சேவை நிகழ்ச்சியாக ஏழைகளுக்கு அன்னதானம்; மாவட்டப் பொறுப்பாளர்கள் உட்படப் பல நிர்வாகிகள் திரளாகப் பங்கேற்பு.
ராணிப்பேட்டை, அக்டோபர் 3, 2025: பாரதப் பிரதமர் நரேந்திர மோடியின் பிறந்தநாளைச் சிறப்பிக்கும் சேவை நிகழ்ச்சி' (Seva Programme) யாக, ராணிப்பேட்டை மாவட்டம், வாலாஜா ஒன்றியம் சார்பில் இன்று துளிர் இல்லத்தில் பா.ஜ.க. நிர்வாகிகள் ஏழை மக்களுக்கு காலை உணவை வழங்கினர்.
இந்த நிகழ்வு, மாவட்டப் பொதுச் செயலாளர் சிவமணிஜி அவர்கள் முன்னிலையில் நடைபெற்றது. இதில், அரசு தொடர்பு பிரிவு மாவட்ட அமைப்பாளர் டாக்டர் விகே. சஞ்சய்லோகேஷ், மத்திய அரசு நலத்திட்டப் பிரிவு மாவட்ட அமைப்பாளர் ரவீந்திரநாத்சிங், கல்வியாளர் பிரிவு மாவட்ட அமைப்பாளர் பிரவீன்குமார் ஆகியோர் மாவட்ட ஏற்பாட்டின் பேரில் கலந்து கொண்டனர்.
மேலும், பொருளாதாரப் பிரிவு முன்னாள் மாவட்டத் தலைவர் நரேந்திரன், காந்தி, பிரகாஷ், சிதம்பரம் மற்றும் ரத்ததான வள்ளல் குமரன் ரவிசங்கர்ஜி உள்ளிட்ட நகர, ஒன்றிய, மாவட்ட பா.ஜ.க. நிர்வாகிகள் திரளாகக் கலந்து கொண்டு, பிரதமரின் பிறந்தநாள் சேவை நிகழ்ச்சியைச் சிறப்பித்தனர். இந்தச் சேவை நிகழ்ச்சி, பிரதமர் மோடியின் பிறந்தநாளை முன்னிட்டு நாடு முழுவதும் நடைபெறும் நிகழ்ச்சிகளின் ஒரு பகுதியாக அமைந்தது குறிப்பிடத்தக்கது.
