<p style="text-align: left;">திருப்பத்தூரில் கனமழை கொட்டியதால் ஜலகாம்பாறை நீர்வீழ்ச்சியில் தண்ணீர் ஆர்ப்பரித்து கொட்டியது சுற்றுலாப் பயணிகளை வெகுவாக கவர்ந்தது. மீண்டும் நீர்வரத்து அதிகரிப்பால் விவசாயிகள் மகிழ்ச்சி அடைந்துள்ளனர்.</p>
<p style="text-align: left;">திருப்பத்தூர் மாவட்டம், ஏலகிரி மலை அடிவாரப் பகுதியில் அமைந்துள்ள ஜலகாம்பாறை பகுதியில் புகழ்பெற்ற முருகன் திருக்கோயிலும், இயற்கை எழில் சூழ்ந்த ஜலகாம்பாறை நீர்வீழ்ச்சியும் அமைந்துள்ளன.</p>
<p style="text-align: left;">ஏலகிரி மலைப்பகுதி மற்றும் அதன் சுற்றுவட்டாரங்களில் கடந்த சில மாதங்களாக மழைப்பொழிவு குறைந்திருந்ததால், ஜலகாம்பாறை நீர்வீழ்ச்சியில் நீர்வரத்து இல்லாமல் வறண்ட நிலையில் காணப்பட்டது. இதனால் நீர்வீழ்ச்சியை காண வரும் சுற்றுலாப் பயணிகளும், பொதுமக்களும் ஏமாற்றமடைந்தனர்.</p>
<p style="text-align: left;">இந்நிலையில், திருப்பத்தூர் மாவட்டத்தின் பல்வேறு பகுதிகளில் நேற்று இரவு கனமழை பெய்தது. குறிப்பாக ஏலகிரி மலைப்பகுதியில் பெய்த கனமழையின் காரணமாக மலைப்பகுதிகளில் இருந்து தண்ணீர் பெருக்கெடுத்து வரத் தொடங்கியுள்ளது.</p>
<p style="text-align: left;"><iframe title="YouTube video player" src="https://www.youtube.com/embed/oGvXMISOmC8?si=nXSpgpUSkiHC2W2k" width="560" height="315" frameborder="0" allowfullscreen="allowfullscreen"></iframe></p>
<p style="text-align: left;"> </p>
<p style="text-align: left;">இதன் காரணமாக நீண்ட இடைவெளிக்குப் பிறகு ஜலகாம்பாறை நீர்வீழ்ச்சியில் தண்ணீர் ஆர்ப்பரித்து கொட்டுகிறது. பாறைகளின் மீது வெள்ளை நுரை பொங்கியபடி தண்ணீர் கீழ்நோக்கி சீறிப்பாயும் காட்சி பார்ப்பதற்கு ரம்மியமாக காணப்படுகிறது.</p>
<p style="text-align: left;">நீர்வீழ்ச்சியில் மீண்டும் தண்ணீர் கொட்டத் தொடங்கியுள்ளதால், அப்பகுதி இயற்கை எழில் மிக்கதாக மாறியுள்ளது. இதனை அப்பகுதி மக்கள் மற்றும் சுற்றுலாப் பயணிகள் ஆர்வத்துடன் கண்டு ரசித்து வருகின்றனர்.</p>
<p style="text-align: left;">மேலும், தொடர்ந்து மழை பெய்யும் பட்சத்தில் மலைப்பகுதிகளில் இருந்து வரும் நீரின் அளவு அதிகரித்து, சுற்றுவட்டார ஏரிகள், குளங்கள் மற்றும் நீர்நிலைகளுக்கு நீர்வரத்து அதிகரிக்க வாய்ப்புள்ளதாக விவசாயிகள் தெரிவித்துள்ளனர்.</p>
<p style="text-align: left;"><iframe class="vidfyVideo" style="border: 0px;" src="https://tamil.abplive.com/web-stories/gk/this-city-in-the-world-has-no-roads-275042" width="631" height="381" scrolling="no"></iframe></p>
Source: Read Full Article
