<p>தஞ்சையில் நடந்த திமுக பொதுக்கூட்டத்தில் திருவையாறு எம்எல்ஏ துரை சந்திரசேகரன் முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> பற்றியும், அமைச்சர் கீர்த்தனா பற்றியும் ஒருமையில் தரக்குறைவாக பேசினார். </p>
<p>ஒருமையிலும், அவதூறாகவும் பேசிய துரை சந்திரசேகரன் மீது நடவடிக்கை எடுக்க வேண்டும் என்று பலரும் வலியுறுத்தியுள்ளனர்.</p>
<h2><strong>ஆபாச வார்த்தை தாக்குதல்:</strong></h2>
<p>இந்த நிலையில், <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> ஐடி விங் இதுதொடர்பாக தனது எக்ஸ் பக்கத்தில் பதிவிட்டுள்ளதாவது, </p>
<p>ஆபாச திமுக! “பெண்ணியம்… பெண் விடுதலை…” என்று மேடையில் வசனம் பேசுவார்கள். “பெரியார் எங்கள் கொள்கைத் தலைவர்” என்று மார்தட்டுவார்கள். ஆனால், ஒரு பெண் “அரசு சிறப்பாக செயல்படுகிறது” என்று சொன்ன ஒரே காரணத்திற்காக, அவரை ஆபாச வார்த்தைகளால் கூட்டமாகத் தாக்குகிறார்கள்.</p>
<h2><strong>பெண் விடுதலைக் கோட்பாடா?</strong></h2>
<p>இதுதான் திமுகவின் பெண் விடுதலைக் கோட்பாடா? தங்களது அரசியலைப் புகழ்ந்தால், ஆட்சியைப் பாராட்டினால் அவர்களைப் பாராட்டுவது. எதிர்க்கருத்து கூறினால், அவர் பெண் என்றும் பாராமல், ஆபாச வார்த்தைகளால் வசைபாடி, தனிமனித தாக்குதலில் ஈடுபடுவது.</p>
<blockquote class="twitter-tweet">
<p dir="ltr" lang="ta">ஆபாச திமுக!<br /><br />“பெண்ணியம்… பெண் விடுதலை…” என்று மேடையில் வசனம் பேசுவார்கள்.<br />“பெரியார் எங்கள் கொள்கைத் தலைவர்” என்று மார்தட்டுவார்கள்.ஆனால், ஒரு பெண் “அரசு சிறப்பாக செயல்படுகிறது” என்று சொன்ன ஒரே காரணத்திற்காக, அவரை ஆபாச வார்த்தைகளால் கூட்டமாகத் தாக்குகிறார்கள்.<br /><br />இதுதான் திமுகவின்… <a href="https://t.co/aHSKJaw8hq">pic.twitter.com/aHSKJaw8hq</a></p>
— TVK IT Wing Official (@TVKHQITWingOffl) <a href="https://x.com/TVKHQITWingOffl/status/2091441495215886689?ref_src=twsrc%5Etfw">August 23, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>வாதத்திற்கு பதிலாக வசைபாடும் அரசியல் ஜனநாயகம் அல்ல, அது அரசியல் வக்கிரம். பெரியார் பெயரை உச்சரிப்பதால் மட்டும் கொள்கை வந்துவிடாது. பெண்ணை மதிக்கும் பண்பும் வேண்டும்.</p>
<h2><strong>ஆபாச ஐடி விங்:</strong></h2>
<p>பேரறிஞர் அண்ணா காலத்திற்குப் பிறகான திமுகவில் உட்புகுத்தப்பட்ட ஆபாசமும் அவதூறும் திமுகவினரின் DNA -வில் ஊறிப்போய் தற்போதுவரை தொடர்ந்துகொண்டிருக்கிறது.</p>
<h2><strong>சட்டத்தின் மொழியில் பதில்:</strong></h2>
<p>“அறிவார்ந்த IT Wing” என்று எவ்வளவு சொன்னாலும், மக்களுக்குத் தெரியும், அது அறிவார்ந்தது அல்ல… ஆபாச IT Wing என்று! ஆனால் காலம் மாறிவிட்டது. முதலமைச்சர், வெற்றித் தலைவர் தலைமையிலான ஆட்சியில், பெண்களை இழிவுபடுத்தி அரசியல் செய்ய யாருக்கும் இடமில்லை.</p>
<p>பெண்களை இழிவுபடுத்தினால் பதவி, கட்சி, ஆள் என்ற பாகுபாடின்றி சட்டப்படி நடவடிக்கை எடுக்கப்படும். ஆபாச அரசியலுக்கு இனி சட்டத்தின் மொழியில்தான் பதில்!</p>
<p>இவ்வாறு அதில் பதிவிடப்பட்டுள்ளது. </p>
<p><iframe class="vidfyVideo" style="border: 0px;" src="https://tamil.abplive.com/web-stories/technology/jio-unlimited-data-recharge-plan-for-just-rs-11-272136" width="631" height="381" scrolling="no"></iframe></p>
Source: Read Full Article
