.jpg)
உற்பத்தி 10% குறைவு; பட்டாசு விலை 5 முதல் 10 சதவீதம் உயர்வு!
.jpg)
தீபாவளிப் பண்டிகையை முன்னிட்டு, பல்வேறு புதிய ரக பட்டாசுகள் அறிமுகப்படுத்தப்பட்டுள்ள நிலையில், சிவகாசியில் பட்டாசு விற்பனை களைகட்டத் தொடங்கியுள்ளது.
விருதுநகர் மாவட்டம், சிவகாசியில் உள்ள 1,080 பட்டாசு ஆலைகளில் இந்த ஆண்டு உற்பத்தி, அதிகாரிகளின் ஆய்வால் ஏற்பட்ட மூடல், அவ்வப்போது பெய்த மழை உள்ளிட்ட பல்வேறு காரணங்களால் சுமார் 10 சதவீதம் பாதிக்கப்பட்டுள்ளது.
இந்த ஆண்டு தீபாவளிக்கு இன்னும் 37 நாட்களே உள்ள நிலையில், வெளிமாநில மற்றும் வெளிமாவட்டங்களுக்கான மொத்த வியாபாரம் ஓரளவுக்கு முடிந்துள்ளது. தற்போது, தமிழகம் முழுவதும் இருந்து சிறு வியாபாரிகள் மற்றும் பொதுமக்கள் பட்டாசுகளை வாங்குவதற்காகச் சிவகாசிக்கு வரத் தொடங்கியுள்ளனர்.
இதனால், பட்டாசு வியாபாரம் விறுவிறுப்பாக நடைபெற்று வருகிறது. அதே சமயத்தில், பட்டாசுகளின் விலை 5 முதல் 10 சதவீதம் வரை உயர்ந்துள்ளதாக உற்பத்தியாளர்கள் தெரிவித்துள்ளனர்.
இதுகுறித்து தமிழ்நாடு பட்டாசு வணிகர்கள் கூட்டமைப்பின் பொதுச்செயலர் இளங்கோவன் கூறுகையில், உற்பத்தி குறைந்துள்ளதால், இந்த ஆண்டு பட்டாசுக்கு பற்றாக்குறை ஏற்பட வாய்ப்புள்ளது. தற்போது வியாபாரம் களைகட்டி இருப்பதால், தீபாவளிக்கு முன்னதாகவே வியாபாரம் முழுமையாக முடிவடையும் என்றார்.
