<p style="text-align: justify;">ஆதார் கார்டில் email முகவரியை அப்டேட் செய்ய வேண்டுமா? ஒரு சூப்பர் வாய்ப்பு! இந்திய தனித்துவ அடையாள ஆணையம் (UIDAI) இதற்காக 6 மாத கால சிறப்புத் திட்டத்தை அறிவித்துள்ளது. ஜூலை 1-ம் தேதி தொடங்கிய இந்தச் சலுகை, வரும் டிசம்பர் 31-ம் தேதி வரை அமலில் இருக்கும். இதன் மூலம் லட்சக்கணக்கான மக்கள் தங்களின் KYC விவரங்களை இலவசமாகச் சரிசெய்து கொள்ள முடியும். உங்கள் வங்கி கணக்கு மற்றும் முதலீடுகள் தொடர்பான முக்கியத் தகவல்களை உடனுக்குடன் பெற, ஆதாரில் சரியான email முகவரி இருப்பது மிகவும் அவசியம்.</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/06/30/52243f52234da3be0e70fdd8c45359a41782813840671193_original.JPG" /></p>
<p style="text-align: justify;">தற்போதைய டிஜிட்டல் காலத்தில் நிதிப் பாதுகாப்பு மற்றும் பணப் பரிவர்த்தனை தகவல்களைப் பெற சரியான email இணைப்பு மிக முக்கியம். வங்கிகள் தங்களின் மாதாந்திர ஸ்டேட்மெண்ட் மற்றும் பாதுகாப்பு எச்சரிக்கைகளை ஆதாரில் இணைக்கப்பட்டுள்ள இமெயிலுக்கே அனுப்புகின்றன. ஒருவேளை உங்கள் இமெயில் முகவரி பழையதாக இருந்தால், மியூச்சுவல் ஃபண்ட் (MF) மற்றும் டீமேட் கணக்கு தொடர்பான முக்கிய அப்டேட்களை நீங்கள் இழக்க நேரிடும். இந்தச் சிக்கல்களை இப்போதே சரிசெய்வது, எதிர்காலத்தில் உங்கள் முதலீட்டுக் கணக்குகள் முடக்கப்படாமல் இருக்க உதவும்.</p>
<p style="text-align: justify;">உங்கள் விவரங்களை அப்டேட் செய்ய, அதிகாரப்பூர்வ 'MyAadhaar' போர்டல் அல்லது 'mAadhaar' செயலியைப் பயன்படுத்தலாம். உங்கள் ஆதார் எண் மற்றும் மொபைலுக்கு வரும் OTP-யைப் பயன்படுத்தி லாகின் செய்யவும். அதில் 'Demographic Update' ஆப்ஷனைத் தேர்ந்தெடுத்து, உங்கள் புதிய email முகவரியை உள்ளிடவும். பின்னர் உங்கள் இமெயிலுக்கு வரும் ரகசியக் குறியீட்டை (Code) பதிவிட்டு மாற்றங்களை உறுதி செய்யலாம். ஆன்லைன் மூலம் மிக வேகமாகச் செய்யக்கூடிய இந்த வசதி, ஆதார் மையங்களில் நீண்ட வரிசையில் காத்திருப்பதைத் தவிர்க்க உதவுகிறது.</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/06/30/b1a8d9741a9c2e4e3fcc2258545d28371782813863584193_original.JPG" /></p>
<p style="text-align: justify;">email முகவரியை மாற்றுவது முற்றிலும் இலவசம் என்றாலும், மற்ற சில சேவைகளுக்கு வழக்கமான கட்டணம் வசூலிக்கப்படும். உதாரணமாக, பயோமெட்ரிக் விவரங்களை மாற்றக் கட்டணம் செலுத்த வேண்டும். அதேசமயம், ஆன்லைன் மூலம் ஆவணங்களை (Document) அப்டேட் செய்வது குறிப்பிட்ட காலத்திற்கு இலவசமாக வழங்கப்படுகிறது. UIDAI-ன் பொதுவான கட்டண விவரங்கள் கீழே கொடுக்கப்பட்டுள்ளன.</p>
<p style="text-align: justify;">சேவை வகை மற்றும் கட்டண விவரம்:<br />இமெயில் அப்டேட் இலவசம் (டிசம்பர் 31 வரை)<br />ஆவணங்கள் அப்டேட் இலவசம் (ஆன்லைன் மட்டும்)<br />பயோமெட்ரிக் அப்டேட் கட்டணமாக ரூ100, PVC கார்டு ஆர்டர் கட்டணமாக ரூ50 செலுத்த வேண்டும்.</p>
<p style="text-align: justify;">தனிப்பட்ட தகவல்களைத் திருடும் போலி செயலிகளிடம் சிக்காமல் இருக்க, எப்போதும் அதிகாரப்பூர்வ இணையதளத்தை மட்டுமே பயன்படுத்துங்கள். அப்டேட் செய்த பிறகு உங்கள் UPI அலர்ட்களை ஒருமுறை சரிபார்த்துக் கொள்வது நல்லது. இப்போது நீங்கள் செலவிடும் வெறும் 5 நிமிடம், உங்கள் நிதி எதிர்காலத்தைப் பாதுகாப்பாக வைக்கும். </p>
Source: Read Full Article
