில் கொடுத்த மனுக்களைத் தெருக்களில் வீசி எறிவது அப்பட்டமான துரோகம்; மக்களைக் காலில் போட்டு மிதிப்பதற்குச் சமம்.… <a href="https://t.co/pHfgnfRyyc">pic.twitter.com/pHfgnfRyyc</a></p>
— DMK IT WING (@DMKITwing) <a href="https://x.com/DMKITwing/status/2106016916603355621?ref_src=twsrc%5Etfw">October 2, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>உண்மையான மக்கள் சேவையோ, சமூக அக்கறையோ எள்ளளவும் இல்லாமல், கேமராவுக்காகவும் இன்ஸ்டாகிராம் ரீல்ஸ்களுக்காகவும் மட்டுமே வலம் வரும் மலிவான விளம்பர நாடகங்கள் அம்பலப்பட்டு நிற்கின்றன.</p>
<h2><strong>நியாயப்படுத்த முடியாது:</strong></h2>
<p>தங்களின் அடிப்படைத் தேவைகளுக்காகவும் வாழ்வாதாரத்துக்காகவும் ஏங்கி நிற்கும் எளிய மக்களின் குரலைக் காற்றில் பறக்கவிட்டு, இவ்வளவு துடுக்குத்தனமாகவும் பொறுப்பற்ற முறையிலும் நடந்து கொள்வதை எந்தக் காலத்திலும் நியாயப்படுத்த முடியாது.</p>
<p>இடைத்தேர்தலுக்கு முன்பே அந்தத் தொகுதி மக்களின் கோரிக்கைகளைக் குப்பைத் தொட்டியில் வீசும் இத்தகைய சுயநல அரசியலுக்கு மக்கள் தகுந்த பாடம் புகட்டுவது உறுதி!</p>
<p>இவ்வாறு அதில் பதிவிடப்பட்டுள்ளது.</p>
<p>திமுக இந்த குற்றச்சாட்டுடன் சேர்த்து வீதியில் வீசப்பட்டதாக கூறப்படும் மனுவின் புகைப்படங்களையும் பதிவிட்டுள்ளது. அதில் ஒரு பெண்ணின் ஆவணம் தெளிவாக உள்ளது. மற்ற காகிதங்கள் சுருட்டப்பட்டு உள்ளது.</p>
<h2><strong>திமுக வியூகம்:</strong></h2>
<p>இடைத்தேர்தலுக்கு இன்னும் 4 நாட்களே உள்ள நிலையில், ஆளுங்கட்சியான தவெக, எதிர்க்கட்சியான திமுக, முன்னாள் ஆளுங்கட்சியான அதிமுக, இந்திய கம்யூனிஸ்ட், நாம் தமிழர் ஆகிய கட்சிகள் போட்டியிடுகின்றனர். </p>
<p>இந்த இடைத்தேர்தலில் <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a>-வை வீழ்த்தினால் தனிப்பெரும்பான்மை இல்லாமல் ஆட்சி நடத்தும் அவர்களுக்கு நெருக்கடி கொடுக்கலாம் என்று கருதுகிறது. </p>
<p> </p>
Source: Read Full Article
