வாலாஜா அரசு மருத்துவமனையில் பா.ஜ.க.வினர் ஏற்பாடு; இளைஞர்கள் ஆர்வமுடன் ரத்ததானம் செய்தனர் – மாநில நிர்வாகிகள் பங்கேற்பு.
ராணிப்பேட்டை, அக்டோபர் 3, 2025: பாரதப் பிரதமர் நரேந்திர மோடிஜி அவர்களின் பிறந்தநாளை முன்னிட்டு, ராணிப்பேட்டை மாவட்ட பா.ஜ.க. சார்பில் வாலாஜா தலைமை அரசு மருத்துவமனையில் இன்று மாபெரும் ரத்ததான விழா (Mega Blood Donation Camp) மற்றும் அன்னதான நிகழ்ச்சி எழுச்சியுடன் நடைபெற்றது. பிரதமரின் 'சேவை நிகழ்ச்சியாக' நடத்தப்பட்ட இந்த முகாமில், இளைஞர்கள் ஆர்வமுடன் பங்கேற்று ரத்ததானம் வழங்கினர்.
இந்த நிகழ்ச்சி, ராணிப்பேட்டை மாவட்டத் தலைவர் P. ஆனந்தன் அவர்கள் தலைமையில், மாவட்டப் பொதுச் செயலாளர் சிவமணி அவர்கள் முன்னிலையில், இளைஞர் அணி மாவட்டத் தலைவர் ஜீவானந்தம் அவர்களின் முழுமையான ஏற்பாட்டில் நடைபெற்றது. இந்த விழாவை மாநிலப் பொதுச் செயலாளர் மற்றும் பெருங்கோட்டப் பொறுப்பாளர் கார்த்திகாயினிஜி அவர்கள் தொடங்கி வைத்தார். இதில் 30-க்கும் மேற்பட்ட இளைஞர்கள் தாமாக முன்வந்து ரத்ததானம் (Blood Donation) வழங்கினர்.
இந்த நிகழ்வில், அரசு மருத்துவமனை டீன் உஷாநந்தினி, அரசு மருத்துவமனை மருத்துவர்கள், ரத்த வங்கி ஊழியர்கள், மற்றும் ரத்ததானக் கொடை வள்ளல் குமரன் ரவிசங்கர் ஆகியோர் பங்கேற்றனர். மேலும், நகர, ஒன்றிய, மாவட்ட பா.ஜ.க. நிர்வாகிகள் திரளாகக் கலந்து கொண்டு சிறப்பித்தனர். ரத்ததான நிகழ்ச்சியைத் தொடர்ந்து, மருத்துவமனையில் உள்ள நோயாளிகள், உதவியாளர்கள் (Attendants) மற்றும் பொதுமக்கள் என சுமார் 500 பேருக்கு அன்னதானம் வழங்கப்பட்டது குறிப்பிடத்தக்கது.
