.jpg)
அதிக உப்பு, இரசாயனங்கள் காரணமாக இரத்த அழுத்தம், மனச்சோர்வு, வயிற்றுப் புண்கள் போன்ற பிரச்சனைகள் வர வாய்ப்பு!
.jpg)
சுவையான உணவாகக் கருதப்படும் நூடுல்ஸை அதிகமாகச் சாப்பிடுவது ஆரோக்கியத்திற்கு நல்லதல்ல என மருத்துவ நிபுணர்கள் எச்சரிக்கை விடுத்துள்ளனர். குறிப்பாக இளைஞர்கள் மற்றும் குழந்தைகளுக்கு இது நீண்டகாலப் பாதிப்புகளை ஏற்படுத்தக்கூடும் என அவர்கள் எச்சரிக்கின்றனர்.
நூடுல்ஸில் அதிக அளவு உப்பு, செயற்கை ரசாயனங்கள் மற்றும் உடல்நலத்திற்குக் கேடு விளைவிக்கும் பரிமாற்ற எண்ணெய் (Trans fat) ஆகியவை அதிக அளவில் சேர்க்கப்படுகின்றன. இவற்றின் தொடர் நுகர்வு, நீண்டகாலத்தில் இரத்த அழுத்தம் அதிகரித்தல், மனச்சோர்வு, வயிற்றுப் புண்கள், உடல் பருமன் மற்றும் கொழுப்புத்தன்மை போன்ற பல்வேறு உடல்நலப் பிரச்சனைகளுக்கு வழிவகுக்கும்.
எனவே, ஆரோக்கியமாக இருக்க வேண்டும் என விரும்பினால், நூடுல்ஸை மிகமிக குறைந்த அளவிலும், மிக அரிதாகவும் மட்டுமே உட்கொள்ள வேண்டும் என மருத்துவர்கள் பரிந்துரைக்கின்றனர். நூடுல்ஸை ஒரு ஆரோக்கியமான உணவுப் பழக்கத்தின் ஒரு பகுதியாகக் கருத முடியாது எனவும் அவர்கள் கூறுகின்றனர்.
