<p>01.01.2027-ஐ தகுதியேற்படுத்தும் நாளாகக் கொண்டு புகைப்படத்துடன் கூடிய வாக்காளர் பட்டியல் சிறப்பு சுருக்கமுறை திருத்தத்தினை இந்தியத் தேர்தல் ஆணையம் அறிவித்துள்ளது.</p>
<h2><strong>தமிழ்நாட்டில் 5.77 கோடி வாக்காளர்கள்</strong></h2>
<p>12.11.2026 அன்று அனைத்து மாவட்டங்களிலும் நிர்ணயிக்கப்பட்ட அமைவிடங்களில் வாக்குச் சாவடிகள் ஒருங்கிணைக்கப்பட்டு வரைவு வாக்காளர் பட்டியல்கள் வெளியிடப்பட்டதோடு, (<a href="https://www.elections.tn.gov.in">https://www.elections.tn.gov.in</a>) என்ற இணையதளத்திலும் வெளியிடப்பட்டுள்ளன. புகைப்படத்துடன் கூடிய ஒருங்கிணைந்த வரைவு வாக்காளர் பட்டியல் சிறப்பு சுருக்கமுறை திருத்தம், 2027-இன் படி தமிழ்நாட்டில் தற்போதைய மொத்தம் 5,77,46,618 வாக்காளர்கள் உள்ளனர். அவை முறையே ஆண்கள்- 2,82,03,992 பேரும் பெண்கள்- 2,95,34,734 மற்றும் மூன்றாம் பாலினத்தவர்கள் - 7,892 நபர்களும் உள்ளதாக தெரிவிக்கப்பட்டுள்ளது. மாநிலத்திலேயே 5,58,729 பேருடன் அதிக வாக்காளர்களை கொண்ட தொகுதியாக செங்கல்பட்டு மாவட்டத்தின் சோழிங்கநல்லூரும், மாநிலத்திலேயே 1,20,852 பேருடன் குறைந்த வாக்காளர்களைக் கொண்ட சட்டமன்றத் தொகுதியாக சென்னை மாவட்டத்தின் துறைமுகம் தொகுதி உள்ளது. </p>
<h2><strong>திருத்தம் மேற்கொள்ள தேதிகள் அறிவிப்பு</strong></h2>
<p> வருகிற 21,22 மற்றும் 29-ஆம் தேதிகளில் நிர்ணயிக்கப்பட்ட அமைவிடங்களில் சிறப்பு முகாம்கள் நடத்தப்பட்டு வாக்காளர் பட்டியலில் பெயர் சேர்த்தல், நீக்கல், திருத்தம், இடமாற்றம் ஆகியவற்றிற்கான படிவங்கள் அந்தந்த நிர்ணயிக்கப்பட்ட அமைவிடங்களில் கிடைக்கும் எனவும் அவற்றை பூர்த்தி செய்து அங்கேயே சமர்ப்பிக்கலாம் எனவும் தேர்தல் ஆணையம் தெரிவித்துள்ளது. (<a href="https://voters.eci.gov.in">https://voters.eci.gov.in</a>) ஆகிய இணையதள முகவரி மற்றும் "ECINET" கைபேசி செயலி ஆகியவற்றின் மூலமாகவும் ஆன்லைன் முறையில் விண்ணப்பங்கள் சமர்ப்பிக்க வசதி செய்யப்பட்டுள்ளதாக தேர்தல் ஆணையம் தரப்பில் தெரிவிக்கப்பட்டுள்ளது.</p>
Source: Read Full Article
