<p style="text-align: justify;">தஞ்சாவூர்: தஞ்சாவூரிலிருந்து திருப்பதிக்கு பிரமோற்சவ விழாவிற்காக செல்பவர்களுக்கு ஒரு செம இனிப்பான தகவலை அரசு போக்குவரத்து கழகம் அறிவித்துள்ளது. அட ஆமாங்க தஞ்சாவூரிலிருந்து திருப்பதிக்கு சிறப்பு பேருந்துகள் இயக்ககப்படுகிறது என்பதுதான் அந்த அதிகாரப்பூர்வ அறிவிப்பு.</p>
<p style="text-align: justify;">உலகப் புகழ்பெற்ற ஆன்மீகத் தலமான திருமலை திருப்பதி தேவஸ்தானத்தில் நடைபெறும் வருடாந்திர பிரம்மோற்சவ விழா மிகவும் கோலாகலமாகவும், பல்லாயிரக்கணக்கான பக்தர்கள் பங்கேற்கும் மாபெரும் ஆன்மீகத் திருவிழாவாகவும் கொண்டாடப்படுகிறது. இவ்விழாவின் பிரம்மோற்சவ வரலாறு மற்றும் பெருமைகள் குறித்து ஆன்மீக வரலாற்றுக் குறிப்புகள் விவரிக்கின்றன.</p>
<p style="text-align: justify;"><strong>பிரம்மோற்சவத்தின் ஆன்மீகச் சிறப்பு மற்றும் பெருமைகள்</strong></p>
<p style="text-align: justify;">புராண வரலாற்றின்படி, பிரம்ம தேவனே முதன்முதலில் பூலோகத்தில் திருமால் மீது கொண்ட பக்தியால் திருவேங்கடமுடையானுக்கு இந்த விழாவை நடத்தி வைத்தார். இதனால் இப்பெருவிழா 'பிரம்மோற்சவம்' என்ற பெருமையைப் பெற்றது. பிரம்ம தேவன் தாமே நேரில் வந்து பெருமாளை வழிபட்டு உலக நன்மைக்காக இந்த உத்ஸவத்தை ஆரம்பித்ததாக ஐதீகம் நிலவுகிறது.</p>
<p style="text-align: justify;">ஒவ்வொரு ஆண்டும் புரட்டாசி மாதத்தில் கொடியேற்றத்துடன் தொடங்கி ஒன்பது நாட்கள் வெகு விமரிசையாக நடைபெறும் இந்த பிரம்மோற்சவத்தில், ஏழுமலையான் பல்வேறு வாகனங்களில் திருவீதி உலா வந்து பக்தர்களுக்கு அருள்பாலிப்பார். குறிப்பாக, சிம்ம வாகனம், முத்துப்போத்தி வாகனம், கற்பகவிருட்ச வாகனம், அனுமந்த வாகனம், கருட வாகனம், சர்வ பூபால வாகனம், மோகினி அவதாரம், தங்க ரதம் மற்றும் இறுதி நாளான சக்கர ஸ்நானம் (தீர்த்தவாரி) என்று ஒவ்வொரு நாளும் ஒவ்வொரு வாகன சேவைக்கும் கோடிக்கணக்கான பக்தர்கள் திருமலையில் திரள்வார்கள்.</p>
<p style="text-align: justify;">இதில் மிகவும் புகழ்பெற்ற 'கருட சேவை' அன்று லட்சக்கணக்கான பக்தர்கள் ஒரே நேரத்தில் கூடி கோவிந்தா கோவிந்தா நாமம் முழங்கி சுவாமி தரிசனம் செய்வர். இந்த நாட்களில் பெருமாளை தரிசித்தால் நினைத்த காரியங்கள் கைகூடும், சகல ஐஸ்வர்யங்களும் பெருகும் என்பது பக்தர்களின் அசைக்க முடியாத நம்பிக்கையாக உள்ளது.</p>
<p style="text-align: justify;"><strong>திருப்பதிக்கு சிறப்பு பேருந்துகள் இயக்கம்</strong></p>
<p style="text-align: justify;">இந்த ஆண்டு திருப்பதியில் நடைபெறும் புகழ்பெற்ற பிரம்மோற்சவ விழாவைக் காணும் பொருட்டு, வெளியூர் மற்றும் டெல்டா மாவட்ட பக்தர்களின் வசதிக்காகத் தஞ்சாவூரிலிருந்து சிறப்பு பேருந்துகள் இயக்கப்படுகின்றன. தஞ்சாவூர் அரசு விரைவு போக்குவரத்துக் கழகத்தின் சார்பில் வரும் 8ஆம் தேதி முதல் 21ஆம் தேதி வரை இந்தச் சிறப்புப் போக்குவரத்து ஏற்பாடு செய்யப்பட்டுள்ளது. இது குறித்து தமிழ்நாடு அரசு விரைவு போக்குவரத்துக் கழகத்தின் தஞ்சாவூர் கிளை மேலாளர் வெளியிட்டுள்ள விரிவான செய்திக்குறிப்பில் தெரிவிக்கப்பட்டுள்ளதாவது: </p>
<p style="text-align: justify;">வரும் அக்டோபர் 8ஆம் தேதி முதல் 21ஆம் தேதி வரை நடைபெற உள்ள திருப்பதி பிரம்மோற்சவ விழாவிற்காக, தஞ்சாவூரிலிருந்து குளிரூட்டப்பட்ட வசதி இல்லாத படுக்கை வசதியுடன் கூடிய புத்தம் புதிய அரசு சொகுசு பேருந்துகள் இயக்கப்படவுள்ளன. இந்தச் சிறப்புப் பேருந்துகள் தஞ்சையிலிருந்து தினமும் இரவு 8.30 மணிக்கும், மறு மார்க்கத்தில் திருப்பதியிலிருந்து இரவு 8.45 மணிக்கும் இயக்கப்பட திட்டமிடப்பட்டுள்ளது. </p>
<p style="text-align: justify;"><strong>பயண வழித்தடம் மற்றும் முன்பதிவு விவரங்கள்</strong></p>
<p style="text-align: justify;">பிரம்மோற்சவத்திற்குச் செல்லும் பக்தர்களின் வசதிக்காக ஏற்பாடு செய்யப்பட்டுள்ள இந்தப் பேருந்துகள் மிக முக்கிய நகரங்கள் வழியாக இயக்கப்படுகின்றன. அதன்படி, தஞ்சாவூரிலிருந்து புறப்படும் இந்தப் பேருந்து கும்பகோணம், நெய்வேலி, விழுப்புரம், வேலூர் மற்றும் சித்தூர் வழியாகச் சென்று திருப்பதியைச் சென்றடையும். </p>
<p style="text-align: justify;">பக்தர்கள் கடைசி நேரக் கூட்ட நெரிசலைத் தவிர்க்கும் பொருட்டு, முன்கூட்டியே தங்களது பயணத்திற்கு முன்பதிவு செய்து பாதுகாப்பாகப் பயணம் செய்யலாம் என தஞ்சாவூர் அரசு விரைவு போக்குவரத்துக் கழக மேலாளர் தனது செய்திக்குறிப்பில் கேட்டுக் கொண்டுள்ளார். டெல்டா மாவட்ட மக்களும், தஞ்சை ஆன்மீக பக்தர்களும் திருப்பதி பிரம்மோற்சவத்தில் எவ்வித சிரமமுமின்றி கலந்துகொள்ள இந்தச் சிறப்புப் பேருந்து அறிவிப்பு பெரும் உதவியாக இருக்கும் என எதிர்பார்க்கப்படுகிறது. </p>
Source: Read Full Article
