<p>முதல்வர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> தலைமையிலான <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசு தாக்கல் செய்துள்ள தமிழக பட்ஜெட்டின் டாப் 10 ஹைலைட்ஸ் என்னென்ன? இதோ லிஸ்ட்!</p>
<h2><strong>அண்ணனின் சீர் திட்டம்</strong></h2>
<p>பெண்களின் திருமண நாளில் 8 கிராம் தங்க நாணயமும் பட்டுப் புடவையும் வழங்கப்படும். இதற்காக 812 கோடி ரூபாய் நிதி ஒதுக்கீடு.</p>
<h2><strong>மாணவர்களுக்கு சைக்கிள்</strong></h2>
<p>11ஆம் வகுப்பு அரசு, அரசு உதவிபெறும் பள்ளி மாணவர்களுக்கு ஹெல்மெட், தண்ணீர் பாட்டிலுடன் கூடிய நவீன சைக்கிள் வழங்கப்படும்.</p>
<h2><strong>வெற்றி</strong> <strong>மடிக்கணினித்</strong> <strong>திட்டம்</strong></h2>
<p>கல்லூரி மாணவர்களுக்கு இலவச லேப்டாப்புகள் அளிக்கப்படும். இதற்கென ரூ.2,000 கோடி ஒதுக்கீடு செய்யப்படும்.</p>
<h2><strong>வெற்றி மகளிர் ஆடு வளர்ப்புத் திட்டம், கறவை மாடுகள்</strong></h2>
<p>30 ஆயிரம் பேருக்கு இலவச ஆடுகள் வழங்கப்படும். இதில் பெண்கள், கைம்பெண்கள், மாற்றுத்திறனாளிகள், மூன்றாம் பாலினத்தவர் பயன்பெறுவர். அதேபோல 10 ஆயிரம் பெண்களுக்கு ஆண்டுதோறும் இலவசமாக கறவை மாடுகள் வழங்கப்படும்.</p>
<h2><strong>தாய்மாமன் தங்க மோதிரம்</strong></h2>
<p>அரசு மருத்துவமனைகளில் பிறக்கும் குழந்தைகளுக்கு ஒரு கிராம் தங்க மோதிரம் வழங்கப்படும். இதற்கு ரூ.560 கோடி நிதி ஒதுக்கீடு.</p>
<h2><strong>பொது EV சார்ஜிங் நிலையங்கள்</strong></h2>
<p>5 ஆண்டுகளில் 20,000 பொது EV சார்ஜிங் நிலையங்கள் அமைக்கப்படும். இதற்கென ரூ.50 கோடி நிதி ஒதுக்கீடு செய்யப்படும். </p>
<p>குடியிருப்புகளில் EV சார்ஜிங் நிலையங்களுக்கு அரசு மானியம் வழங்க ரூ.5 கோடி நிதி ஒதுக்கீடு செய்யப்படும்.</p>
<h2><strong>சோலார் பேனல் அமைக்க மானியம்</strong></h2>
<p>தமிழ்நாடு வீட்டுக் கூரை சூரிய மின் மானியத் திட்டத்தின்கீழ் 'வீட்டுக் கூரை சூரிய மின் மானியத் திட்டம்' அறிமுகம்.</p>
<p>சூரிய மின்பலகைக்கு ரூ.1 இலட்சம் வரை மானியம், இதற்காக ரூ.50 கோடி நிதி ஒதுக்கீடு</p>
<h2><strong>ஏஐ திறன் பயிற்சி</strong></h2>
<p>2031 ஆம் ஆண்டிற்குள் பொறியியல் கல்லூரிகள், பாலிடெக்னிக் கல்லூரிகள் மற்றும் தொழிற்பயிற்சி நிலையங்களில் பயிலும் 5 இலட்சம் இளைஞர்களுக்கு செயற்கை நுண்ணறிவு திறன் பயிற்சி அளிக்கப்படும். இந்தியாவின் முதல் ஏஐ நகரம் அமைப்பதற்கான சாத்தியக்கூறை ஆய்வு செய்ய ரூ.5 கோடி ஒதுக்கீடு செய்யப்படும்.</p>
<h2><strong>1000 ஏசி மின்சார பேருந்துகள்</strong></h2>
<p>சென்னையில் 1000 ஏசி மின்சார பேருந்துகள் கொள்முதல் செய்யப்படும். இதற்கென ரூ.500 கோடி நிதி ஒதுக்கீடு செய்யப்படும். </p>
<p><iframe class="vidfyVideo" style="border: 0px;" src="https://tamil.abplive.com/web-stories/auto/why-do-car-and-bike-horns-make-different-sounds-270051" width="631" height="381" scrolling="no"></iframe></p>
Source: Read Full Article
