<p style="text-align: justify;">சென்னை: லேப்டாப் ஹார்ட்வேர் மற்றும் சிப்-லெவல் சர்வீஸ் துறையில் தொழில் தொடங்க விரும்புபவர்களுக்கு தமிழ்நாடு அரசு சார்பில் அரிய வாய்ப்பு அறிவிக்கப்பட்டுள்ளது. சென்னையில் 5 நாட்கள் நடைபெறும் லேப்டாப் ஹார்ட்வேர் மற்றும் சிப்-லெவல் பயிற்சிக்கு தொழில் முனைவோர் விண்ணப்பிக்கலாம்.</p>
<p style="text-align: justify;">இந்தப் பயிற்சியில் லேப்டாப்பை பிரித்து மீண்டும் பொருத்துவது முதல் மதர்போர்டு பழுது கண்டறிதல், சிப்-லெவல் சர்வீஸ், BIOS Programming வரை பல்வேறு தொழில்நுட்பங்கள் செய்முறை பயிற்சியுடன் கற்றுத்தரப்பட உள்ளன.</p>
<p style="text-align: justify;">தமிழ்நாடு அரசின் தொழில் முனைவோர் மேம்பாடு மற்றும் புத்தாக்க நிறுவனம் (EDII) சார்பில் இந்த சிறப்பு பயிற்சி சென்னையில் நடைபெறுகிறது. வரும் 12.10.2026 முதல் 16.10.2026 வரை, தினமும் காலை 10 மணி முதல் மாலை 5 மணி வரை பயிற்சி நடைபெறும்.</p>
<p style="text-align: justify;"><strong>முதல் நாளில் என்ன கற்றுக்கொடுக்கப்படும்?</strong></p>
<p style="text-align: justify;">பயிற்சியின் முதல் நாளில் லேப்டாப் பற்றிய அடிப்படை அறிமுகம் வழங்கப்படும். லேப்டாப்பை பாதுகாப்பாக பிரித்து மீண்டும் பொருத்துவது, அடாப்டரை பரிசோதிப்பது, RAM மற்றும் ROM வகைகள், CPU சாக்கெட்டுகள், மதர்போர்டு வகைகள், சிப்செட் மற்றும் ஆர்க்கிடெக்சர் உள்ளிட்டவை விளக்கப்படும்.</p>
<p style="text-align: justify;">மேலும், லேப்டாப்பில் ஏற்படும் பல்வேறு ஹார்ட்வேர் பழுதுகளை கண்டறிந்து சரிசெய்வது, Error Codes மூலம் பிரச்சினைகளை கண்டறிவது, Operating System மற்றும் Driver-களை நிறுவுவது போன்ற நடைமுறை பயிற்சிகளும் அளிக்கப்படும்.</p>
<p style="text-align: justify;"><strong>2-வது நாள் – சிப்-லெவல் சர்வீஸ்!</strong></p>
<p style="text-align: justify;">இரண்டாவது நாள் முழுவதும் சிப்-லெவல் சர்வீஸ் தொடர்பான பயிற்சிக்கு முக்கியத்துவம் அளிக்கப்படுகிறது.</p>
<p style="text-align: justify;">SMT கூறுகள், ரெசிஸ்டர், கெப்பாசிட்டர், இன்டக்டர், டையோடு, NPN மற்றும் PNP டிரான்சிஸ்டர்கள், UJT, FET, MOSFET உள்ளிட்ட எலக்ட்ரானிக் கூறுகளின் அமைப்பு மற்றும் செயல்பாடு குறித்து கற்றுத்தரப்படும்.</p>
<p style="text-align: justify;">கூறுகளை மதர்போர்டில் இருந்து அகற்றுவது, மீண்டும் பொருத்துவது, மல்டிமீட்டர் மூலம் அவற்றின் பழுதுகளை கண்டறிவது போன்ற நேரடி செய்முறை பயிற்சிகளும் வழங்கப்பட உள்ளன.</p>
<p style="text-align: justify;"><strong>3-வது நாள் – மின்னழுத்தம் முதல் MOSFET வரை!</strong></p>
<p style="text-align: justify;">மூன்றாவது நாளில் Voltage, Current, Amps, Watts உள்ளிட்ட அடிப்படை மின்சாரக் கருத்துகள் விளக்கப்படும். N-Channel, P-Channel MOSFET உள்ளிட்ட கூறுகளின் செயல்பாடு மற்றும் பழுது கண்டறிதல் குறித்து பயிற்சி அளிக்கப்படும்.</p>
<p style="text-align: justify;">லேப்டாப்பில் பயன்படுத்தப்படும் USB, CPU Fan, Power IC, HDD, BIOS IC, CMOS Battery, Keyboard, Power Switch, Wi-Fi, Processor, RAM, Speaker, Chipset, LED Light, Touchpad, Camera உள்ளிட்ட பல்வேறு பகுதிகளுக்கான மின்னழுத்தங்களை கண்டறியும் முறையும் கற்றுத்தரப்படும்.</p>
<p style="text-align: justify;"><strong>4-வது நாள் – Dead Laptop-ஐ உயிர்ப்பிக்கும் டெக்னிக்!</strong></p>
<p style="text-align: justify;">நான்காவது நாள் மிகவும் முக்கியமானதாக அமைகிறது. மதர்போர்டில் மின்னழுத்தங்களை கண்டறிவது, Schematic Tracing, Schematic Diagram மூலம் மதர்போர்டை ஆய்வு செய்வது போன்ற தொழில்நுட்பங்கள் கற்றுத்தரப்படும்.</p>
<p style="text-align: justify;">குறிப்பாக செயல்படாமல் முற்றிலும் Dead நிலையில் இருக்கும் லேப்டாப்புகளில் பழுது ஏற்பட்டுள்ள இடத்தை கண்டறிந்து சரிசெய்வதற்கான நுட்பங்களும் பயிற்சி அளிக்கப்படும்.</p>
<p style="text-align: justify;"><strong>5-வது நாள் – BIOS Programming!</strong></p>
<p style="text-align: justify;">பயிற்சியின் இறுதி நாளில் Signal Tracing மற்றும் BIOS Programming குறித்து விரிவாக கற்றுத்தரப்படும்.</p>
<p style="text-align: justify;">Charging Section, Standby Power Section ஆகியவற்றை ஆய்வு செய்வதுடன், SUS CLK, RTC RESET, INTRUDER, AC OK, S5 ENABLE, PGOOD, RSM ST, PWRBT OUT, SLP S4, SLP S3 உள்ளிட்ட முக்கிய சிக்னல்களை ஆய்வு செய்யும் முறையும் விளக்கப்படும்.</p>
<p style="text-align: justify;">மேலும் BIOS Flashing குறித்த செய்முறை பயிற்சியும் வழங்கப்பட உள்ளது.</p>
<p style="text-align: justify;"><strong>யாரெல்லாம் கலந்து கொள்ளலாம்?</strong></p>
<p style="text-align: justify;">18 வயதுக்கு மேற்பட்ட ஆண், பெண், திருநங்கைகள், திருநம்பிகள் என அனைவரும் இந்தப் பயிற்சியில் கலந்து கொள்ளலாம். குறைந்தபட்ச கணினி அறிவு இருக்க வேண்டும். 10-ம் வகுப்பு தேர்ச்சி பெற்றவர்கள் விண்ணப்பிக்க தகுதியுடையவர்கள்.</p>
<p style="text-align: justify;">மேலும் தொழில் தொடங்குவதற்கு தேவையான மத்திய, மாநில அரசுகளின் நிதியுதவித் திட்டங்கள் மற்றும் மானியங்கள் குறித்த தகவல்களும் பயிற்சியின் ஒரு பகுதியாக வழங்கப்பட உள்ளன.</p>
<p style="text-align: justify;"><strong>கட்டணம் எவ்வளவு?</strong></p>
<p style="text-align: justify;">இந்த 5 நாள் பயிற்சிக்கான கட்டணம் ரூ.10,000. இதில் மதிய உணவு, டீ மற்றும் அரசு சான்றிதழ் ஆகியவை அடங்கும்.</p>
<p style="text-align: justify;">வெளியூரில் இருந்து வரும் பயிற்சியாளர்களின் வசதிக்காக குறைந்த கட்டணத்தில் தங்கும் விடுதி வசதியும் உள்ளது. 5 நாட்களுக்கு விடுதிக் கட்டணம் ரூ.1,000 என தெரிவிக்கப்பட்டுள்ளது.</p>
<p style="text-align: justify;">பயிற்சியை வெற்றிகரமாக நிறைவு செய்பவர்களுக்கு அரசு சான்றிதழ் வழங்கப்படும்.</p>
<p style="text-align: justify;"><strong>எப்படி முன்பதிவு செய்வது?</strong></p>
<p style="text-align: justify;">பயிற்சியில் கலந்து கொள்ள விரும்புபவர்கள் www.editn.in இணையதளத்தில் பதிவு செய்து முன்பதிவு செய்து கொள்ளலாம்.</p>
<p style="text-align: justify;">மேலும் விவரங்களுக்கு 8668100181 / 9360221280 என்ற தொலைபேசி எண்களில் திங்கள் முதல் வெள்ளி வரை காலை 10 மணி முதல் மாலை 5 மணி வரை தொடர்பு கொள்ளலாம்.</p>
<p style="text-align: justify;"><strong>பயிற்சி நடைபெறும் இடம்:</strong></p>
<p style="text-align: justify;">தமிழ்நாடு தொழில் முனைவோர் மேம்பாடு மற்றும் புத்தாக்க நிறுவனம், இ-டி.ஐ.ஐ அலுவலக சாலை,<br />சிட்கோ தொழிற்பேட்டை, ஈக்காட்டுத்தாங்கல்,<br />சென்னை – 600 032.</p>
<p style="text-align: justify;">லேப்டாப் சர்வீஸ் துறையில் தொழில் தொடங்க வேண்டும், தனியாக சர்வீஸ் சென்டர் அமைக்க வேண்டும் அல்லது ஏற்கனவே உள்ள தொழிலை அடுத்த கட்டத்திற்கு கொண்டு செல்ல வேண்டும் என்று நினைப்பவர்களுக்கு இந்தப் பயிற்சி பயனுள்ளதாக இருக்கும். ஐந்து நாட்களில் அடிப்படை ஹார்ட்வேர் அறிவிலிருந்து சிப்-லெவல் சர்வீஸ் மற்றும் BIOS Programming வரை கற்றுக்கொள்ளும் வாய்ப்பு என்பதால் ஆர்வமுள்ளவர்கள் பயன்படுத்திக் கொள்ளலாம்.</p>
<p style="text-align: justify;"> </p>
Source: Read Full Article
