.jpg)
பாடல்களைப் பயன்படுத்துவதை நிறுத்த வேண்டும்; மன்னிப்பு கோராவிட்டால் நீதிமன்ற அவமதிப்பு வழக்கு தொடரப்படும் என எச்சரிக்கை!
.jpg)
நடிகர் அஜித்தின் 'குட் பேட் அக்லி' திரைப்படத்தில் தனது பாடல்களைப் பயன்படுத்தக் கூடாது என்ற நீதிமன்ற உத்தரவை மீறி, தொடர்ந்து அப்படத்தில் பாடல்கள் பயன்படுத்தப்படுவதாகக் கூறி, இசையமைப்பாளர் இளையராஜா சார்பில் படக்குழுவுக்கு நீதிமன்ற அவமதிப்பு நோட்டீஸ் அனுப்பப்பட்டுள்ளது.
இளையராஜா சார்பில் அனுப்பப்பட்ட இந்த நோட்டீஸில், உடனடியாகப் பாடல்களைப் பயன்படுத்துவதை நிறுத்த வேண்டும் என்றும், நிபந்தனையற்ற மன்னிப்பு கோர வேண்டும் என்றும் மைத்திரி மூவி மேக்கர்ஸ் நிறுவனத்திற்கு எச்சரிக்கை விடுக்கப்பட்டுள்ளது. இந்த நிபந்தனைகள் ஏற்கப்படாவிட்டால், நீதிமன்ற அவமதிப்பு வழக்கு தொடரப்படும் எனவும் தெரிவிக்கப்பட்டுள்ளது.
முன்னதாக, 'குட் பேட் அக்லி' திரைப்படத்தில் இளையராஜாவின் பாடல்கள் பயன்படுத்தப்படுவதற்கு இடைக்காலத் தடை விதித்து சென்னை உயர் நீதிமன்றம் உத்தரவிட்டிருந்தது. இருப்பினும், அந்த உத்தரவை மீறிப் படக்குழு தொடர்ந்து தனது பாடல்களைப் பயன்படுத்தி வருவதாக இளையராஜா தரப்பில் குற்றம் சாட்டப்பட்டுள்ளது.
