<p>தமிழ்நாட்டில் விஜய் தலைமையிலான தமிழக வெற்றிக் கழகம் ஆட்சி நடைபெற்று வருகிறது. திமுக- அதிமுக ஆகிய பலம்பெரும் கட்சியை வீழ்த்தி தவெக ஆட்சியைப் பிடித்துள்ளது. </p>
<h2><strong>விஜயபாஸ்கர் மீது தொடரும் விமர்சனம்:</strong></h2>
<p>தவெக வெற்றி பெற்ற பிறகு திமுக மற்றும் அதிமுக ஆகிய இரு பெரும் கட்சியில் இருந்தும் பலரும் மேல்மட்டம் முதல் கீழ் மட்டம் வரை கட்சியில் இணைந்தனர். குறிப்பாக, அதிமுக-வில் இருந்து முன்னாள் அமைச்சர்கள் விஜயபாஸ்கர், எம்ஆர் விஜயபாஸ்கர் உள்ளிட்டோர் தங்கள் எம்எல்ஏ பதவியை ராஜினாமா செய்துவிட்டு தவெக-வில் இணைந்தனர்.</p>
<p>அதிமுக-வினர் தொடர்ந்து தவெக-வில் இணைந்து வருவது தவெக-விற்கு பின்னடைவைாகவும் விமர்சனமாகவும் உள்ளது. குறிப்பாக, குட்கா வழக்கில் சிக்கிய விஜயபாஸ்கரை கட்சியில் சேர்த்தது மிகப்பெரிய விமர்சனத்தை தவெக மீது உண்டாக்கியது. தவெக-வில் இணைந்தது முதலே தினசரி விதம், விதமான அரசியல் ஸ்டண்ட்களை விஜயபாஸ்கர் மேற்கொண்டு வருகிறார். </p>
<h2><strong>ஆடல், பாடல்:</strong></h2>
<blockquote class="twitter-tweet" data-media-max-width="560">
<p dir="ltr" lang="ta">இது அதிமுக இல்ல விஜயபாஸ்கர் அவர்களே.....<a href="https://x.com/BussyAnand?ref_src=twsrc%5Etfw">@BussyAnand</a> இதை நிறுத்தி கொள்வது கட்சி க்கு நல்லது <a href="https://t.co/b3Mh5aO5qA">pic.twitter.com/b3Mh5aO5qA</a></p>
— முரளி 🆅︎🅹︎ (@Muralivj84) <a href="https://x.com/Muralivj84/status/2094014542863061078?ref_src=twsrc%5Etfw">August 30, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>புதுக்கோட்டையில் நடந்த தவெக ஆட்சியின் 100 நாள் கொண்டாட்டத்தின்போது விழா மேடையில் ஆடல், பாடல் நிகழ்ச்சிகள் நடந்துள்ளது. இதற்கு தவெக-வினர், விஜய் ரசிகர்கள், தவெக-வின் பெரும்பலபமான விர்ச்சுவர் வாரியர் எனப்படும் சமூக வலைதள ஆதரவாளர்கள் கடும் கண்டனத்தை தெரிவித்து வருகின்றனர்.</p>
<p>திராவிட கட்சிகளில் நடத்துவது போல தவெக-விலும் செய்யலாமா? இதற்குத்தான் விஜயபாஸ்கரை கட்சியில் சேர்க்கக்கூடாது என்று கூறினோம் என்று பலரும் இணையத்தில் கண்டனத்தை தெரிவித்து வருகின்றனர். இந்த விவகாரத்தில் தக்க நடவடிக்கை எடுக்க வேண்டும் என்றும், இதுபோன்ற செயல்பாடுகளை தொடக்கத்திலே நிறுத்த வேண்டும் என்று அக்கட்சியின் தலைவரும், முதலமைச்சருமான <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a>, பொதுச்செயலாளர் ஆனந்த் ஆகியோருக்கு இணையத்தின் வழியாக கோரிக்கை விடுத்து வருகின்றனர்.</p>
<h2><strong>குவியும் விமர்சனங்கள்:</strong></h2>
<blockquote class="twitter-tweet" data-media-max-width="560">
<p dir="ltr" lang="ta">மாற்றத்திற்காக இளைஞர்கள் இளைஞிகள் அவர்களது குடும்பங்கள் சேர்ந்து வாக்களித்து தமிழக வெற்றிக் கழகம் ஆட்சிக்கு வந்துள்ளது <br /><br />எந்த விதமான கொள்கையும் கோட்பாடுகளும் இல்லாத குட்கா விஜயபாஸ்கர் போன்ற ஊழல் பெருச்சாளிகள் கட்சிக்குள் வந்தால் கட்சியை எப்படி சீரளிப்பார்கள் என்பதற்கு உதாரணம்… <a href="https://t.co/c20bWu2Rme">pic.twitter.com/c20bWu2Rme</a></p>
— கபிலன் (@_kabilans) <a href="https://x.com/_kabilans/status/2093991933609644115?ref_src=twsrc%5Etfw">August 30, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>புதுக்கோட்டையைச் சேர்ந்த அமைச்சர் முகமது பர்வேஸை ஓரங்கட்டி புதுக்கோட்டை <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a>-வில் கோலோச்ச விஜயபாஸ்கர் காய் நகர்த்தி வருவதாக ஏற்கனவே விமர்சனங்கள் எழுந்து வருகிறது. மேலும், விஜயபாஸ்கருடன் தொடர்ந்து நெருக்கம் காட்டி வருவதால் அமைச்சர் பர்வேஸ் மீதும் விமர்சனங்கள் எழுந்து வருகிறது. </p>
<p>இதனால், நடந்து முடியும் சட்டமன்ற கூட்டத்தொடருக்கு பிறகு முகமது பர்வேஸின் அமைச்சர் பதவி பறிக்கப்படலாம் என்றும் தொடர்ந்து தகவல்கள் வெளியாகி வருகிறது. </p>
<p><iframe class="vidfyVideo" style="border: 0px;" src="https://tamil.abplive.com/web-stories/india/how-farmers-can-apply-for-a-subsidy-to-purchase-machinery-272972" width="631" height="381" scrolling="no"></iframe></p>
Source: Read Full Article
