<p>அதிமுக பொதுச்செயலாளரும் முன்னாள் முதலமைச்சருமான எடப்பாடி பழனிசாமி தனது எக்ஸ் பக்கத்தில் பதிவிட்டுள்ளதாவது,</p>
<h2><strong>ஹுண்டாயுடன் ஆந்திரா பேச்சுவார்த்தை: </strong></h2>
<p>தென்கொரிய நாட்டைச் சேர்ந்த ஹூண்டாய் கப்பல் கட்டுமான நிறுவனம் ஆந்திர மாநில அமைச்சருடன் முதலீடு தொடர்பான பேச்சுவார்தை நடத்தியுள்ளதாக செய்திகள் வருகின்றன. </p>
<p>ஏற்கனவே இந்நிறுவனம் தமிழ்நாட்டில் ரூ. 38,000 கோடி மதிப்பிலான முதலீடு செய்யவிருப்பதாக கூறப்பட்ட நிலையில், தற்போது இந்நிறுவன முதலீடு நம் மாநிலத்தின் கைவிட்டு போகக்கூடிய ஒரு அச்சமான சூழல் உள்ளது.</p>
<p>ஹூண்டாய் நிறுவனம் 1990-களில் இருந்து தமிழகத்தில் தொழில் முதலீடு செய்துள்ள நிறுவனம். அது இன்னொரு மாநிலத்தை தற்போது நாடுவது என்பதே, இன்றைய தவெக அரசு எப்படிப்பட்ட நம்பிக்கைக்கு பாத்திரமற்ற அரசாக இருக்கிறது என்பதைக் காட்டுகிறது.</p>
<blockquote class="twitter-tweet">
<p dir="ltr" lang="ta">தென்கொரிய நாட்டைச் சேர்ந்த ஹூண்டாய் கப்பல் கட்டுமான நிறுவனம் ஆந்திர மாநில அமைச்சருடன் முதலீடு தொடர்பான பேச்சுவார்தை நடத்தியுள்ளதாக செய்திகள் வருகின்றன. <br /><br />ஏற்கனவே இந்நிறுவனம் தமிழ்நாட்டில் <br />ரூ. 38,000 கோடி மதிப்பிலான முதலீடு செய்யவிருப்பதாக கூறப்பட்ட நிலையில், தற்போது இந்நிறுவன…</p>
— Edappadi K Palaniswami-SayYEStoWomenSafety&AIADMK (@EPSTamilNadu) <a href="https://x.com/EPSTamilNadu/status/2075570742486573494?ref_src=twsrc%5Etfw">July 10, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<h2><strong>மழுங்கடிக்கும் செயல்:</strong></h2>
<p>இதற்கு மூலக் காரணம், அம்மா தலைமையிலான அஇஅதிமுக அரசு துவங்கிய @Guidance_TN (தமிழ்நாட்டின் முதலீட்டு ஊக்குவிப்பு முகமை) நிறுவனத்தை முறையாக நிர்வகிக்காமல், அதன் செயல்பாடுகளை மழுங்கடிக்கும் நோக்கில் இன்றைய தவெக அரசு செயல்படுவது தான்! </p>
<p>Guidance TamilNadu நிறுவனத்தில் இருந்து 10 அதிகாரிகள் பதவி விலகிவிட்டதாகவும் செய்திகள் வருகின்றன. இவையெல்லாம் முதலீடுகளை பாதிக்கும் என்பதை இந்த அரசு கொஞ்சமாவது உணர்கிறதா?</p>
<h2><strong>முட்டாள்தனம்:</strong></h2>
<p>Amateur அமைச்சரவையின் முதிர்ச்சியற்ற அமைச்சராக உள்ள இன்றைய தொழில்துறை அமைச்சர், இன்னொரு ரீல் வெளியிட்டால் இந்த நிறுவனம் வந்துவிடும் என நினைத்தால், அப்படிப்பட்ட எண்ணத்தின் முட்டாள்தனத்தை விவரிக்க வார்த்தையே இல்லை.</p>
<p>உடனடியாக ஹூண்டாய் நிறுவனத்தோடு பேச்சுவார்தையை FastTrack செய்து அவர்களின் முதலீடை உறுதி செய்யவேண்டும் என இந்த அரசை வலியுறுத்துகிறேன்.</p>
<p>இவ்வாறு அவர் பதிவிட்டுள்ளார்.</p>
<p>தமிழ்நாட்டில் பல நிறுவனங்களை முதலீடு செய்ய வைப்பதாக <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசு உத்தரவாதம் அளித்துள்ளது. கடந்த காலங்களில் தமிழ்நாட்டிற்கு வர வேண்டிய பல்வேறு முதலீடுகள் ஆந்திராவிற்குச் சென்றுவிட்டதாக தொடர் குற்றச்சாட்டுகள் உள்ளது. இந்த ஆட்சியில் இது தொடரக்கூடாது என்று பலரும் வலியுறுத்தி வருகின்றனர்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/auto/do-you-know-what-the-cheapest-way-to-buy-a-new-car-is-266995" width="631" height="381" scrolling="no"></iframe></p>
Source: Read Full Article
