<h2><strong>" அதிக லாபம் என ஆசை வார்த்தை "</strong></h2>
<p>சென்னை ஆவடியைச் சேர்ந்தவர் வேலவன் ( வயது 48 ) இவர், ஆவடி மத்திய குற்றப்பிரிவில் கடந்தாண்டு ஜூன் மாதம் புகார் ஒன்றை அளித்திருந்தார். அதில் கூறப்பட்டுள்ளதாவது ;</p>
<p>நான் பணியாற்றிய நிறுவனத்தின் வாயிலாக , அம்பத்தூரைச் சேர்ந்த உப்பிலி சீனிவாசன் ( வயது 34 ) என்பவரது அறிமுகம் கிடைத்தது. இவரது மாமனார் கேட்டரிங் செய்து வருவதாகவும் , அதில் முதலீடு செய்தால் அதிக லாபம் கிடைக்கும் எனவும் ஆசை வார்த்தை கூறினார்.</p>
<p>அதை நம்பி , 80 லட்சம் ரூபாய் வரை அவரது வங்கி கணக்கிற்கும் , ரொக்கமாகவும் கடந்த 2020 முதல் 2025 - ம் ஆண்டு வரையிலான காலக் கட்டத்தில் கொடுத்தேன். மேலும் எனது மகள் ஜனனி மற்றும் நண்பர்கள் கண்ணன் , பிரபாகர், செல்வராஜ் மதன் ஆகியோரிடம் இருந்தும், மொத்தமாக, 1.18 கோடி ரூபாய் வரை பெற்றார். பின், பணத்தை திரும்பி தராமல் ஏமாற்றி தலைமறைவானார். அவர் மீது நடவடிக்கை எடுக்க வேண்டும். இவ்வாறு அதில் கூறப்பட்டுள்ளது.</p>
<h2><strong>"பெண்களுடன் உல்லாசம்"</strong></h2>
<p>இது குறித்து மத்திய குற்றப் பிரிவு இன்ஸ்பெக்டர் செங்குட்டுவன் தலைமையிலான போலீசார் வழக்கு பதிந்து விசாரித்து , பெங்களூருவில் பதுங்கி இருந்த உப்பிலி சீனிவாசனை பிடித்து, காவல் நிலையம் அழைத்து வந்து விசாரித்தனர். அதில், உப்பிலி சீனிவாசன் மோசடியில் ஈடுபட்டதும், அந்த பணத்தில் பெண்களுடன் உல்லாசமாக இருந்ததும் தெரிந்தது. மேலும், அவர்களுக்கு நகைகள் , பட்டுப் புடவைகள் , பரிசு பொருட்கள் வாங்கி கொடுத்ததும் தெரிந்தது. இதையடுத்து போலீசார் அவரை கைது செய்து, நேற்று சிறையில் அடைத்தனர்.</p>
Source: Read Full Article
