கள்ளக்காதல் சந்தேகத்தில் உறவினர்கள் கொடூரத் தாக்குதல்; போலீசார் மூவரையும் மீட்டனர்!
ஒடிசா மாநிலம், மயூர்பாஞ்ச் மாவட்டத்தில் திருமணமான பெண் ஒருவருடன் இரு ஆண்களை மின் கம்பத்தில் கட்டி வைத்துத் தாக்கிய சம்பவம் பெரும் அதிர்ச்சியை ஏற்படுத்தியுள்ளது.
மயூர்பாஞ்ச் மாவட்டத்தில் உள்ள காஷிபுர் கிராமத்தைச் சேர்ந்த பெண் ஒருவர், சந்தையிலிருந்து இரு ஆண்களுடன் மோட்டார் சைக்கிளில் வந்ததை, அவரது உறவினர்கள் பார்த்துள்ளனர். அந்த இரு ஆண்களில் ஒருவருடன் அந்தப் பெண்ணுக்குக் கள்ளக்காதல் இருப்பதாகச் சந்தேகித்து, மூவரையும் வழிமறித்துள்ளனர்.
பின்னர், அவர்கள் மூவரையும் அங்கிருந்த மின் கம்பத்தில் கட்டிவைத்து கொடூரமாகத் தாக்கியுள்ளனர். இந்தத் தாக்குதல் அப்பகுதியில் பெரும் பரபரப்பை ஏற்படுத்தியது.
சம்பவம் குறித்துத் தகவல் அறிந்த போலீசார், உடனடியாக விரைந்து சென்று மின் கம்பத்தில் கட்டப்பட்டிருந்த மூவரையும் பத்திரமாக மீட்டனர். மேலும், இந்தச் சம்பவம் தொடர்பாக வழக்குப் பதிவு செய்து, போலீசார் விசாரணை நடத்தி வருகின்றனர்.
