<p style="text-align: left;">U19 ஆசியக்கோப்பை இறுதிப் போட்டியில் பாகிஸ்தான் அணியை வீழ்த்தி இந்திய அணி அபார வெற்றி பெற்று சாம்பியன் பட்டத்தை கைப்பற்றியது.</p>
<h2 style="text-align: left;"><strong>இந்தியாவுக்கு இலக்கு நிர்ணயித்த பாகிஸ்தான்</strong></h2>
<p style="text-align: left;">ஒமன் நாட்டில் நடைபெற்ற U19 ஆசியக்கோப்பை இறுதிப்போட்டியில், முதலில் டாஸ் வென்ற பாகிஸ்தான் அணி பேட்டிங்கைத் தேர்வு செய்தது. 50 ஓவர்கள் முடிவில் பாகிஸ்தான் அணி 9 விக்கெட்டுகள் இழப்புக்கு 337 ரன்கள் குவித்தது. தொடக்க ஆட்டக்காரரான உஸ்மான் கான் 111 பந்துகளில் 107 ரன்களை விளாசினார். மேலும், அப்துல் காதர் 80 ரன்களையும், பர்கான் யூசப் 63 ரன்களையும் எடுத்த நிலையில் இறுதியாக 50 ஓவர்கள் முடிவில் 9 விக்கெட்டுகள் இழப்புக்கு 337 ரன்களை பாகிஸ்தான் அணி குவித்தது.</p>
<p style="text-align: left;">இந்தியா தரப்பில் காவ்யா படேல் 10 ஓவர்களில் 68 ரன்களை விட்டுக்கொடுத்து 4 விக்கெட்களையும், சிகுருபதி வெங்கடா 5 ஓவர்களில் 40 ரன்களை விட்டுக்கொடுத்து 3 விக்கெட்களையும் வீழ்த்தினர்.</p>
<h2 style="text-align: left;"><strong>இலக்கை எட்டி த்ரில் வெற்றிபெற்ற இந்திய அணி!</strong></h2>
<p style="text-align: left;">இதனைத்தொடர்ந்து, 338 ரன்கள் எடுத்தால் வெற்றி என்ற இலக்குடன் இந்திய அணி களமிறமிறங்கியது. இதில் தொடக்க வீரர்களாக களமிறங்கிய லக்‌ஷ்ய ராய் சந்தனி 101 பந்துகளில் 80 ரன்களும், ஆர்யவீர் சேவாக் 61 பந்துகளில் 58 ரன்களும் எடுத்து ஆட்டமிழந்தனர். இதனையடுத்து களமிறங்கிய வீரர்கள் சொற்ப ரன்களில் ஆட்டமிழக்க, சற்றே தடுமாறிய இந்திய அணிக்கு மனால் சவுகான் மற்றும் மோஹித் உல்வா ஜோடி புத்துணர்வை அளித்து ரன் குவிப்பில் ஈடுபட்டது. 47.2 ஓவரில் இந்தியா 309 ரன்கள் எடுத்திருந்தபோது மனால் சவுகான் 47 ரன்களில் ஆட்டமிழக்க, மோஹித் உல்வா உடன் சிகுருபதி வெங்கடா ஜோடி சேர்ந்தார். கடைசி பந்தில் 3 ரன்கள் தேவைப்பட்ட நிலையில் மோஹித் உல்வா பவுண்டரி அடித்து ஒரு விக்கெட் வித்தியாசத்தில் இந்தியாவை வெற்றி பெறச்செய்தார்.</p>
Source: Read Full Article
