ஆசிரியை அடித்ததால் சிறுவன் அதிர்ச்சி மரணம்: இளம் வயதில் திடீர் இதய செயலிழப்பு ஏன்? தடுப்பது எப்படி?

<p>ஆந்திர மாநிலம் விசாகபட்டிணத்தில் ஆசிரியை ஒருவர் அடித்ததில் மயங்கி விழுந்து சிறுவன் உயிரிழந்திருப்பது அதிர்ச்சியை ஏற்படுத்தி உள்ளது.</p> <p>சிசிடிவியில் பதிவான நிகழ்வுகளை வைத்துப் பார்க்கும்போது ஆசிரியை வரிசையில் வரும் மாணவர்களில் ஒருவரின் ஆடைகளைக் களைய முற்படுகிறார் அடுத்து அவனை கன்னத்தில் அறைகிறார்.&nbsp;சிறுவன் மூர்ச்சையாகி முன்னோக்கி விழுகிறான். அடுத்து அவன் மரணமடைந்தான் என்ற செய்தி வருகிறது.</p> <h2><strong>என்னென்ன காரணம்?</strong></h2> <p>மிக இளம் வயதில் மாரடைப்பு மரணங்கள் பொதுவாக நேருவதில்லை,மாறாக அரிதாக இதய செயல் முடக்க மரணங்கள் நேருகின்றன. முதலில் மாரடைப்பு ( MYOCARDIAL INFARCTION) மற்றும்&nbsp;இதய முடக்கம் (CARDIAC ARREST) ஆகியவற்றுக்கான வித்தியாசத்தை நாம் தெரிந்து கொள்ள வேண்டும்.</p> <p>மாரடைப்பு (MYOCARDIAL INFARCTION) என்பது இதயத்தின் தசைகளுக்கு ரத்த ஓட்டத்தை அளிக்கும் தமனிகளில் திடீர் அடைப்பு ஏற்படுவது அதனால் இதயத்தின் துடிப்பு நின்று மரணம் ஏற்படும்.</p> <p>இதய முடக்கம் / செயலிழப்பு என்பது CARDIAC ARREST. இதில் ரத்த நாள அடைப்பு மரணத்திற்கு காரணமன்று. மாறாக இதயத்தின் நார்மலான துடிப்புக்கான இயங்குவியல் மற்றும் அதற்கு சக்தி தரும் மின்சார சர்க்யூட்டில் ஏற்படும் பிரச்சனையில் நிகழ்வதாகும்.</p> <p>பொதுவாக மாரடைப்பு / இதய ரத்த நாள அடைப்பு போன்றவை மிக இளம் வயதில் மிக மிக அரிதான ஒன்று. எனினும் இளம் வயதில் திடீரென ஏற்படும் மரணங்களுக்கு இதய முடக்கம்/ செயலிழப்பு ஏற்பட்டு மரணமடையவே வாய்ப்பு அதிகம். &nbsp;இதை SUDDEN DEATH IN YOUNG ADULTS ( இளம் வயதில் ஏற்படும் திடீர் மரணம்) என்கிறோம். இதற்கு SUDDEN CARDIAC ARREST (திடீர் இதய செயல் முடக்கம் ) காரணமாக இருக்கலாம்.</p> <p>"திடீர் இதய முடக்கம்"என்பது திடீரென்று இதயத்தின் துடிக்கும் விதத்தில் மாற்றங்கள் நிகழ்ந்து அதனால் இதயத்தின் செயல்தன்மை பாதிக்கப்படுவது அல்லது நிற்பது என்று கொள்ளலாம்.</p> <p><strong>மிக இளம் வயதில் திடீர் இதய செயலிழப்பு நிகழ்வதற்கு காரணங்கள் என்ன?</strong></p> <p>இதயத்தின் துடிக்கும் விதத்தில் பிரச்சனைகள் இருந்தால் இதயத்தால் முழு செயல்திறனுடன் ரத்தத்தை உடல் முழுமைக்கும் உந்தித் தள்ள இயலாது.&nbsp;இதன் விளைவாக இதயத்தின் தசைகள் அதிக வேலைப்பளுவுக்கு உள்ளாகி தடிமனாகும். இதை HYPERTROPHIC CARDIOMYOPATHY என்கிறோம்.</p> <p>இன்னும் சிலருக்கு இதயத்தின் துடிப்பு தறிகெட்டு இருக்கும். சராசரியாக துடிக்கும் விகிதத்தை விட அதிகமாகத் துடிக்கும். இது அந்த இதயத்தில் உள்ளார்ந்த துடிக்கும் திறனில் (CARDIAC RHYTHM) பாதிப்பை உண்டாக்கும்.</p> <p>Congenital Long QT Syndrome பிறவியிலேயே ஏற்படும் இதய துடிப்பில் வரும் பிரச்சனை இது. அல்லது ACQUIRED LONG QT SYNDROME. இது இதயத்தில் ஏற்பட்டுள்ள வேறு பிரச்சனைகளால் அல்லது உட்கொள்ளும் சில மருந்துகளால் ஏற்படலாம்.</p> <p>BRUGADA SYNDROME ( ப்ருகடா சிண்ட்ரோம்)</p> <p>WOLFE PARKINSON WHITE SYNDROME (வுல்ஃப் பார்கின்சன் வொய்ட் சிண்ட்ரோம் )</p> <p>ARVC (ARRHYTHMOGENIC RIGHT VENTRICULAR CARDIOMYOPATHY)</p> <p>மார்பு பகுதியில் ஏற்படும் பலத்த காயம் ( BLUNT CHEST INJURY)</p> <p>திடீரென விளையாடும்போதோ அல்லது சாலை விபத்திலோ மார்பு பகுதியில் பலத்த காயம் ஏற்படும்போது இதயம் திடீரென செயலிழந்து விடும் இதை COMMOTIO CORDIS (கொமோசியோ கார்டிஸ்) என்கிறோம்.</p> <p>இவையன்றி இதயத்தின் அறைகளில் ஓட்டைகள் / இதயத்தின் அறைகளில் தேவையற்ற இணைப்புகள் போன்ற பிறவியிலேயே தோன்றும் பிரச்சனைகளாலும் இதய செயலிழப்பு ஏற்படலாம்.</p> <p>கண்டுகொள்ளாமல் விடும் தீவிர ரத்த சோகை நிலையும் இதய செயலிழப்பை ஏற்படுத்தலாம். இதைப்படித்த உடன் மேற்சொன்ன பிரச்சனைகள் நமது பிள்ளைக்கும் இருக்குமோ என்ற அச்சம் தேவையில்லை, காரணம் மேற்சொன்ன பிரச்சனைகள் மிக மிக அரிதானவை.</p> <p>ஆயினும் சில இதயம் சார்ந்த அறிகுறிகள் குறித்து நாம் விழிப்புணர்வுடன் இருப்பது இது போன்ற இதயம் சார்ந்த பிரச்சனைகளை கண்டுகொண்டு முறையான சிகிச்சை எடுத்து மரணத்தை தவிர்க்க உதவும்.</p> <p>- விளையாடும்போதோ ஓடும்போதோ உடற்பயிற்சி செய்யும் போதோ தலைசுற்றினால் அல்லது தலை சுற்றி கீழே விழுந்திருந்தால் ( SYNCOPE) அது இதயத் துடிப்பு சார்ந்த செயல்திறன் பிரச்சனையாக இருக்கலாம்.</p> <p>- மூச்சுத்திணறல்( SHORTNESS OF BREATH) , அதிலும் உடற்பயிற்சி செய்யும் போது அதிகமான மூச்சுத் திணறல் ஏற்படுவது.</p> <h2><strong>என்ன செய்ய வேண்டும்?</strong></h2> <p>உடல் பருமன் இருக்கும் சிறார்கள் / ஆஸ்துமா போன்ற நுரையீரல் சார்ந்த பிரச்சனைகள் இருப்பவர்களுக்கு மூச்சுத்திணறல் வரலாம். எனினும் மருத்துவரை சந்திக்கும் போது மெய்யான காரணம் தெரியவரும்.</p> <p>- குடும்பத்தில் ஏற்கனவே இள வயது மரணங்கள் ஏற்பட்டிருக்கிறதா ? அப்படி ஏற்பட்டிருந்தால் இன்னும் அதிக கவனம் தேவை.</p> <p>இதயம் சார்ந்த பிரச்சனைகள் முன்னமே கண்டறியப்பட்டால்</p> <p>அதீத உடல் பயிற்சியை தவிர்க்கலாம்.</p> <p>இதயத்தின் துடிக்கும் விதத்தை சீராக வைத்திருக்கும் மாத்திரைகள் மருந்துகளை முறையாக உட்கொண்டு வரலாம்.</p> <p>இதயத்தின் அறைகளில் ஓட்டை / அறைகளுக்கிடையே ஒழுங்கற்ற இணைப்புகள் இருந்தால் அவற்றை காலத்தே அறுவை சிகிச்சை செய்து சீர் செய்யலாம்.</p> <p>இதயத்தின் துடிக்கும் விதத்தில் பிரச்சனை இருப்பவர்களுக்கு இதயத்திலேயே பொருத்தப்படும் தானியங்கி இதய துடிப்பு சீராக்கி ( IMPLANTABLE CARDIOVERTER DEFIBRILLATOR) கருவியை பொருத்திக் கொள்ளலாம்.</p> <p>ஒருவேளை இதய துடிக்கும் விதத்தில் மாறுபாடு/ ஒழுங்கின்மை தோன்றினால் அதை இந்தக் கருவி தாமாகக் கண்டறிந்து இதயத்துடிப்பை சீர் செய்து விடும்.</p> <p>விசாகபட்டிணம் ஆசிரியை அடித்த நிகழ்வில் மூர்ச்சையாகி விழுந்த சிறுவனுக்கு திடீர் இதய செயல் முடக்கம் ஏற்பட்டிருக்கவே வாய்ப்பு அதிகம்.</p> <p><iframe class="vidfyVideo" style="border: 0px;" src="https://tamil.abplive.com/web-stories/auto/maruti-baleno-for-rs-50-000-how-much-emi-should-i-pay-272023" width="631" height="381" scrolling="no"></iframe></p>

Source: Read Full Article