ஆசிய விளையாட்டு போட்டியில் ஒரே நாளில் 4 தங்க பதக்கங்கள்... புள்ளி பட்டியலில் வேகமாக முன்னேறும் இந்தியா...

<p>ஜப்பானின் அய்ச்சி மாகாணத்தில் உள்ள நகோயா நகரில் நடைபெற்று வரும் 20 -வது ஆசிய விளையாட்டு போட்டிகளில் தொடர்ந்து சிறப்பான ஆட்டத்தை வெளிப்படுத்தி வரும் இந்திய வீரர், வீராங்கனைகள் அடுத்தடுத்து பதக்கங்களையும் குவித்து வருகின்றனர்.&nbsp;</p> <p>கடந்த 19 ஆம் தேதி முதல் தொடங்கி நடைபெற்று வரும் ஆசிய விளையாட்டு தொடரில் இன்றைய நாள் (செப்.30) இந்திய அணிக்கு ஒரு மிக சிறந்த நாளாக அமைந்துள்ளது என்றே சொல்லலாம்.&nbsp;</p> <p>'டிராப் கலப்பு இரட்டையர்' துப்பாக்கிச் சுடுதல் பிரிவில் இந்தியாவின் நீரு தண்டா மற்றும் கைனன் செனாய் ஜோடி தங்க பதக்கம் வென்று அசத்தியது.&nbsp;</p> <p>அதனை தொடர்ந்து, காம்பவுண்ட் வில்வித்தை தொடரின் ஆடவர், மகளிர், கலப்பு இரட்டையர் ஆகிய மூன்று பிரிவுகளிலும் தங்கப்பதக்கம் வென்று இந்திய அணி மாபெரும் வரலாற்று சாதனை படைத்துள்ளது.&nbsp;</p> <p>இதன் மூலம் இன்று (செப்.30) ஒரே நாளில் இந்திய அணி 4 தங்க பதக்கங்களை வென்று புள்ளி பட்டியலில் 7 -வது இடத்திற்கு முன்னேறி அனைவரையும் ஆச்சரியத்தில் ஆழ்த்தியுள்ளது.&nbsp;</p> <p>இதுவரை 10 தங்கம், 21 வெள்ளி, மற்றும் &nbsp;28 வெண்கலம் என மொத்தம் 59 பதக்கங்களை வென்று புள்ளி பட்டியலில் 7 -வது இடம் வகிக்கும் இந்தியாவிற்கு, ஆடவர் கிரிக்கெட், மல்யுத்தம், குத்துச்சண்டை, மகளிர் ஹாக்கி உள்ளிட்ட போட்டிகளில் மேலும் பதக்கங்கள் வெல்லும் வாய்ப்பு பிரகாசமாக உள்ளது.&nbsp;</p> <p>மறுபுறம் 144 தங்கப்பதக்கங்களுடன் சீனா முதலிடம் வகிக்கும் நிலையில், ஜப்பான் மற்றும் தென்கொரியா 2 மற்றும் 3 -வது இடங்களை வகிக்கிறது.</p> <p><iframe src="//www.youtube.com/embed/7KO2erC3sVs?si=S6ehXa3bxGkIOzX6" width="560" height="314" allowfullscreen="allowfullscreen"></iframe></p> <p>இந்நிலையில், வருகிற அக்டோபர் 4 ஆம் தேதியுடன் ஆசிய விளையாட்டு தொடர் முடிவடையவுள்ள நிலையில், இறுதியாக இந்தியா எத்தனை பதக்கங்களை வெல்லும் எனவும், புள்ளி பட்டியலில் எந்த இடத்தில் நிறைவு செய்யும் என்பதையும் அறிந்துகொள்ள இந்திய ரசிகர்கள் ஆவலுடன் &nbsp;காத்துக்கிடக்கின்றனர்.&nbsp;</p> <p>குறிப்பாக, மகளிர் கிரிக்கெட், மகளிர் கபடி, காம்பவுண்ட் வில்வித்தை மற்றும் துப்பாக்கி சூடுதல் ஆகிய போட்டிகளில் தங்க பதக்கங்களை வென்றதன் மூலம் தனது ஆதிக்கத்தை இந்தியா வெளிப்படுத்தியுள்ளது. &nbsp;</p> <p>முன்னதாக கடந்த 2023 ஆம் ஆண்டு சீனாவில் நடைபெற்ற ஆசிய விளையாட்டு தொடரில் முதன்முறையாக 100 பதக்கங்களுக்கு மேல் வென்று இந்தியா புள்ளி பட்டியலில் 4-வது இடம் பிடித்திருந்தது குறிப்பிடத்தக்கது.</p> <p>&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/health/use-curd-like-this-to-enhance-your-facial-glow-275752" width="631" height="381" scrolling="no"></iframe></p>

Source: Read Full Article