பென்குயின் எனப் பெயரிடப்பட்ட அந்த ஏ.ஐ. தொழில்நுட்பம்; உலக அரசியல் வரலாற்றில் ஒரு புதிய அத்தியாயம்!
மீண்டும் பிறப்பதற்கான பாதை (Path to rebirth) என்ற பெயருடைய அந்தக் கட்சி, அண்மையில் நடந்த நாடாளுமன்ற மேல்சபைக்கான தேர்தலில் போட்டியிட்ட 10 இடங்களிலும் தோல்வியைச் சந்தித்தது. தொடர் தோல்விகளின் காரணமாக, கட்சித் தலைவராக இருந்த இஷிமரு தனது பதவியை ராஜினாமா செய்தார். இதனைத் தொடர்ந்து, கட்சியின் அடுத்த தலைவராக 'பென்குயின்' என்று பெயரிடப்பட்டுள்ள ஏ.ஐ. தொழில்நுட்பம் நியமிக்கப்பட்டுள்ளது.
இந்த ஏ.ஐ. அமைப்பை உருவாக்கிவரும் கோகி ஒகுமுரா என்ற மாணவர், இந்த வியக்கத்தக்க அறிவிப்பை வெளியிட்டதுடன், ஏ.ஐ.க்குத் தேவையான உதவிகளையும் தான் செய்யப்போவதாகத் தெரிவித்துள்ளார். பென்குயின், எத்தனை நாட்கள் இந்தப் பதவியில் இருக்கும் என்பது குறித்து வரும் நாட்களில் முடிவு செய்யப்படும் என்று கூறப்படுகிறது.
கடுமையான தோல்விகளுக்குப் பிறகு, ஒரு அரசியல் கட்சி மனிதருக்குப் பதிலாக ஒரு தொழில்நுட்பத்தை நம்பி இந்த முன்னோடி முயற்சியை மேற்கொண்டுள்ளது. இது, அறிவியல் தொழில்நுட்பத்தின் ஆதிக்கத்தை அரசியல் உலகிலும் பறைசாற்றுவதாக அமைந்துள்ளது.
