<p>தமிழ்நாட்டில் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> தலைமையிலான தவெக அரசு நடைபெற்று வருகிறது. தவெக அரசின் தொழில்துறை அமைச்சராக பொறுப்பு வகித்து வருபவர் கீர்த்தனா. <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசின் மிக இள வயது அமைச்சர் என்ற பெருமைக்குரியவர். </p>
<h2><strong>கீர்த்தனாவிற்கு குவியும் கண்டனம்:</strong></h2>
<p>சிவகாசி தொகுதி சட்டமன்ற உறுப்பினரான இவர் விருதுநகர் மாவட்டத்தில் உள்ள அரசுப்பள்ளியில் இன்று ஆய்வு மேற்கொண்டார். அந்த ஆய்வின்போது மாணவ - மாணவிகளின் ஆங்கிலத் திறமையை வளர்க்க ஆசிரியர்களுக்கு அறிவுரை வழங்கினார். அப்போது, கடைசி பெஞ்ச் மாணவர்கள் பற்றி அவர் பேசிய கருத்திற்கு பல தரப்பினரும் கண்டனம் தெரிவித்து வருகின்றனர்.</p>
<p>எதிர்க்கட்சித் தலைவரும், திமுக இளைஞரணிச் செயலாளருமான <a title="உதயநிதி ஸ்டாலின்" href="https://tamil.abplive.com/topic/udhayanidhi-stalin" data-type="interlinkingkeywords">உதயநிதி ஸ்டாலின்</a> அமைச்சர் கீர்த்தனாவிற்கு கண்டனம் தெரிவித்துள்ளார். அதில் அவர் கூறியிருப்பதாவது,</p>
<h2>அருவருப்பான செயல்:</h2>
<p>அரசுப்பள்ளியில் ஆங்கிலப் புலமையை ஆய்வு செய்கிறேன் என்ற பெயரில் ‘ரீல்ஸ் அமைச்சர்’ ஒருவர் பிஞ்சுக் குழந்தையிடம் நடந்துகொண்ட விதம் அதிர்ச்சியும் அருவருப்பும் அளிக்கிறது. இது மிகவும் உணர்வற்ற செயல்.</p>
<p>மாணவர்களிடம் எப்படி நடந்துகொள்ள வேண்டும், எந்தச் சூழ்நிலைகளில் கேமராக்களைத் தவிர்க்க வேண்டும் என அமைச்சருக்குத்தான் முதலில் வகுப்பு எடுக்க வேண்டும்.</p>
<blockquote class="twitter-tweet">
<p dir="ltr" lang="ta">அரசுப்பள்ளியில் ஆங்கிலப் புலமையை ஆய்வு செய்கிறேன் என்ற பெயரில் ‘ரீல்ஸ் அமைச்சர்’ ஒருவர் பிஞ்சுக் குழந்தையிடம் நடந்துகொண்ட விதம் அதிர்ச்சியும் அருவருப்பும் அளிக்கிறது. It is grossly insensitive.<br /><br />மாணவர்களிடம் எப்படி நடந்துகொள்ள வேண்டும், எந்தச் சூழ்நிலைகளில் கேமராக்களைத் தவிர்க்க…</p>
— Udhay (@Udhaystalin) <a href="https://x.com/Udhaystalin/status/2074136584501575682?ref_src=twsrc%5Etfw">July 6, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<h2><strong>விளம்பர வெறி:</strong></h2>
<p>நம் குழந்தைகளுக்குத் தன்னம்பிக்கை ஊட்டுவது தான் நமது வேலை. மாறாக, அவர்களின் தன்னம்பிக்கையை உடைப்பதை யாராலும் ஏற்றுக்கொள்ள முடியாது.</p>
<p>உங்கள் விளம்பர வெறியை இத்துடன் நிறுத்திக் கொள்ளுங்கள். ரீல்ஸ் மோகத்துக்குப் பள்ளிக்குழந்தைகளைப் பயன்படுத்தாதீர்கள்.</p>
<p>இவ்வாறு அவர் பதிவிட்டுள்ளார்.</p>
<p>அமைச்சர் கீர்த்தனாவிற்கு உதயநிதி <a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a> மட்டுமின்றி முன்னாள் பள்ளிக்கல்வித்துறை அமைச்சர் அன்பில் மகேஷ், பாஜக மாநில தலைவர் நயினார் நாகேந்திரன் உள்ளிட்ட பலரும் கண்டனம் தெரிவித்து வருகின்றனர். அமைச்சர் கீர்த்தனா இந்த விவகாரம் குறித்து தனது எக்ஸ் பக்கத்தில் விளக்கம் அளித்துள்ளார்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/jobs/how-to-prepare-for-government-jobs-266429" width="631" height="381" scrolling="no"></iframe></p>
Source: Read Full Article
