<p style="text-align: justify;"><strong>Apply for Kanchipuram Health Department MLHP vacancy 2026:</strong> காஞ்சிபுரம் மாவட்ட பொது சுகாதாரம் மற்றும் நோய்த்தடுப்பு மருந்து துறை, தேசிய நலக் குழுமத்தின் கீழ் இயங்கும் மாவட்ட நலவாழ்வுச் சங்கம் (District Health Society) மூலமாக இடைநிலை சுகாதாரப் பணியாளர் (Mid-Level Health Provider - MLHP) பணியிடங்களை ஒப்பந்த அடிப்படையில் நிரப்ப முடிவு செய்யப்பட்டுள்ளது. இதற்கான அதிகாரப்பூர்வ அறிவிப்பை மாவட்ட ஆட்சித்தலைவர் கலைச்செல்வி மோகன் வெளியிட்டுள்ளார்.</p>
<h3 style="text-align: justify;">விண்ணப்பிக்கும் முறை மற்றும் கடைசி நாள் விவரங்கள்</h3>
<p style="text-align: justify;">இந்தத் தற்காலிகப் பணியிடத்திற்கு விண்ணப்பிக்க விரும்புவோர் அதற்கான விண்ணப்பப் படிவத்தை https://kancheepuram.nic.in என்ற காஞ்சிபுரம் மாவட்டத்தின் அதிகாரப்பூர்வ இணையதளத்தில் இருந்து பதிவிறக்கம் செய்து கொள்ளலாம். பூர்த்தி செய்யப்பட்ட விண்ணப்பத்துடன் தேவையான அனைத்து சான்றிதழ்களின் நகல்களிலும் சுய சான்றொப்பம் (Self-Attestation) செய்து இணைக்க வேண்டும்.</p>
<p style="text-align: justify;">பூர்த்தி செய்யப்பட்ட விண்ணப்பங்களை 14.08.2026 அன்று மாலை 05.45 மணிக்குள், "நிர்வாக செயலாளர், மாவட்ட நலவாழ்வு சங்கம் / மாவட்ட சுகாதார அலுவலர் அலுவலகம், 42A, இரயில்வே ரோடு, அறிஞர் அண்ணா நினைவு புற்றுநோய் வளாகம், காஞ்சிபுரம் மாவட்டம் – 631 501" என்ற முகவரிக்கு நேரடியாகவோ அல்லது விரைவு அஞ்சல் (Speed Post) மூலமாகவோ சமர்ப்பிக்க வேண்டும். குறிப்பிடப்பட்ட கடைசி நேரத்திற்குப் பிறகு பெறப்படும் விண்ணப்பங்கள் கண்டிப்பாக ஏற்றுக்கொள்ளப்படமாட்டாது என்று மாவட்ட நிர்வாகத்தின் சார்பில் தெரிவிக்கப்பட்டுள்ளது.</p>
Source: Read Full Article
