தருமபுரி சுற்றுப்பயணம் குறித்த ஊடகங்களின் ஊகங்களுக்கு அ.தி.மு.க. பொதுச்செயலாளர் கடும் கண்டனம்!
மத்திய உள்துறை அமைச்சர் அமித் ஷாவைச் சந்திப்பதற்காகவே தனது சுற்றுப்பயணம் மாற்றியமைக்கப்பட்டதாக வெளியான செய்திகளுக்கு அ.தி.மு.க. பொதுச்செயலாளர் எடப்பாடி பழனிசாமி அனல் பறக்கும் மறுப்பு தெரிவித்துள்ளார். ஊடகங்களின் இந்தச் செய்திக்கு அவர் கடும் கண்டனம் தெரிவித்துள்ளார்.
சமீபத்தில், எடப்பாடி பழனிசாமியின் தருமபுரி சுற்றுப்பயணம் திடீரென ரத்து செய்யப்பட்ட நிலையில், அவர் அமித் ஷாவைச் சந்திக்க புதுடெல்லிக்குச் செல்ல இருப்பதாகவும், அ.தி.மு.க.வின் உட்கட்சி விவகாரங்கள் குறித்து பேச்சுவார்த்தை நடத்த இருப்பதாகவும் ஊடகங்கள் பரபரப்பாகச் செய்தி வெளியிட்டன. இது தமிழக அரசியல் வட்டாரங்களில் பல்வேறு யூகங்களுக்கு வழிவகுத்தது.
இதற்குப் பதிலளித்த எடப்பாடி பழனிசாமி, வானிலை ஆய்வு மையம் தர்மபுரியில் மழை பெய்யும் என அறிவித்ததன் அடிப்படையில்தான் சுற்றுப்பயணம் மாற்றம் செய்யப்பட்டது. உடனே, மத்திய உள்துறை அமைச்சரைச் சந்திக்கிறார், பேச்சுவார்த்தை நடத்துகிறார், உட்கட்சிப் பிரச்சினையென ஊடகங்கள் பொய்ச் செய்தி வெளியிட்டுள்ளன. இது உண்மைக்குப் புறம்பானது எனத் திட்டவட்டமாகத் தெரிவித்தார்.
