<p><strong>EU Tamilnadu Investment:</strong> ஐரோப்பிய நாடுகள் தங்களது உற்பத்தி ஆலைகளை அமைக்க தமிழ்நாட்டை குறிவைத்து முதலீடுகளை மேற்கொள்ள ஆர்வம் காட்டுகின்றனவாம்.</p>
<h2><strong>தமிழ்நாட்டை குறிவைக்கும் ஐரோப்பிய நாடுகள்:</strong></h2>
<p>உலகளாவிய சந்தையில் நிலவும் தேவையை பூர்த்தி செய்வதற்காக, ஐரோப்பிய நாடுகள் தங்களது உற்பத்தி ஆலைகள் மற்றும் சேவை துறைகளை விரிவுபடுத்த தமிழ்நாட்டை குறிவைத்து வருகின்றன. இந்தியாவிற்கும் - ஐரோப்பிய யூனியனுக்கும் இடையேயான தடையற்ற வர்த்தக ஒப்பந்தம் 2027ம் ஆண்டு நடைமுறைக்கு வரவாய்ப்புள்ளதால், ஐரோப்பாவிற்கான தனது ஏற்றுமதியை பெருக்க வேண்டிய சூழல் தமிழ்நாட்டிற்கு ஏற்பட்டுள்ளது. இதனால் மாநிலத்தின் ஏற்றுமதி திறன் அதிகரிப்பதோடு பொருளாதாரம் மற்றும் வேலைவாய்ப்புகளும் அதிகரிக்கும் என மதிப்பிடப்பட்டுள்ளது.</p>
<p><iframe class="vidfyVideo" style="border: 0px;" src="https://tamil.abplive.com/web-stories/entertainment/shriya-saran-glamorous-gown-look-high-slit-outfit-photoshoot-details-in-pics-275742" width="631" height="381" scrolling="no"></iframe></p>
<h2><strong>குறையும் வரிகள் - வலுவடையும் தமிழ்நாட்டின் பலம்</strong></h2>
<p>ஒப்பந்தத்தின் படி, இந்தியாவின் ஏற்றுமதி மதிப்பில் கிட்டத்தட்ட 90.7 சதவிகிதத்தை உள்ளடக்கிய சுமார் 70.4 சதவிகித சுங்கப் பிரிவுகளுக்கான வரிகளை உடனடியாக நீக்குவதாக ஐரோப்பிய யூனியன் உறுதியளித்துள்ளது. கூடுதலாக 20.3 சதவிகித பொருட்களுக்கான வரி படிப்படியாக நீக்கப்படும் எனவும் தெரிவிக்கப்பட்டுள்ளது. இந்த ஒப்பந்தத்தில் தோல், காலணிகள், ஜவுளி, ஆடைகள், உடைகள் மற்றும் பொம்மைகள் மீதான வரி பூஜ்ஜியமாக குறைவதும் அடங்கும். பல வகை மோட்டார் வாகனங்கள், கடல் உணவுகள், டயர்கள், இன்ஜெக்ஷன் பம்புகள் உள்ளிட்ட பம்புகள் மற்றும் மின்தூக்கிகள் மீதான வரிகள் நீக்கப்படும். அதன்படி, தமிழ்நாட்டின் துறைசார் பலத்தை கருத்தில் கொண்டால், அது மாநிலத்தை ஒரு வலுவான நிலையில் வைக்கிறது.</p>
<p><iframe title="YouTube video player" src="https://www.youtube.com/embed/WxX4jh5ON2A?si=7s5ieqxJy3KRXWvn" width="560" height="315" frameborder="0" allowfullscreen="allowfullscreen"></iframe></p>
<h2><strong>தமிழ்நாட்டிற்கான வாய்ப்பு:</strong></h2>
<p>தடையற்ற வர்த்தக ஒப்பந்தம், ஐரோப்பிய முதலீடுகளை ஈர்ப்பதற்கும் ஏற்றுமதியை விரிவுபடுத்துவதற்கும் தமிழ்நாட்டிற்கு நல்ல வாய்ப்பை வழங்குகின்றன. ஆனால் உதிரி பாகங்களை அசெம்பிள் செய்யும் துறையிலிருந்து அதிக மதிப்புள்ள உற்பத்தி, பொறியியல் மற்றும் வடிவமைப்புத் துறைக்கு மாறுவதே மாநிலத்திற்கான மிகப்பெரிய வெகுமதியாக இருக்கும். அதைக் கைப்பற்றுவதற்கு, தமிழ்நாட்டிற்கு வலுவான எந்த நாட்டை ஆதாரமாக கொண்ட நிறுவனத்திற்கு ஆதரவு அளிப்பது, கார்பன் உமிழ்வு விதிகளில் இணக்கத் திறன்கள், உலகளாவிய சான்றிதழ், சிறப்புத் திறன்கள் மற்றும் முதலீடு செய்யப்பட்ட மூலதனத்தைக் காட்டிலும் மதிப்புக் கூட்டலுடன் இணைக்கப்பட்ட ஊக்கத்தொகைகள் தேவை என வலியுறுத்தப்படுகிறது. அண்மையில் ஜெர்மனியில் நடந்த தொழில்துறை நிகழ்ச்சியில் தமிழ்நாட்டின் குழு பங்கேற்றதன் விளைவாக, ஒரு முன்னணி செமிகண்டக்டர் நிறுவனம் முதலில் ஒப்பந்த அடிப்படையிலான உற்பத்தியை தொடங்கி, பின்னர் தங்களது சொந்த ஆலைகளை அமைக்கும் வகையில் சென்னையில் முதலீடுகளை ஆராய உறுதியளித்துள்ளதாம்.</p>
<p><a title="Aadhav Arjuna: ”அந்தபுரத்து இளவரசர் தான் உதயநிதி” ஆபாச பேச்சு தொடர்பாக ஆதவ் அர்ஜுனா காட்டமான பதிலடி" href="https://tamil.abplive.com/news/politics/maduranthakam-bypoll-tvk-minister-aadhav-arjuna-slams-udhayanidhi-stalin-over-his-comment-on-cm-vijay-tn-politics-275813" target="_self">இதையும் படியுங்கள்: Aadhav Arjuna: ”அந்தபுரத்து இளவரசர் தான் உதயநிதி” ஆபாச பேச்சு தொடர்பாக ஆதவ் அர்ஜுனா காட்டமான பதிலடி</a></p>
<h2><strong>EU-விற்கான தமிழ்நாட்டின் ஏற்றுமதி:</strong></h2>
<p>2025-26 ஆம் ஆண்டில் தமிழ்நாட்டிலிருந்து செய்யப்பட்ட மொத்த 59.3 பில்லியன் அமெரிக்க டாலர்கள் மதிப்பிலான சரக்கு ஏற்றுமதியில், ஐரோப்பிய ஒன்றிய நாடுகளுக்கு மட்டும் சுமார் 11.3 பில்லியன் அமெரிக்க டாலர்கள் (சுமார் 19%) மதிப்பிலான ஏற்றுமதி செய்யப்பட்டுள்ளது. அதில் கரிம ரசாயனங்கள், மின் மற்றும் மின்னணு உபகரணங்கள், இயந்திரங்கள் மற்றும் கனிம எரிபொருட்கள் ஆகியவை முக்கிய பங்கு வகிக்கின்றன. இந்நிலையில் மேற்கொள்ளப்பட்ட தடையற்ற வர்த்தக ஒப்பந்தத்தின் சேவைகள் மற்றும் டிஜிட்டல் வர்த்தக விதிகளால், தமிழ்நாட்டின் தகவல் தொழில்நுட்பம்/தகவல் தொழில்நுட்பம் சார்ந்த சேவைகள் (IT/ITES), வளைகுடா ஒத்துழைப்பு கவுன்சில் (GCC), தொழில்முறை மற்றும் நிதிச் சேவைகள் சூழலமைப்பும் ஐரோப்பிய யூனியனிற்கான வர்த்தகத்திற்கு பொருத்தமானவையாக உள்ளன.</p>
<h2><strong>ஜவுளித்துறைக்கு ஜாக்பாட்..!</strong></h2>
<p>2026 நிதியாண்டில் திருப்பூரின் மொத்த ஏற்றுமதியில் சுமார் 37 சதவிகிதம், கிட்டத்தட்ட 2 பில்லியன் அமெரிக்க டாலர் மதிப்புள்ள ஆடைகளை ஐரோப்பிய யூனியனிற்கு அனுப்பியுள்ளது. இதில் ஜெர்மனி, ஃப்ரான்ஸ், இத்தாலி, ஸ்காண்டிநேவிய நாடுகள் மற்றும் போலந்து ஆகியவை முக்கிய இலக்கு நாடுகளாகும். ஸ்வெட் ஜாக்கெட்டுகள், டி-ஷர்ட்டுகள், போலோ டி-ஷர்ட்டுகள் மற்றும் விளையாட்டு ஆடைகள் உள்ளிட்ட பொருட்கள் முக்கிய பங்கு வகித்துள்ளன. இந்நிலையில் புதிய தடையற்ற வர்த்தக ஒப்பந்தத்தால் இந்தியாவிலிருந்து ஐரோப்பிய ஒன்றியத்திற்கு ஏற்றுமதி செய்யப்படும் ஜவுளிகள் மீதான 10 சதவிகித வரி நீக்கப்பட உள்ளது. இது திருப்பூரின் ஏற்றுமதி மதிப்பை 4 பில்லியன் டாலராக இரட்டிப்பாக்கவும். அடுத்த நான்கு ஆண்டுகளில் ஐரோப்பிய ஒன்றியத்திற்கான ஏற்றுமதியின் அளவை 1.5 மடங்கு அதிகரிக்கவும் உயர்த்த உதவுக்கூடும்.</p>
<h2><strong>எந்தெந்த மாவட்டங்களுக்கு பலன்:</strong></h2>
<ul>
<li><strong>திருப்பூர், ஈரோடு, கோவை, கரூர் : </strong>ஜவுளி மற்றும் ஆடை துறைகள்</li>
<li><strong>வேலூர் மற்றும் ஆம்பூர் : </strong>தோல் மற்றும் காலணி துறைகள்</li>
<li><strong>சென்னை மற்றும் கோயம்புத்தூர் : </strong>பொறியியல் பொருட்கள், வாகன உதிரிபாகங்கள் மற்றும் மின்னணு உற்பத்தி துறைகள்</li>
<li><strong>ஓசூர் : </strong>பொறியியல் மற்றும் உற்பத்தி துறைகள்</li>
<li><strong>தூத்துக்குடி, நாகப்பட்டினம் :</strong>கடல்சார் பொருட்கள், கடல் உணவு மற்றும் பதப்படுத்தப்பட்ட உணவு துறைகள்</li>
</ul>
Source: Read Full Article
