<h2><strong>"பாரத் சோகா ( BSG ) - மகளிர் கருத்தரங்கம்"</strong></h2>
<p>சென்னையில் Bharat Soka Gakkai (BSG) சார்பில் நடத்தப்பட்ட 6 - வது மகளிர் கருத்தரங்கில் சிறப்பு விருந்தினராக நடிகை ரேவதி கலந்து கொண்டார். </p>
<h2><strong>கருத்தரங்கிற்குப் பின் செய்தியாளர்களைச் சந்தித்து அவர் பேசுகையில் ; </strong></h2>
<p>பெண்கள் தங்கள் பாதுகாப்பைக் கவனத்தில் கொள்ள வேண்டும். எங்கே செல்ல வேண்டும், எங்குச் செல்லக் கூடாது என்று அவர்களுக்கு அறிவுறுத்துவது ஒரு புறம் இருந்தாலும் , ஆண் குழந்தைகளை நாம் எப்படி வளர்க்கிறோம் என்பது தான் மிகவும் முக்கியமானது.</p>
<p>வீடுகளிலும் , பள்ளிகளிலும், சமுதாயத்திலும் ஆண் குழந்தைகள் எதைப் பார்த்து வளர்கிறார்கள் என்பதைக் கவனிக்க வேண்டும். அவர்களுக்கு நல்லதையும் கெட்டதையும் சரியாகக் கற்றுக் கொடுத்தால் மட்டுமே சமுதாயத்தில் பெரிய அளவிலான மாற்றங்களை உருவாக்க முடியும்.</p>
<h2>"<strong>சிங்கப்பெண் படை - வரவேற்கத்தக்க நல்ல விஷயம்"</strong></h2>
<p>சமுதாயத்தில் பெண்களின் பாதுகாப்பை உறுதி செய்ய , பெண்களுக்கு அறிவுரைகள் வழங்குவதோடு மட்டும் நின்று விடாமல், ஆண் குழந்தைகளையும் சரியான முறையில் வளர்ப்பது மிக மிக அவசியம்.</p>
<p>சினிமா உட்பட அனைத்து துறைகளிலும் பெண்களுக்கான வாய்ப்புகள் அதிகளவில் உள்ளதாகவும் , அதை பெண்கள் எவ்வாறு பயன்படுத்தி , தங்களது திறமையின் மூலம் முன்னுக்கு வருகிறார்கள் என்பதில் தான் அவர்களின் வளர்ச்சி அடங்கியுள்ளது.</p>
<p>சமுதாயத்தில் பெண்களின் நிலையை மாற்ற வீடுகள், பள்ளிகள், கல்லூரிகள் மற்றும் அலுவலகங்கள் என அனைத்து இடங்களிலிருந்தும் மாற்றங்கள் தொடங்க வேண்டும்.</p>
<p>எங்களது தலைமுறையினரால் சாதிக்க முடியாத பல விஷயங்களை தற்போதைய Gen Z தலைமுறையினர் செய்து காட்டுவார்கள் என்ற நம்பிக்கை எனக்கு அதிகமாக இருக்கிறது. மேலும் , தமிழகத்தில் பெண்களின் பாதுகாப்பிற்காக "சிங்கப்பெண்" படை உருவாக்கப்பட்டுள்ளது வரவேற்கத்தக்க நல்ல விஷயம்.</p>
<p>தொடர்ந்து ஒரு சில பெண்கள் மது போன்ற போதைப் பழக்கத்திற்கு அடிமை ஆவது குறித்த கேள்வியை செய்தியாளர்கள் எழுப்பியதும் பதில் சொல்லாமல் கடந்து சென்றார்.</p>
Source: Read Full Article
