<p>தமிழ்நாட்டில் நடந்து முடிந்த சட்டமன்ற தேர்தலில் வெற்றி பெற்று தவெக ஆட்சி நடந்து வருகிறது. முதன்முறையாக ஆட்சி அமைத்த தவெக ஆட்சி மீது மிகப்பெரிய எதிர்பார்ப்பு எழுந்துள்ளது. <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> ஆட்சி அமைவதற்கு சமூக வலைதளங்கள் மிகப்பெரிய பலமாக அமைந்தது. அவர் ஆட்சி அமைந்த பிறகு ஆங்காங்கே உள்ள குறைகளை சமூக வலைதளங்களில் பொதுமக்கள் பகிர்ந்து வருகின்றனர்.</p>
<h2>முதலமைச்சர் விஜய் திடீர் ஆய்வு:</h2>
<p>முதலமைச்சராக பொறுப்பேற்ற விஜய் திடீரென பல இடங்களில் ஆய்வு செய்து வருகிறார். இதற்கு பல தரப்பினரும் வரவேற்பு தெரிவித்து வருகின்றனர். இந்த சூழலில், இன்று திடீரென முதலமைச்சர் சென்னை சைதாப்பேட்டையில் அமைந்துள்ள சமூகநீதித்துறை மாணவர்கள் விடுதியில் ஆய்வு மேற்கொண்டார்.</p>
<p>எந்தவித முன்னறிவிப்பும் இன்றி முதலமைச்சர் விஜய் மாணவர்கள் விடுதிக்கு சென்றார். அப்போது, மாணவர் விடுதிக்குள் சென்று ஆய்வு செய்த முதலமைச்சர் விஜய்யிடம், அங்கே இருந்த மாணவர் ஒருவர் விடுதியில் உள்ள பல பிரச்சினைகளை விளக்கமாக எடுத்துக்கூறினார்.</p>
<blockquote class="twitter-tweet">
<p dir="ltr" lang="en">The Way He Patiently Listens to Every Student Wants & Need,Real-Life MASTER. 🥹❤️ <a href="https://x.com/TVKVijayHQ?ref_src=twsrc%5Etfw">@TVKVijayHQ</a><br /><br /><a href="https://t.co/LtiddnrxlQ">pic.twitter.com/LtiddnrxlQ</a></p>
— TD....❥ (@MiniiGirl__) <a href="https://x.com/MiniiGirl__/status/2078112740431077641?ref_src=twsrc%5Etfw">July 17, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<h2><strong>அமைதியாக கேட்ட விஜய்:</strong></h2>
<p> சார் ஒரு 5 நிமிடம் என்று அந்த மாணவன் முதலமைச்சர் விஜய்யை அழைக்கவும், அந்த மாணவனது கோரிக்கையை ஏற்று நின்ற முதலமைச்சர் விஜய்யும், சமூகநீதித்துறை அமைச்சர் வன்னி அரசும் அந்த மாணவர் கோரிய விடுதியில் உள்ள பிரச்சினைகள் அனைத்தையும் கை கட்டி கேட்டறிந்தார்.</p>
<p>பின்னர், அங்கே விடுதியின் காப்பாளரையும் வரவழைத்து மாணவர்களின் குற்றச்சாட்டிற்கு அவரது பதில் என்னவென்றும் கேட்டறிந்தார். பின்னர், அனைத்தையும் குறித்துக்கொள்ளுமாறு காப்பாளருக்கு அறிவுறுத்தினார். பின்னர், முதலமைச்சர் விஜய் விடுதியில் உள்ள அறைகள், சமையற்கூடம், கழிப்பறைகளுக்கு நேரில் சென்று அதை ஆய்வு செய்தார்.</p>
<h2><strong>வைரலாகும் வீடியோ:</strong></h2>
<p>விஜய் மாணவர்களின் கோரிக்கையை அமைதியாக கைகட்டி கேட்கும் வீடியோ தற்போது இணையத்தில் வைரலாகி வருகிறது. முதலமைச்சர் விஜய் இதுபோன்று திடீர் ஆய்வு செய்து வருவதற்கு பல தரப்பினரும் வரவேற்பு தெரிவித்து வருகின்றனர். </p>
<p>சமூகநீதித்துறை அமைச்சர் வன்னி அரசு பேசும்போது முதலமைச்சர் விஜய்யின் இந்த ஆய்வு தொடரும் என்றும், கள நிலவரத்தை நேரில் தெரிந்து கொள்ள அவர் விரும்புவதாகவும், இதனால் அமைச்சர்களாகிய தாங்கள் எப்போதும் விழிப்புடன் இருக்க வேண்டியதும் அவசியமாக உள்ளது என்று அவர் முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a>யை பாராட்டினார். </p>
<p><iframe class="vidfyVideo" style="border: 0px;" src="https://tamil.abplive.com/web-stories/auto/which-is-the-cheapest-electric-car-from-tata-267924" width="631" height="381" scrolling="no"></iframe></p>
Source: Read Full Article
